貴嶼仔和記隆餅家

營業中

休息中

爸爸喺九龍城長大，和記隆係佢經常幫襯嘅店舖；佢話九龍城有兩間和記隆，有"貴嶼"係最正宗，香港制造，比較貴啲！另外和記隆係伙計自立門戶。所以，佢依然幫襯貴嶼和記隆！我見佢買咗 3 盒糖返嚟，個 packing 寫住貴嶼仔，原本係新註冊商標。米潤糖 全件白色，面頭滿佈白色粉，成份中有糯米及麥芽糖，帶點煙韌，味道甜甜地。都唔錯！芝麻糖全件面頭滿佈芝麻，食落幾甜！花生糖不得不讚！呢度精心挑選花生，粒粒大大粒！份量十足！金黃脆卜卜！混入麥芽糖之類，甜得嚟又脆脆地，真有口感！

米潤糖$17薑糖$12行完（九龍寨城公園），嗰時都有親眼見過嗰堆樓嘅外圍，但就未入過裏面，個紀念館好有意思，有得互動，最好跟埋導賞團，對嗰段歷史有更深了解出到個公園，行冇幾遠就見到《貴嶼仔和記隆》，張咭片幾盞鬼，叧外又有啲戰國七雄棋單張，好似話呢間至係原創，間舖用光管，就係鍾意佢舊舊地，千祈唔好攪咩活化，整到鬼五馬六，懒古色古香嗰啲，點解（九龍城）有種吸引力，就係佢有好多呢啲小舖佢擺咗好多種糕點，好在佢有細盒，唔啱食都唔怕嘥，心目中呢類嘢通常都好鬼甜，咦！唔係喎！唔係好甜，買米潤糖唔陣，仲猶疑緊買唔買，好似成舊粉咁，睇個成份又淨係得啲糖、糯米，冇咩餡，食落口個質感好似食爆炸糖，又有啲似糖蔥薄餅裏面個糖卷，有少許煙韌，仲有啲芝蔴花生香，外面個糕粉，唔會有陣生味，真係幾好食，有啲後悔買咗盒細嘅添薑糖係軟身，花生芝蔴有香味冇膉味，薑味唔係辣口嗰種真係要好好珍惜呢啲非物質文化遺產