心齋 (已搬遷) 新店位置

身為食肉獸嘅我係超級憎食齋 因為冇肉食真係覺得好哂錢囉！尤其係扮肉嘅齋就更加睇唔起不過呢排有同事走喇咁佢又淨係食齋嘅好啦好啦 俾你兇倒喇 食一次咁多啦估唔到間野原來係飲茶嘅啲點心又幾骨子喎同事話呢個叫天下第一包邊度第一呀睇過個皮係菠蘿包嘅皮 包皮幾薄仲幾有咬口但啲料都幾少 最大問題係出面甜入面又咸食咗兩啖覺得好唔match 又唔信邪食多幾啖 嗯 係真係唔match有啲野食又甜又咸咪好夾嘅但呢個包嘅甜咸係好似離咗婚嘅男女夾硬住埋同一間屋咁 篤眼篤鼻正常咪道 但酸齋唔知點解唔酸呢個得呀呢個 最啱我口味係我最鐘意嘅黑松露味 雖然黑松露味嘅野食都幾難整到難食 kakaka 但呢個真係名乎其實皮薄餡靚而且裡面嘅蔬菜好新鮮好脆口 直頭呢頭摘出嚟果頭就落穫煮俾你吔咁呢個完全冇味話說同事問過經理可唔可以寫幾多粒就嚟幾多粒因為除唔暈經理又話好喎點知個同事落紅油抄手嗰陣漏咗寫個粒字結果嚟咗五兜紅油抄手 好野呀 食到我變咗舒祺因為都真係幾辣 但係好夠味同香 除咗個餡細粒到我以為廚師唔記得放炸饅頭擺咗都幾耐再食都依然脆 不過佢配嘅係花蜜 我都係鐘意點煉奶食多啲嘻嘻·其實有好多野都好好食 例如：黑松露炒面-唔

適逢還在假期中，偷得浮生半日閒，吾家三位小姐到此一遊，全為配合我這個好食的"植物人"，亦因為假期過後，肚亦感飽滯。雖然地段好似隔瀕，但除了有司機，從金鐘港鐵站再轉乘的士，都非常方便。這店主除了主理素材，同一座商厦內都有他其他主理的主題菜館…今天就讓我給大家分享我的點心午餐experience。其實飲茶點心一向都不是我喜好，因一不留神又會食多了，及一定要大伙兒一班人，或跟家人才可以嘗到不同的美點。但食得太多時又有罪惡感，"食"有時會令人矛盾…先來個野味的紅油抄手，未感素味，完全沒有失卻真身滋味！蘿蔔絲酥餅，話你知這點我一向抗拒，就是怕它油膩，但驚喜這個做得冇比鬆化，值得一讚。炸雲吞，看似簡單，但其中沒有帶任何油味，及跟伴的士多卑李糖醋配合得好。煎蘿蔔糕，樣貌晶瑩，味道亦有蘿蔔香味，沒太多粉。野菌餃，香軟，喜歡它的皮做得有嚼口。鮮茄湯鮮竹卷，清新。燒賣，雖然賣相跟認識的有別，但入口不錯，完全沒有素的草味。腸粉，這裡可選紅米或白米腸，我們選擇了野菌紅米腸，好味，但為免痴黐黐，油下得比較多了…春卷，大條，脆皮，內涵豐富。河葉珍珠卷，一樣的晶瑩，飯做得軟又香。再來一個原隻菠蘿炒飯，做得非常好，好