糖品 (已結業)

食飽飽口痕想食甜品見門面好似幾新派於是決定一試太多選擇好難揀啊最後試了女生最愛紅棗冰露！真係好紅棗！應該係紅棗蓉打成的冰底個味夠真夠特別！出面未食過係略嫌紅棗皮硬左d小丸子煙韌我鐘意另外朋友點的焦糖燉蛋好味唔會太甜不過就無特別兩個人埋單70蚊價錢好合理不得不提服務態度好好！幫我地抹台我地話埋單老闆驚我地誤會係趕我地走急忙否認哈哈仲道歉 咁有禮貌好難得！

發現這間新店，於是與朋友吃晚飯後來一試。我要了宇治金時紅豆意式涼粉，也試了少許其他朋友的甜品。原味木糠布甸 ($2x)：木糠布甸有多層，樣子造得頗靚。但忌廉層質地太焾，像吃淨忌廉。百利酒梳乎里 ($3x)：顏色焗得很靚，質地鬆得來不會像吃空氣，有蛋香味，酒味淡淡的不會過份，很不錯。紅棗冰露 ($3x)：在餐牌看見這甜品，問一位貌似老闆的人士這是什麼，他說是紅棗加冰打成的。賣相不算特別漂亮，但紅棗冰蓉加原粒紅棗，紅棗味十分濃郁，加上椰類似椰果／蘆薈粒，很有口感。是一個健康又清涼的甜品。宇治金時紅豆意式涼粉 ($26)：紅豆蓉頗多，又焾又香甜。涼粉條爽口。底汁的綠茶味香濃，配合少許花奶，很好味。首嘗新店，感覺食物和服務都很好，甜品有特色又美味，下次再試試其他甜品。