船長意法日餐廳 (已結業)

元朗真係有好多好野食，所以我和老婆間唔中入元朗行街，顺便在附近搵野食。難得星期日，一心諗住入來下午茶食某某站之雞翼尖，趁時間尚是午飯時間，便上網看看有什麽低食又好食之餐廳。發現這間船長意法日餐廳，果真價廉物美。尤其是鐵板，大件夾低食，就决定食扒。分別order了兩個扒，紐西蘭極級牛扒 配魔鬼汁 $75和 船長雜扒配野菌汁$85，一於食過痛快。紐西蘭極級牛扒要7成熟，肉質嫩滑程度剛剛好，不太韌又唔太生，啱哂我食法。牛扒好大塊又厚，配菜好豐富，有蕃茄仔、 椰菜、西蘭花、粟米、太陽蛋同薯角。除了西蘭花太生外，其它都非常入味。加上魔鬼汁辣辣的，令牛扒更加惹味。船長雜扒配野菌汁， 有雞扒,、豬扒,、大蝦、火腿,、法蘭克福腸、 薯角、粟米、 炒野菜,十分豐富。還有太陽蛋係另外用碟分開上，食時原汁原味。扒類做得好juicy,肉質柔軟，口感軟熟。還點了一客小食， 蜜燒葡萄柚子雞翼（共4隻）$28，因又柚子又密糖，味道酸酸甜甜，十分開胃。兩杯飲品是荔枝玉露特飲$24和菠蘿什菓梳打$28，兩款味道清新，解渴怡人，以荔枝玉露特飲略勝一籌，全因有荔枝食下，又清甜。

附近有好多食店，唯獨這間門庭若市，民間智慧話我知呢間一定係好嘢，所以𣊬間就決定咗入去幫襯。呢度嘅裝潢同店名好配合，好有船和海洋的特式。地方大，座位多，但都滿座，等咗一陣先有位，爭取時間，一邊等、一邊睇餐牌揀嘢食，唔算等咗好耐，未揀好食乜已有位。餐牌選擇非常多，真係如店名一樣，意式、法式、日式食品都有。樣樣都好想食，最後扒、飯、麵都叫咗嚟食，仲叫埋菜同小食，一於豪食返餐。點主食可以半價點特色飲品，我哋當然叫埋啦。1004 紐西蘭極級牛扒 配魔鬼汁 $75揀咗7成熟。牛扒好大塊、好厚、好滑，配菜好豐富，有椰菜、西蘭花、蕃茄仔、粟米、太陽蛋同薯角。太陽蛋係另外用碟分開上，應該係避免長時間放於鐵板上，令蛋變得過熟。1024 水手咖喱海蝦燴意大利麵 $52估唔到咁大碟，有好多隻大蝦，配菜有三色椒、蘑菇、洋蔥，淡淡的咖喱味已經很惹味。1103 蜜燒葡萄柚子雞翼（4隻）$28雞翼上面嘅醬汁酸酸甜甜，好開胃。1044 瀨戶風鰻魚炒珍珠飯 $55個人好鍾意食鰻魚，又唔係好多地方有得食，所以點左呢個鰻魚炒飯。鰻魚都比較貴，估唔到呢個鰻魚炒飯每一啖都食到鰻魚粒。味道仲要唔錯，鰻魚味好鮮甜。性價比甚高。110