唐記包點 (已結業)

話說作為唐記嘅忠實fans，我真係成日食！事關佢好方便又多分店，再加上平得黎份量又多。咁岩我公司附近都有唐記～-本身今日諗住去食唐記包點最新聯乘的流心阿華田包同阿華田奶茶，兩款都係唔駛$10就買得到，如果係阿華田粉絲快啲去買返個黎食喇！（可惜嘅係我去到岩岩好賣晒！唔緊要過兩日再買黎食！）-今日食咗是日精選：章魚肉餅飯（$16），熱食蒸飯真係好好食，買到返公司再自行澆上甜豉油，好正。最重要係「真係好好好好平」，對於我呢啲打工仔黎講，真係十萬級抵！-另一個最愛就係唐記點心，今日買左燒賣、雞札、鮮竹卷，其實平時去茶樓特點都差唔多$20一個，而唐記$14優惠價真係好抵好抵。-另外，再買咗幾個凍包（菜肉包、叉燒包、雞肉包、蔬菜包）帶返屋企，一家四口聽朝早餐，$5.5一個真心宇宙級抵食。-我買左 一個章魚肉餅飯、三盒點心（燒賣、雞札、鮮竹卷）、六個凍包（菜肉包、叉燒包、雞肉包、蔬菜包），咁多野都唔洗$100！

唐記包點而家開到周圍都有一間！都終於開到去觀塘半山XD 講緊康寧一帶啊！呢間唐記非常就腳，唔小人返工返學返屋企都一定會經過。鍾意食唐記全因佢大件又扺食，所有蒸包款都係5蚊左右，而飯款就約廿零蚊，點心就十幾蚊，係香港哋已經好難搵到咁扺食又飽肚嘅野！今日放工就買咗章魚肉餅飯同鳳爪醫醫肚，加埋都唔洗40蚊！兩樣拎到返屋企都好熱辣辣，仲保持到水準，特別推介呢度嘅肉餅真係好香章魚味。另外而家仲有每日精選，特選蒸飯只係17蚊，唐記簡直係窮人恩物😍