日新鮮豆漿

營業中

休息中

上中環當中不乏街頭小食店，説到邊間豆漿粢飯最好食，會覺得係呢間「日新鮮豆漿」地址上環永樂街1-3號世瑛大廈地下C號舖（地鐵站E2步行2-3分鐘）店舖細細，而且仲好殘舊，店內外都推滿雜物物，但還算乾淨。我估計應該係家庭式經營店舖，每日有早餐和午餐供應，早餐方面走較傳統港式早餐有粢飯、豆漿、腸粉、燒賣、炒麵等等。至於午餐走茶餐廳方向套餐飯，我曾經買過一次咖喱牛腩飯，味道還可以，價錢又好經濟。早餐我幫襯無數次，大多數買薏米無糖豆漿和粢飯。早餐來柸溫熱的無糖豆漿非常營養又健康，豆漿口感細膩聞到香香的豆味。粢飯我曾在不同的店吃過，味道都好像都沒有差很遠，通常材料都係炸菜、肉鬆及油條，比例不同或糯米飯的軟硬度會影響味道，他們的粢飯是 即叫即做，冷冷的冬天拿著熱騰騰的放上手好溫暖，此間的粢飯餡料淡淡的不太咸味，糯米粒粒分明，熱食口感粘和彈牙，試吓冷凍食糯米口感更煙韌。

雖然今日得幾度又落住細雨，但都無阻我想食豆漿粢飯嘅決心一放lunch就衝去”日新”買啦！（因為上次早上去想買粢飯做早餐，點知買唔到好失望！）粢飯$20最鐘意粢飯入面嘅肉鬆，好味而且唔會過咸，油炸鬼會有少少脆身，同外圍軟綿綿嘅飯好夾鮮豆漿$10 支豆漿係大支裝，有凍熱，有糖無糖任選。味道係ok嘅～～（又幾乎飲哂先影相～～）不過好似無以前咁重豆味，同埋我成日以為佢有黑豆豆漿原來係無嘅～下次試下紫米或者薏米豆漿先，其他地方少d機會飲到！！

每日返工要諗吓著咩衫；每到食飯時間，又要諗吓食咩嘢，都幾傷腦筋！有時，我會食啲垃雜嘢！呢度有啲小食賣！粢飯 $12：足 5 吋半長，入面有半條油炸鬼，好多地方食到只有 3 份1 條。仲有豬肉鬆同埋炸菜絲。糯米煙韌、夠惹味、夠足料！燒賣 $5：有 6 粒魚蓉燒賣，配上甜豉油，簡直絕配！豆腐花 $8：幾滑，黃糖跟豆腐花分開上，值得一讚！因為，有人鍾意食甜啲，有人鍾意食淡啲；適隨專便！