川之源

營業中

休息中

走到正街近頂這算偏的位置，有著一家很受歡迎的四川菜館，用充滿新年氣氛的鮮紅桌布及古風裝飾。平日的晚飯時段都幾乎坐滿。跟友人點了四道菜，有辣有不辣都試試，每款份量都不少。糖醋里脊 $118先來酸甜的葷菜，成品像咕嚕肉或生炒骨的做法，嫩豬里脊肉包裹一層糖醋粉漿，入口酸酸甜甜味道醒胃，肉質嫩中帶爽。無論作為前菜、很好下飯的主菜或是解辣用的小食也相當適合。份量不少，我倆從頭吃到尾，作為不同用途我們都嚐遍了，很喜歡這一味。干煸牛肉 $168上菜一大盤鮮紅色真的十分誇張。大量辣椒乾、花椒、芽菜及蔥蒜中佈滿牛肉片，超過二人份量。一整盤乾爽不油膩，牛肉片肉質柔軟、既香又惹味，沾了辣椒籽愈吃愈辣，夠刺激又過癮。在一大堆食材中尋找牛肉片，也是吃這道菜的一種樂趣。重慶酸辣粉 $58最後我們沒有點白飯，因為想試試他們的酸辣粉。煮熟至半透明的紅薯粉質感滑溜、煙靭又彈牙真的很好咬，配上酸中帶微辣的湯讓人一口接一口吃。這個沒有干煸牛肉那麽辣，算是溫和。清湯手工餃子 $88友人不太擅長吃辣，所以多點一道不辣的菜式。一碗共有八隻清湯水餃，每隻都巨型有重量，餡料為韭菜豬肉末，全部爆餡有湯汁，頗為飽肚。最後店家還送了桂花冰

餐廳：川之源地點：西營盤正街菜式：川菜餐牌：午市有兩款二人套餐，每款包涼菜，招牌，熱菜各一，配白飯，汽水或桂花冰粉，收$248免加一。餐牌寫明邊個菜係辣或者素食。今次叫左套餐B。要左涼拌木耳，酸菜嫩牛肉同糖醋里脊。涼拌木耳 木耳份量唔少，木耳爽口，味道蒜味同醋味濃，加上辣椒，蔥條同芫荽，味道酸酸辣辣，我地叫左BB辣，辣度適中。酸菜嫩牛肉酸菜嫩牛肉一大兜，牛肉片份量幾多，真係幾嫩滑同有牛味。叫左BB辣，不過湯底都幾酸辣架。其他配料有酸菜，粉絲，蒜片，辣椒同蔥花。冬天食正呀。糖醋里脊糖醋里脊好正！里脊份量都幾多，唔肥，好脆口，外皮少脆，個汁甜甜酸酸好開胃。面頭灑上蔥花。白飯 (跟餐)白飯大大碗，係乾身，夠食飽。桂花冰粉 (跟餐)  桂花冰粉係桂花配川式啫哩。冰粉好滑，味道少甜，帶微微桂花香，解辣正！茶水係玄米茶，居然唔收茶錢。個二人餐都幾多野食，每人除返$124都算係咁。服務效率好高，適合返工人士食午餐。

辣子田雞 $198田雞大隻嘅，份量算多，田雞炸到外脆但肉唔乾嘅💯💯💯糖醋里脊 $138切成條狀，以為份量一般，其實都頗大，肉幾腍幾滑，酸甜度剛剛好，好開胃，好送飯🤤 點知最後都係食唔晒😅四川涼面 $68幾辣幾麻仲帶有醋酸，麵條係四川訂回來嘅，麵質爽口彈牙，呢個味道加埋係涼麵好適合夏天食，夠開胃，如果鍾意麻辣嘅，必點👍廚師應該係正宗四川人，好純正嘅四川菜。位置亦方便，地鐵站行5分鐘左右就到，推薦💯

