柴門西餐廳

營業中

休息中

今日早上同媽咪去柴灣探朋友， 之前一日媽咪話想食西餐，所以我已經預早訂定枱 帶媽咪到柴門食lunch。 我們大約一點鐘到達， 餐廳已經坐滿客人了， 好彩我一早訂定枱。 入到店內見到有live band 擺設， 原來逢星期六日晚上都有live band表演的。我們各點一個午市套餐，蒸三文魚配忌廉菠菜，蕃茄莎莎$108，烤美國優選肉眼牛扒配薯菜，牛肉濃汁$168。 套餐還有柴門特色沙律， 蘭度豆忌廉湯配健康麵包和餐飲。 之後加一件紐約芝士餅$16同媽咪一齊食。蘭度豆忌廉湯配健康麵包～ 忌廉湯熱辣辣配麵包好好味，沙律菜好新鮮。烤美國優選肉眼牛扒配薯菜～ 牛扒點了七成熟，烹調的時間剛剛好， 切開見到淡淡粉紅色， 肉質嫩滑，牛肉味極濃，點埋牛肉濃汁一起吃， 令到牛扒的味道更加出色。蒸三文魚配忌廉菠菜， 蕃茄莎莎～ 平時出面食煎三文魚就食得多， 好少見到有蒸三文魚， 所以一於試一試。 蒸的時間控制得剛剛好， 肉質非常嫩滑， 還有忌廉菠菜和番茄莎莎， 令到口感更加豐富。紐約芝士餅～ 食完主菜好想食番少少甜嘢， 加$16點了一件芝士餅， 香濃的芝士味，啱曬芝士控的我。餐茶我們點了一杯熱咖啡和一杯熱齋啡

終於有時間放假可以去食返餐好，而家工廠大廈開食肆開到成行成市，今次就去左柴灣地鐵站附件覓食，就係之前好有名的“家嫂”隔離，叫做“柴門”--感覺好似係柴灣的門，幾有意思呢到夜晚仲會有現場live band, 真係幾好feel同朋友一齊去食個lunch, 每人叫左一個餐侍應仲介紹話每星期既午餐款式都會唔同，真係好有心午餐套餐會有包前菜--餐湯同沙律+主菜+飲品，相當豐富餐湯係薯蓉忌廉湯，一飲落去就好濃郁薯仔味，而且好creamy沙律真係幾有特色，有一個蘑菇漢堡--用冬菇同本菇夾住泰式魚餅，加上烚好的芽菜同菠菜，配上柚子汁十分開胃肉眼牛扒--小編唔太喜歡太生，所以叫了7成熟，果然整得係岩岩好，切落去唔會有血水，食落牛肉味濃郁，肉質好嫩口肉軟腍仲帶少少油脂香又唔太肥呢到薯菜好特別，唔係用薯仔或薯角，而係用日本蕃薯仔，食落好清甜，又健康三文魚煎得金黃色且香脆，而肉質唔會煎得過火，食落好鮮嫩但又唔會好腥，最正係個魚皮好香脆且帶油脂香最正係個白酒忌廉汁，白酒可以辟腥，更提升鮮味亦減少油膩感小編見到隔離枱就甜品癮發作，一於就加$16叫左件紐約芝士蛋糕，食落細緻滑溜，加埋鬆脆扎實既餅底，好有口感不過小編

公司盤點，有兩日假期，去左柴灣cinema city 睇場電影，票價較便宜。散場後想食d野，朋友推介在工業區東貿廣場有間餐廳。過左午飯時段人流不多。我地落單要左兩客set lunch 再加$16甜品。頭盤是韭葱薯蓉忌廉湯配菠菜番茄及一小片面包。主菜是法式香煎三文魚配薯菜$108，沾上白洒牛油汁。三文魚肉的油脂香味非常濃郁，牛油汁增添魚香鮮味。另一道烤美國優選肉眼牛扒配薯菜跟牛肉濃汁$168，煎靚牛扒是有技巧的，這塊上品牛扒廚師用適當的功夫讓牛扒的肉汁鎖住，十分juicy, 這才不會浪費材料，享受那入口軟稔，幼滑甘香的肉味，我地真有囗福。甜品是濃郁紐約芝士餅及意式奶凍，不太甜很美味！個set lunch 仲配埋coffee or tea! 飽肚後環顧四周，很特別是有個音樂舞台，跟工作人員閒談，餐廳提供包場服務，還可讓音樂發燒友享用各式樂器玩個痛快，果真是 band 友聚會的好地方。牆壁掛上幾幅油畫㸃綴了餐廳的優雅。偶有舉辦音樂會晚餐，可以品嚐美食又可欣賞live band 一樂也。 😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比

