味十味 (已結業)

告別了八九十年代日本企業在港的黃金歲月，以為已經沒有以日本人為主要客戶群的居酒屋，估唔到至少仲有這一間，在銅鑼灣現址屹立已經10多年的味十味，未見過有甚麼特別宣傳，除了烹調技巧之外，真想不到可有甚麼原因！ 可能是日本料理店之風格，明明是正在營業，大門並不打開，要自己推門而入，相約的同伴害羞，以為自己行錯路唔敢內進！ 門外寧靜，門面簡單，慣常一些小物裝飾，標榜日本豚，怪不得同伴，看來看去，覺得似一家日本人私竇。 踏入店子之後的一刻，恍如瞬間轉移到了日本，首先沒有人衝出來招呼，而且客人亦不多，慢慢走到吧桌那方，男女服務員終於露面，二人只懂日語，即時令我感到自己正在日本旅遊、踏入了一家鄉村小店，只可憑單字、手語及感覺傾談。 日式木系裝潢，總是予人一種輕鬆的感覺。 幸好餐牌圖文並茂，亦有中英文字，今晚不愁沒有好吃的！ 意大利葉芝麻花生醬沙律  自家製的芝麻醬出奇的輕身清香，不如坊間的濃郁有霸氣，感覺更加健康，尤其羅馬生菜新鮮嫩綠，更能吃出菜甜之原味。 味十味串燒拼盤  一客五款，芝士雞肉棒、大阪風味豬肉丸、車厘茄煙肉卷、豬頸肉辣味噌及洋蔥。 我最喜歡大阪風味豬肉丸，吃得出是用新鮮豬肉

之前去過一間係由日本人主理嘅餐廳，差不多全部職員都係日本人，好在其中一位英文好好，落單都冇難度野菜5串 ($97)之前食得太飽，所以叫5款蔬菜串燒試吓，有冬菇、銀杏、車厘茄、秋葵及肥菇，全部都非常新鮮，燒得唔會過火，尤其是啲菇，咬落仲非常多汁牛舌串燒 ($29)非常薄切，不過有啲失望，因為韌竹蒸籠蒸日本豚肉切片 ($146)牆上寫住呢度專賣日本豚肉，於是我哋又叫一個蒸嘅清清哋試吓。個蒸籠好大，下面有黃芽白，上面嗰層有好多一片片嘅豚肉片，仲有四件本菇豚肉卷，豚肉油脂分佈平均，食落好柔軟唔韌，由於係蒸嘅關係，啲肉汁蒸晒出嚟，滲落下面啲菜，食落更加香甜。鍾意濃味嘅可以點埋柚子醬或芝麻醬，不過我自己就鍾意柚子醬多啲，食落好似口感清爽啲海鮮釜飯 ($132)要煮30分鐘嘅日式煲仔飯！入面有蟹肉、三文魚、帶子及魔芋碎，口感一流，鮮味十足，不過份量少咗啲，只得兩碗飯。我今晚唔算好肚餓，否則以我平時嘅大飯桶食量，一人一個釜飯先得！呢度座位唔多，但好骨子。差不多全部客人都係日本人，飲住柚子梅酒Soda及乳酸飲料Soda，食吓枝豆，感覺真係有啲似喺日本嘅居酒屋咁！

朋友話帶我去一間日本人主理嘅日本餐廳，一入到去，果然係講日文，全部都係日本人，老闆娘仲要唔識中文同英文添，心諗點好呢，好彩佢個menu有中文，仲要有一位waiter係識英文嘅，所以可以順利落單。天氣有些熱，先來兩杯凍飲，一杯係柚子梅酒Sour，其實係Soda加柚子同梅酒，酸酸哋，好開胃，朋友叫咗 Non-alcohol Calpis Sour，係乳酸飲料加Soda，有些似益力多。一邊食枝豆一邊飲番杯野菜５串($97)5串，即係有5款蔬菜，分別係冬菇、銀杏、車厘茄、秋葵同菇，原汁原味，仲好新鮮，又不會燒得太乾，仲好Juicy牛舌串燒 ($29)食開嘅牛舌通常都係厚切，呢個就好唔同，係薄切，所以比平時食嘅乾身，肉味濃竹蒸籠蒸日本豚肉切片 ($146)一個大大嘅蒸籠，先有娃娃菜放底，上面有除咗有一片片嘅豚肉片，仲有四件豚肉本菇卷，豚肉油脂分佈平均，唔韌，又多肉汁，仲可以選擇貼柚子汁或芝麻醬，配合唔同人嘅需要海鮮釜飯 ($132)材料好豐富，原來海鮮係指蟹肉、三文魚同帶子，仲有魔芋添，個飯好夠味，海鮮又鮮甜地方唔大，不過好舒服，當晚仲要有8成客都係日本人，真係好似去咗日本咁