今日黎左呢間西營盤既川之源食午餐，呢度既四川菜係有辣有唔辣，適合好辣同唔好辣既人士一齊黎食飯。午市單人套餐有十三款餸揀，價錢$75或者$78，包白飯一碗，同汽水或者桂花冰粉。跟餐可以加錢要小食，又可以加錢升級餐飲，如豆漿同酸梅湯。午市無加一服務費。紅燒牛肉 $78呢道紅燒牛肉熱辣辣上枱。有十舊牛肉左右，唔細舊，質感夠腍，連筋好食。我哋叫左BB辣，辣度惹味，其他配料仲有腍腍薯仔同幾片辣椒。糖醋里脊 $78糖醋里脊個汁甜甜酸酸好開胃，食到醋味。炸皮唔粉又唔算太厚，啖啖肉，食落又爽又脆唔覺肥。最後撒上葱花。酸豆角炒肉碎 $78酸豆角炒肉碎有好多豆角粒，加上少量肉碎，辣椒，蔥，蒜，同花椒一齊炒，食落酸酸麻麻辣辣。白飯 (跟餐) 白飯一大碗，夠食飽。桂花冰粉 (跟餐)  桂花冰粉係桂花糖水配川式啫哩。冰粉好滑，個糖水少甜好清甜，帶微微桂花香，解辣正！大和豆漿 跟餐加$4 凍大和豆漿一大支，味道少甜，豆味唔假。 茶水係玄米茶，居然唔收茶錢。總括而言，午餐非常經濟。

今日黎左呢間西營盤既川之源食午餐，隔一排我就鍾意返黎，因爲我特別鍾意呢度既四川菜係有辣有唔辣，適合好辣同唔好辣既人士一齊黎食飯。呢度午市有單人套餐，一共有十三款餸揀，有肉有素，有辣有唔辣，價錢係$68或者$78視乎菜式，包白飯一碗，汽水或者桂花冰粉。跟餐可以加錢要小食。跟餐又可以加錢升級餐飲，要豆漿，酸梅湯等。午市無加一服務費。價錢算相宜。今日肚餓，我地一行二人，叫左三個單人套餐分享，有三個餸，再加一個小食，非常豐富。家鄕小炒肉 $78家鄕小炒肉係炒豬腩片碎，青辣椒碎，紅辣椒碎，加上豆豉同蒜片。我叫左少辣，味道真係得少少辣，配埋豆豉嘅鹹，又辣又鹹，要餸飯食。值得一提係豬腩片嘅皮係好煙韌。紅燒牛肉 $78紅燒牛肉有十舊左右，算唔細舊。質感算腍，連筋部份特別好食。我哋叫左少辣，辣度啱啱好，餸飯食唔錯，其他配料仲有比較爽口嘅薯仔，同幾片唔辣既辣椒。糖醋里脊 $78上次食過返尋味，今次又要糖醋里脊。糖醋里脊有20條左右，炸皮唔粉又唔算太厚，啖啖肉，食落又爽又脆唔覺肥。味道方面，個汁甜甜酸酸好開胃，完全食到醋味，最後上面撒上葱花。呢個餸絕對推介！白灼時菜 跟餐加$20 今日既白灼時菜係一共五條菜

西營盤高質川菜🌶西營盤出名多高級西餐廳 事關都唔少外國人喺呢頭出沒門口大大隻字寫住有辣有唔辣啱晒我呢啲食少少辣就會流晒鼻水嘅人🤣見晚市唔使排隊 而且都好有人氣就決定一試店內位置唔多勝在座位寬敞 啱哂放工同朋友小聚👍.🎈麻辣花甲 ($108)上枱香噴噴 好開胃 辣汁唔係好多油個種 不過麻味同辣味冇因此減少🤤就咁係面頭已經見到勁多粒青麻椒 難怪個汁咁香麻花甲細細隻唔多肉 但勝在份量夠多食極都仲有 花甲肉仲吸哂d汁 越食越辣啊🌶🤤.🎈糖醋里脊 ($108)食川菜點少得叫辣野 所以點都要叫返甜嘅嘢解辣🌶味道類似咕嚕肉 不過就唔會炒埋d菠蘿青紅椒肉係切絲長條型咁 個人就覺咁樣切比起成個球狀既咕嚕肉咬落更加有口感而且火候剛剛好 最怕就係炒得太老炸粉唔會太厚 索哂啲汁超正😋而甜酸汁同樣做得出色 酸得黎唔會嗆喉 甜得黎唔膩.🎈家鄉手工餃子 ($78)唔好睇小一碗餃子 呢個係最香🤤餃子大大粒 一個人就咁食一碗都夠飽 涵料就應該係加左豬肉同白菜 食得出好新鮮 餃子皮好滑 唔係一般貨色👍辣湯好香好麻 帶少少炒辣椒油既焦香味 我個人鍾意呷醋 覺得再加少少醋就完美🤤.🎈白小麥啤酒 ($38)呢到食野仲有手工啤叫