難得今日唔洗返工，同媽媽同太太一齊喺媽媽屋企附近覓食。搵咗一陣見到「柴門」，常駐柴灣嘅我哋竟然未聽過，一於打電話去訂檯，帶埋媽媽一齊去食。我哋今日係「18-23 March」嘅特選午餐餐牌。我哋揀咗其中三樣主菜：1. 俄羅斯式燴牛肉 配白飯 (HKD88)2. 炒大蝦帶子意大利麵 配香草番茄醬 (HKD98)3. 法式香煎三文魚 配薯菜、白酒牛油醬 (HKD108)每一款都係跟頭盤沙律、薯蓉忌廉湯、餐包，同餐茶。頭盤三式，有法式餐包、大蒜忌廉湯，同沙律。媽媽好喜歡個湯，佢好鍾意佢哋薯蓉打得好滑；沙律都幾特別，有跟一片生蘑菇，加埋佢畀嘅黑醋，好好食。媽媽點咗嘅係「炒大蝦帶子意大利麵」，賣相好好，個蝦都好爽滑彈牙，佢好喜歡。太太點嘅係「俄羅斯式燴牛肉」，太太表示個牛肉汁夠惹味。個人鍾意食三文魚嘅關係，我自己點嘅係「法式香煎三文魚」。一睇覺得食物擺位有啲似搭飛機 First Class，哈哈。用刀一切落去已經知道肉質有幾軟熟，加埋個汁真係無得彈！好食嘅味道，簡簡單單已經足夠。有個小插曲，食到中間發覺塊三文魚肉有啲生，太太有啲擔心（雖然中國人生食鯇魚都搞得掂 xP ），都係應該問問侍應。侍應好

2019年3月16日 星期六今日難得可以同媽媽兩個人撐枱腳，於是上網搵吓柴灣有咩特色餐廳，見到呢一間西餐廳好似係工廠區新開張就打電話去預約，點知原來電話預約有八折，好抵去到發現地方雖然唔係好大，但係有個舞台可以玩音樂，店員話原來每星期都有個音樂之夜，會有唔同嘅人上嚟一邊玩音樂一邊食飯睇返午餐嘅Menu，種類雖然唔係太多，不過價錢唔算太貴，比起銅鑼灣、中環已經平好多點左餐之後店員好快就送咗前菜同餐湯，錢財好特別，唔係普通嘅沙律，原來混合左一啲海鮮，有蝦、蜆、帶子等等，再配合埋醬汁同蔬菜一齊食，層次好豐富。至於餐湯係忌廉湯，感覺都唔錯我叫嘅牛扒首先送到，都幾大塊，切開嘅時候見到裏面嘅肉有少少粉紅色，係我想要嘅五成熟。食落去好腍，充滿牛肉味，點埋個醬汁牛肉味會更加突出，因為呢個汁係牛肉濃汁。媽媽叫嘅德國豬手隨後都送到，豬手炸得好香，個外皮炸得卜卜脆，而脂肪唔算太多，裏面嘅豬肉好嫩滑。不過媽媽話最好味嘅反而係薯菜，薯仔炸完之後好好食，食得出只係加咗少少鹽調味，好快佢已經食晒，仲想食埋我個份添最後我地點埋個甜品，係紐約芝士餅，估唔到上菜嘅時候見到都幾大件，早知唔使點$1.1件，切落去唔需要太用力