老街 (西洋菜南街)

營業中

休息中

一路以來都想試下老街，以前旺角有分店，夜晚成日見好多人排隊，今日經過太子見冇乜人，就入去食個午餐。入面店舖唔算大，座位有啲迫，兩人食飯就要同人搭枱。1. 滷肉飯(細碗)一上枱賣相已經一般，有肉燥鋪滿半碗飯，但口感亦好一般，滷肉係半肥瘦，但份量好少，得幾舊滷肉...唔建議叫依個，叫翻牛肉麵穩陣啲。2. 椒麻牛肚絲份量雖然唔多，但夠辣夠惹味，幾有咬口，值得一試。3. 紅燒牛腩牛筋麵我朋友叫咗一碗麵，湯底幾好，一飲會想繼續飲，牛就中等，無非常驚艷，整體合格，但太子旺角嘅牛肉麵選擇多。

前兩日夜晚放夜班, 唔想番到屋企再攪一大輪先食到野,故就係出面街食埋先番屋企。老街係太子始創中心對面，餐廳不算太大，但裝潢帶有台灣的古早風，背景播著一首首台灣歌星的歌曲，有少少似置身老台灣一樣！既然今晚得自己一條友食飯，只係叫左一碗麵同一個小食。紅燒牛腩牛筋麵紅燒牛腩牛筋麵比我想像中大碗, 牛腩吃起來軟嫩帶q而不爛，肥瘦均等，而牛筋都算有嚼勁，湯頭呈深啡色，面層油份不算很多，有牛肉的甜味同濃郁，有中藥材的味道而不會過苦。幼麵不算煮得過淋，不算糊口。而且也附有小量酸菜，惹味之餘也夠開胃。跟餐可加12元配台式特飲: 珍珠奶茶，正正常常，是典型台式餐廳的味道！魚酥皮蛋豆腐最後還叫了一道小食，魚酥皮蛋豆腐，係凍豆腐上放上皮蛋，魚鬆和木魚，醬汁帶點微甜，皮蛋q彈，豆腐帶有豆香，木魚皮蛋和豆腐看似無相關原來可以這麼Match!! 總括黎講, 呢餐大概食左一百蚊鬆D, 係旺角黎講唔算好貴, 對於未能放假去旅行的我黎講都算搵到D心靈慰藉。

係好耐之前曾經係女人街食過呢間台灣餐廳，最近行開太子見到餐廳係太子開左分店，所以入左去試下。我話的，食台灣野點可以唔叫牛肉麵呢？餐廳的牛肉麵有牛肉、牛腩牛筋、花枝丸牛肉、滿漢大塊(即咩都有)可以選擇。如果唔想食麵，仲可以加$3轉新竹米粉。今次我們叫的係紅燒牛腩牛筋麵。湯麵份量適中，share黎食再加小食就非常perfect。麵都煮得剛剛好，唔太淋都唔太硬。牛腩味道幾入味，仲唔會太肥。另外，我們個仲叫左份五味小茄子，個酸甜汁辣辣地好開胃。上面加埋大量的木魚片，真係幾香。另外，我們仲叫左份炸豆腐拼鹽酥雞。炸得金黃的豆腐及雞球唔會太乾。豆腐口感滑溜、雞肉都算嫩。由於我們有兩個人，估計胃容量可以放多一小碗飯。所以我們就叫左一碗小的台灣滷肉飯。如果你將呢碗滷肉飯當正餐的，建議叫返大碗的。滷肉比想像中少，不過聞落都幾香。餐廳的滷肉唔係用肉塊，而係用肉粒，加埋入曬味的洋蔥，口感及味道加倍。食台灣野，一定會飲返杯台式飲品。選擇唔算特別多，不過基本要飲的野都可以揾到。左邊呢杯係桂花冰梅汁，右邊個杯係洛神花茶。我們特意叫D酸酸地的飲品去消下滯。

旺角的街上不斷有新的東西出現，食肆就是其中之一。一段時間沒來過，又有新的新店出現了。現場還有一些花牌，真是新開張不久的。自然要來試試了。店內有不少特色相片，加上裝修以木為主，充滿台灣氣色之餘，也多了一份自然舒適的感覺。裝牌的設計也很有特色。點了紅燒牛腩牛筋麵。因為當日牛腩售罄，以用牛肉代替。雖然較為有嚼勁，但味道夠十足。湯底很濃，麵的軟硬適中。加上牛筋很軟，火喉十足，味道很好。特別推介這個椒麻牛肚絲，喜歡麻辣的人一定不可放過。麻辣味夠而不嗆喉，牛肚絲也很夠味道，有嚼勁但不會過韌。非常惹味。最後來一杯冰凍的冬瓜茶，特別適合夏天的飲品。冰涼爽快，喝後特別醒神。