今日約左同事黎呢間西營盤既川之源食午餐，之前黎呢度食過兩次，覺得都唔錯。呢度既四川菜特別寫明係有辣有唔辣，適合好辣同唔好辣既朋友一齊黎食。之前次次都叫二人套餐，今次一行三人，叫左三個單人套餐。單人套餐一共有十三款餸揀，有肉有素，有辣有唔辣，價錢一係就$68一係就$78，包白飯一碗，汽水或桂花冰粉二選一。午市係無加一服務費。我哋喺冇夾定之下，一人揀一款自己最鍾意嘅餸。紅燒牛肉 $78牛肉好腍，有少少筋，質感唔錯！味道調得好，我哋叫左BB辣，辣度對我黎講係啱啱好，餸飯食唔錯，好好食！其他配料仲有好爽口嘅薯仔，辣椒就幾片。糖醋雞丁 $78糖醋雞丁超多，雞丁都唔細粒，炸皮唔粉又唔算太厚，雞肉都唔韌。加埋好多切丁番茄一齊整，個汁甜甜酸酸好開胃，餸飯食一流！糖醋里脊 $78糖醋里脊份量超足，里脊比雞丁大件好多，啖啖肉，食落又爽又脆唔覺肥。個人鍾意糖醋里脊多啲。跟餐可以加錢要小食，我哋加$20要左白灼時菜。白灼時菜 跟餐加$20白灼時菜係一共六條菜心，廚師細心咁將每條切開三部份，方便食用。菜心嫩綠，配麻油食勁香。跟餐又可以加錢要豆漿，酸梅湯等。同行友人加左$4要大和豆漿。大和豆漿 跟餐加$4桂花冰粉

朋友住西環，成日介紹我食呢間平價川菜，但住九龍既我又真係好想黎🤣講左超過一年，終於有機會放假去泳棚，之後晚餐再黎食😚.🍴蒜泥白肉 $68豬肉切薄片肥瘦相間，肥而不膩，蒜泥夠晒濃郁，辛香味足，食完呢個前菜令人食慾大振。.🍴水煮魚 $188水煮魚價錢抵食，湯底辣而不燥，麻而不苦，魚的質感細緻嫩滑。魚片食落肚既感覺係辣中有麻，麻中有香，香中又有辣😉 拌碟的紅薯粉多到可以飽肚😅.🍴糖醋里脊 $108酸甜比例拿捏得岩岩好，個炸粉輕薄不黏稠、酸鹹帶甘，風味獨特又好食，好有正宗川菜既味道。

西營盤地鐵站出黎行一段斜路仔，發現到呢一間非常地道嘅川菜。四川涼麵 ($58)呢度嘅侍應幾貼心，會問你食唔食得辣，呢個涼麵我嗌左小辣。份量都唔少，撈勻之後會食到啲好香好惹味嘅麻辣味，非常之地道。糖醋里脊 ($108)呢道餸同出面餐廳既咕嚕肉有啲似，但係出面食開嘅通常都骨多個肉，但係呢度係完全啖啖都係肉，甜甜酸酸，啱啱好。紅油抄手 ($78)大大粒，呢度員工話係餐廳親自包，果然真材實料，配埋佢呢個汁，唔錯，不過我覺得辣咗小小，啱晒食得辣嘅人。黃金饅頭 ($45)嗌咗黃金饅頭嘅就要等一陣啦，因為餐廳係即叫即炸，上枱嘅時候外脆內軟，點埋煉奶，超級正。桂花冰粉 ($28)食完辣野又食完炸嘢，食埋呢個桂花冰粉就啱晒做個總結。冰粉好清，唔會太甜，連個碗都好冰涼，食埋真係相當舒暢。

今日去左食一間位於西營盤既川菜廳！西營盤美食多選擇就好多人都知，靚靚cafe都有一大堆！反而呢間外表普通的川菜店，反而有驚喜喎！店內裝潢同一般的川菜餐廳無咩分別！坐低後樓面好快就放低壺茶，同埋午市餐牌俾我地！午市餐牌都幾多選擇，有普通既一人餐同埋酸菜魚既二人餐。因為午餐仲未係太肚餓既關係，我同男友都決定叫兩份一人餐😂😂再另加一份小食！🍡重慶辣子雞辣子雞我地就叫左小辣，唔係好食得辣既我都頂得住，相信只係過下口痕嘅人士都好啱食😄呢信菜式一上枱嘅時候就聞到啲香辣味，令人食慾大增😍雞粒切到好細，又炸得脆卜卜！🍡糖醋里脊唔食得辣嘅我梗係一定要叫糖醋里脊啦🤭醬汁酸酸甜甜，好開胃！雖然里脊唔係炸得好脆，但都有一定嘅口感！🍡手工餃子手工餃子個皮有啲煙韌，食落去肉同菜嘅比例都唔錯！🍡桂花冰粉當食晒所有菜式嘅時候，再食返個桂花冰粉，好清甜嘅桂花香氣，同埋涼爽有口感嘅啫喱！成個組合就好似幫成個人refresh左嘅一樣，真係好爽！最重要嘅個桂花冰粉並唔係好甜，唔會覺得好滯，簡直正呀！

