豚王 (已結業)

話說突然間好掛住日本啲拉麵，所以就約咗朋友去尖沙咀間豚王食拉麵！咁我星期六中午時間去到，等左5分鐘位就入得啦！咁坐低照舊都係侍應比張紙你自己圈，咁我都係食返最基本嘅豚王，朋友就食佢次次都叫嘅黑王，我哋每次食都必定會再加一粒糖心蛋！咁大概等左10分鐘左右，拉麵就送到嚟啦，我果碗豚王加咗少辣食落個水準都保持得好好，麵身軟硬都好適中！朋友佢嗰碗黑王，我試咗啖佢嘅湯底，係覺得比起豚王鹹少少，不過都好好味！咁我哋叫咗嘅糖心蛋亦都到咗啦，一咬落去半熟蛋黃香味出哂嚟，真係超正！

同老公去THE ONE睇戲，睇之前當然要醫下肚，時間不算太多，我看看周圍，看到豚王，聽聞食拉麵唔錯，我地就入去試試﹗這裡地方不大，但好彩我地六點幾黎到，暫時人都唔算多~ 可以點的款式不多，一般正宗拉麵店的特色~ 一坐下，先來一杯室溫的清茶。這裡有限定王拉麵，就是每期都有一款特別版的拉麵提供，讓食客可以有新口味可以選擇。這張點單紙可以自行選擇湯濃淡、配菜、麵的粗幼。可以吃完後再加拉麵底，那吃不飽也可用原湯再吃﹗第一次吃豚王有點喜出望外就是這個限定王拉麵，香濃的咖喱拉麵真的令人回味﹗拉麵的份量適中。我到拉麵店特別喜歡選幼麵，因為只有較正宗的拉麵店才可吃到幼麵，口感細滑彈牙。老公說在日本吃的拉麵大概就是這種味道。我個人認為這裡的原味豬骨拉麵未算太過特出及impress，因為很多較好的拉麵店都做到這水準，而且以這裡的價錢不算便宜，所以不算很抵食，但可以肯定有質素保證。這個我認為是必吃的食物 - 溏心日本蛋。雖然吃過很多溏心蛋，但是有這個質素的這間算第一，透橙的蛋黃不在話下，更是流心的，實在好吃得可怕。喜歡吃溏心蛋的人一定要試試，一試難忘。