唐記包點 (港鐵葵芳站)

營業中

休息中

去酒樓飲茶嘆一盅兩件, 又要比茶芥又加一, 最化算都係去外賣點心, 又快又抵食! 葵芳地鐵站相連既唐記, 對於我地係附近返工, 絕對係方便! 今日就買左d點心同飯盒返公司同同事share。鵪鶉蛋燒賣: 燒賣中有豬肉同蝦粒, 係幾鮮甜, 每粒燒賣都連住一隻鵪鶉蛋, 整個放入口, 口感豐滿, 配搭又幾match, 正!!平時早餐都會係唐記買, 特別係佢地既包, 蒸起熱辣辣, 而且麵包鬆軟香菇雞包: 餡料有雞肉球, 混合左雲耳、生菜絲、東菇絲, 口感層次豐富, like!!!紅豆包: 賣相呈粉紅色, 有點點紅豆幼粒點聚, 包中含豐富紅豆蓉, 甜甜地, 紅豆林, 唔錯~糯米雞: 有手掌般大隻, 飯質夠黏有水份, 入面有豬肉碎、雞中翼、東菇仔、叉燒、蛋黃, 雖然荷葉香唔太突出, 但餡料搭夠, 令整體味道提升, 而且夠飽肚!鳳爪排骨飯: 飯質粒粒分明, 排骨幾爽, 鳳爪豉汁入味, 不過最好叫店員另上豉油, 份量還是自己控制比較好!奶茶: 飲完醒神, 入口非常幼滑, 奶、茶得到平衡, 唔會太甜, 味道剛剛好~

裝修了很久的唐記包點終於開業了,位處港鐵站出口及交通燈必經之處, 人流一定不成問題。店面最吸引是那些蒸飯及點心照片, 在飢腸轆轆之時望見口水定必直流,也許是位置及衛生問題,在店前是看不到丁點食物蹤影,不是另一家包x先生般有個開放式廚房隨意觀看,只是2個收銀, 四個阿姐在準備食品予人客,雖然人龍蠻長但流量也不慢。首次光顧唐記當然首選蒸飯,同價的鳳爪排骨飯剛好售罄,退而求其次的豉椒排骨飯($20)也可以。側面廚房裡以蒸櫃及蒸籠蒸盅仔飯,一向都認為以瓷盅蒸飯是比塑膠碗的蒸飯有風味也好吃得多;以有凹凸店名的泡泡膠盒外賣,焗過後食味稍減已有心理準備,誰叫這裡不供應堂食哩。份量不太多的全瘦排骨醃得夠味肉質不韌, 但外觀乾乾的像放了很久似的,調味也不見得突出,不太有酒樓排骨風味反而像家常蒸排骨似的,只是家裡蒸的排骨外觀也不如這幾粒般乾身,也許水蒸氣關係飯粒是不Q的,畢竟這裡全是外賣,師傅調教米水時可以稍稍減少,經過飯盒的倒汗水,飯粒就會濕潤一點,相信效果會較現在的有嚼勁, 現在的有點過軟了;是次豉油下得很少,就算不夠餸也沒有豉油伴飯唷,蒸飯還配水煮椰菜少許,沒有什麼調味,而椰菜本身也不太甜美,作用就