茶茶台式料理 (已結業)

疫情關係，已經很久沒有去台灣吃台菜。今天想回味一下，在旺角找了一間未吃過的，而網上口碑又不錯既試一試。去到門口，見旁邊的台灣面餐廳大排長龍，好彩茶茶呢面仲有位置，店內都是採用手機barcode落單。我們點了二份午餐，一個鹽酥雞扒滷肉飯，一個招牌紅燒牛肉麵，跟一杯荔枝紅茶。二份都份旺充足，鹽酥雞扒好味，外脆內嫩滑。滷肉飯都做得出色，雖然個飯賣相嘛嘛但估唔到係好好食既，而且$50 價錢親民牛肉麵方便，湯底好飲，牛肉每一件都好淋好入味個人感覺評分：食物味道 - 食物賣相 - 餐廳環境 - 店員服務 - 性價比 -

今日難得平日放下假，架要約下閨蜜👭出嚟姊妹淘，閏蜜表示好掛住台灣美食，咁我地就去左「茶茶台式料理」，好彩我地好早約6:15入去，當時都唔會好多人，但一到6:45已全座爆晒。招牌臭臭鍋湯底有少少🤏似雲南小鍋米線🍜湯底，內有鴨血、臭豆腐、米血糕、滷水大腸、榨菜、蜆、粟米、韭菜、台灣貢丸、金菇、娃娃菜、新鮮冬菇等，而我又另叫左一碟肥牛同烏冬，大鍋都食極都食唔完咁👍🏻👍🏻台式紅燒牛肉麵牛展煮得好腍及入味，而每條麵都掛到湯汁，湯底夠濃😋😋脆皮肥腸炸得香口外，最鐘意係去晒啲肥糕，咁我呢啲怕肥又為食嘅人👍🏻👍🏻奶蓋莓莓選用由澳洲嚟嘅野生藍苺，由野生藍莓🫐、綠茶🍵加奶蓋係好好飲

兩個人，冇plan過，行過呢條街求其入一間，由坐低嗰陣拍烏蠅，到坐滿人只需半個鐘，當時仲要係兩點零三點午後時間下午茶餐：鹽酥雞扒滷肉飯($42)跟蜜桃綠研($8)加奶蓋($6)鹽酥雞扒上枱嗰陣熱辣辣，就算之後凍咗都仲好酥脆。雞肉算正常厚度，炸完仲保留到肉汁，配合埋椒鹽嘅鹹香，超水準之作滷肉飯唔會做到好乾柴又唔會肥到成口油，調味做得幾好，呢個配搭冇得輸綠研屬於綠茶，茶味好香，但個人麻麻地陣蜜桃味，雖然唔係假到人工果種，但太香只覺同綠茶唔夾，男友就表示喜愛。奶蓋好出色，鹹鹹甜甜飲落有甘香奶味紅燒牛肉麵($52)跟蜂蜜綠研($8)加奶蓋($6)麵質煙韌，足料，三舊牛肋條都連住筋，雖然有一舊少少韌咬唔開，其餘兩舊軟冧入味有牛味，唔錯。湯底其實已經算唔錯有淡淡滷水味，調味得宜我都收貨，畢竟呢類舖頭唔係打正旗號做牛肉麵，當然無坊間專做牛肉麵嘅湯底咁出色。配菜有紅白蘿蔔，兩樣都冇欺場，索咗湯汁之餘仲有天然嘅甜味蜂蜜綠研比蜜桃綠研略甜，但無咗陣好搶嘅蜜桃味，令綠茶同奶蓋有更好嘅發揮，味道夾又大杯，個人好鍾意蜂蜜綠研嗌多咗個小食台灣小香腸($18)上到枱熱辣辣，外脆內軟，切薄片有好處，就係唔會咬落滿口肥

作為一間位於香港的台灣菜餐廳，「茶茶台式料理」無論是台式鹹味食品，抑或是甜味手調台式飲品，都幾乎完全滿足我最喜歡的台灣食品要求，有牛肉麵、鹽酥雞，還有我最喜歡的手調蜜桃茶飲品。而且「茶茶台式料理」的實際位置，距離港鐵站不算非常遙遠。我從旺角港鐵站近着「銀行中心」的「E」出口出來，沿着「西洋菜南街」向前走，走到「豉油街」路口再轉左，很快就去到「茶茶台式料理」店舖的門口位置。就憑我昔日，在旺角鬧市裡面累積不少足跡記錄，還有我對旺角裡面很多的店舖、食店跟娛樂設施仍然留下深刻印象，令我很快順利找到「茶茶台式料理」的店舖門口。「茶茶台式料理」之所以這麽容易辨認到和找得到，最大的原因是「茶茶台式料理」門口的招牌，以外表閃閃發光，疑似光管的材料砌成，名副其實是在店門門前向食客，清楚表明食店實際名稱的「光管招牌」。加上「茶茶台式料理」店舖裝修設計感覺很有現代的感覺，店舖正門位置的門口，全面採用玻璃窗砌成，營造出無遮無掩近乎開放式店面，食客可以透過食店玻璃門面，看清楚裡面有沒有檯櫈剩下，才決定幫不幫襯也不遲。至於「茶茶台式料理」裡面的台灣菜套餐餐牌，餐牌裡面包含的主菜食材，完全包含了牛肉、豬肉、雞肉三種