粉仔檔

營業中

休息中

住喺屯門無理由唔識粉仔檔！佢絕對係屯門友嘅集體回憶，皆因100%食地道嘢好好食！唔好睇佢格局好似得街邊位，只係梗有人鍾意坐街位，其實行入去佢裡面有兩個冷氣舖位，而且有店員幫你落單兼捧埋俾你。而且呢度有個大mon,俾你睇住有冇人抄牌！如果有人抄牌，店員仲會好好咁衝入嚟大叫提醒客人，呢個服務真係窩心至極。嚟到唔係唔食粉仔呀化？呢度嘅粉仔真係入味又足料（蝦米），而且炸菜任添，粉仔軟硬度剛剛好！啖啖都是幸福！燒賣都係我必點，唔知點解佢肥豬肉度適中，係我嘅大愛。另外又係必點嘅生菜魚肉，又係唔知點解，簡簡單單一個清湯，已經同魚肉味好夾，魚肉又彈牙，麻油味香濃，一直好奇點解望落咁簡單嘅嘢可以令我食得咁滋味。其實腸粉都係又滑又好食之選，只係今日下午茶時間嚟唔想食咁飽，下次再嚟掃過！

以前讀書喺呢頭，學生冇乜零用錢，$5可以食到一碗又平又靚又正嘅粉仔。果時平排有兩間，而家呢間都係頂手。以前放學時間成日好多人開晒啲枱出去。而家當然無咁樣啦。今日特登入嚟懷舊一下，熱辣辣雖然有冷氣位都係鐘意坐街先有風味。通脹壓力以前＄5而家買＄16雖然係大件左啲啲啲（粉其實都係由粗已經變咗幼條，呢十年嘅趨勢）呢粉都係非常軟，味道依舊係咁懷舊。果啲蝦米冬菇肉絲湯汁就夠晒味。不過識食一定係狂落爽口唔咸惹味菜甫，粉軟菜甫爽呢個對比嘅口感覺正，如果食得辣嘅當然係要落特辣嘅菜甫啦😻佢地個盒面都寫左勿挑戰😂以前既經驗話俾我知我只能落少少，大量都係落原味啦😂食飽滿足走人

住屯門區有返咁上下年份的，應該多數都食過依間粉食檔，高峰期附近有差不多4間舖都係賣粉仔的，30年黎一路到依家依然屹立不倒既就絕對係這一間粉仔檔講味道依間粉仔檔肯定好食過近年才冒起既狗仔粉，雖然材料相對簡單，主要都係蝦同葱等，但麵同湯既質感肯定更好，不會像狗仔粉般麵太淋同湯太杰，印像中多年前比依家更好食，但就算依家黎講我覺得比那些名過於實的油渣麵更好味。食粉仔一定配上原味菜脯粒再加少少辣菜脯粒，簡直食極都唔厭，唯一覺得美中不足既粉仔温度略嫌不夠熱。通常食粉仔外都會加一樣小食，我喜歡加兩件粉粿或牛肉球，有時會打包腸粉加燒賣魚蛋返去俾阿媽食難得今時今日仲有依d十零蚊就食到，有歷史又好味平民小食，如果覺得狗仔粉/油渣麵之類已經好食既話，絕對值得一試這間粉仔檔，包你食完隔無耐就會心思思想再食過

去了智樂買完野想搵食, 就決定去呢間粉仔檔食個下午茶先~其實我都係有次路過無意中發現呢間粉仔檔都幾多人食, 但係open rice又無咩食評, 所以今次食完想打返兩句入面有間房仔有冷氣, 都舒服的, 肯定好過坐出面曬住太陽食啦講起粉仔, 我由細到大都好仲意食, 以前街市有D鋪仔都有得買, 依家都唔見晒, 真係買少見少~ 仲有D朋友未食過粉仔….咁好食佢地都未食過真係要推薦下我最鐘意食粉仔加菜甫食~特別是加一半唔辣一半辣~ 呢間的粉仔味道不錯, 不過我鐘意食再淋少少的, 另外粉仔入面有些好似是炒過的豬油渣, 難怪會咁香燒賣都唔錯, 夠軟棉棉, 加埋甜鼓油就match~ 口渴叫了一支豆漿, 正正常常, 我之前食過呢間的腸粉都係好好食, 夠晒滑, 不過今日太飽食唔落另外還有其他野食例如糯米雞, 魚肉翅…..., 我見對面座食的車仔麵都好似幾好食, 下次要試下

早前跟朋友吃了狗仔粉後大失所望，心裡立即想起成長時期跟好友最愛到屯門置樂吃粉仔檔在屯門成長的人多數都知道這家粉仔店，即使長大後搬離屯門，也還是會等先生放假，跟他一起去置樂粉仔檔回味一下青春時的回憶這裡的粉仔湯底好濃，即使不落調味一樣夠味，當然喜歡吃辣的話，加少少辣更正啦地道小食中我最愛的便是燒賣，這裡的燒賣也很合我口味先生還點了糯米雞，第一次吃也覺得不錯辣辣的配料，已溫馨提示別挑戰啊加少少便好也許成長中的回憶味道讓我對置樂粉仔檔加了很多感情分，但我先生不是由細食到大，一樣對這粉仔檔讚不絕口，證明平心而論，還是這裡的粉仔最抵食又最美味

尋日去咗置樂粉仔檔食tea，係屯門工作嘅朋友介紹嘅。叫咗一個粉仔同一碟滷水雞翼，粉仔口感適中，唔太硬亦唔會硬，配本身湯底味道唔錯（唔係普通清湯）但係加埋辣油同辣菜莆味道就更加香同好食！不過由於佢個辣菜莆係真係好辣，唔太食得辣嘅人落幾粒好喇滷水雞翼就有少少失望，因為味道唔夠濃同埋雞翼煮得太耐無咩咬口。不過粉仔就真係好推薦要試，好食過連鎖店而且自家製菜莆好好味！

作為一個屯門友 天橋底嘅粉仔檔無理由未試過嘅 見今日凍冰冰 晏晝又食唔飽 豬先生同豬小姐決定係四度低溫之下 入左粉仔檔避寒中心開餐地方明顯番新過 環境乾淨左 鋪位亦多左一間 容納客人數目相對增加 但始終空間有限 迫夾始終在所難免我地開動啦 叫左兩碗粉仔 五條腸粉加一份燒賣燒賣一份有八粒 唔算貴 抵食配埋甜豉油 值得一試 過下口癮都唔錯呀腸粉熱辣辣 好滑溜 唔會痴埋一舊舊 加埋甜醬 花生醬 豉油 芝麻 我鐘意多醬嘅 越多醬就越好味 麻煩再加多啲呀到最後有請我地嘅主角粉仔出場 可惜嘅係 已經無大細碗比你揀 得一個size 但粉仔仍然保持住一貫水準 蝦米再加上冬菇香味十足 最重要係有豬油渣 越多就越香口 唔會有油益味 另外 可加入菜甫 有辣有唔辣 而放辣菜甫嘅盒上面寫住"別挑戰" 都真係幾辣架 不過放幾粒落粉仔度吊下味 辣得好過癮 而唔辣菜甫 我落左好多 好爽口 每一小羹我都會將佢地加埋粉仔一齊食 一啖放入口 好好味呀食完啦 豬先生同豬小姐好滿足 暖笠笠嘅感覺即刻番哂尼啦