大約幾個月前第一次黎呢間西營盤既川之源，呢度既四川菜特別寫明係有辣有唔辣，適合好辣同唔好辣既同行友人一齊黎。今日工作天黎食午餐，平日午餐時段全滿，等左十分鐘先有位。午市有兩款二人套餐，每款包涼菜，招牌，熱菜各一，配白飯，汽水或桂花冰粉，收$248免加一。餐牌寫明邊個菜係辣或者素食。上次試過套餐A既番茄無骨魚片，今次試下套餐B先。要左四川涼面，酸菜嫩牛肉同糖醋里脊。四川涼面麵條係白色幼麵，叫左BB辣。麵條唔會一patpat，個汁對我黎講算係小辣，酸酸辣辣咁，再加埋d酸菜蓉同大量蔥花，幾好味道。酸菜嫩牛肉酸菜嫩牛肉一大兜，牛肉片份量幾多，真係幾嫩滑同有牛味。叫左BB辣，不過湯底都幾辣，重胡椒味。其他配料有酸菜，粉絲，蒜片同蔥花。個人覺得叫呢個酸菜嫩牛肉抵食過番茄無骨魚片。糖醋里脊糖醋里脊好正！里脊份量都幾多，唔肥，都算脆口，個汁甜甜酸酸好開胃。白飯白飯成座山。桂花冰粉汽水或桂花冰粉，當然要桂花冰粉啦！冰粉很滑，完全唔甜，有淡淡既桂花味，食完個辣嘴無咁辛苦。個二人餐都幾多野食，每人除返$124都算係咁。服務效率好高，適合返工人士食午餐。

天氣凍凍地，想食麻辣嘅癮又發作！西營盤正街呢間正宗四川麻辣小店真係最好選擇！而且價錢非常合理，有午市二人套餐以及單人套餐，寫明「四川人的四川菜，有辣有不辣」悉隨尊便！二人套餐$248就有涼菜、招牌菜同熱菜各選一味，而且包白飯及桂花冰粉，超級抵食！而我今天一個人就只能選單人套餐了，價錢$68至$78不等，亦都包了白飯及桂花冰粉，另外可以加優惠價加添小食，非常不錯！坐下來便送上一壺熱綠茶，壺具都充滿中國特色！綠茶清香啱晒配襯麻辣美食，可以解解辣！📍糖醋里脊套餐我選了糖醋里脊，酸酸甜甜的醬汁非常惹味！入面嘅里脊肉質嫩滑而外皮炸得絕不油膩，呢個要來送飯一流！📍口水雞小食我點了麻辣口水雞，麻辣香濃，雞肉大大件而且軟滑，非常好食，滿足我愛好麻辣嘅慾望！📍桂花冰粉吃過麻辣食呢個桂花冰粉的確透心涼！質感爽滑加上淡淡的桂花清香，清甜美味呢間正宗四川菜質素確實有保證，食材優質，有正宗四川風味，而且分量十足大大碟，價錢相當合理！第時一定要再嚟試吓佢嘅麻辣火鍋，十分期待！

臨近年尾，打算去西營盤海味街，買海味過年，買海味之前，就去咗正街附近搵野食。 「川之源」位於正街，由西營盤港鐵站c出口行過去，3分鐘就到。 餐廳需然主打四川口味，辣度有4個擇擇，仲有唔辣的菜式。中午時段仲免加一，都幾抵食。 午餐包主食、白飯、桂花冰花粉一份，另可以優惠價點配小食、飲品。 糖醋里脊里脊是豬身上最嫩的一條瘦肉，口感非常軟腍，配上糠醋烹調，紅色的糖醋肉，閃耀著亮晶晶的光澤，入口酸酸甜甜，配上熱騰騰的白飯，非常滋味好吃。 涼拌木耳用蒜蓉、辣椒拌調脆口的木耳，味道有點微辣，送飯一流。 桂花冰粉冰粉微甜，有桂花清香，好味👍👍