大鼻滷 (沙咀道) (已結業)

荃灣細細，但實在有太多食物可以揀，平日食得太多heavy食物今日想食清淡少少，餐廳嘅位置需要google map睇得好清楚去搵路，由荃灣站行過嚟都需要一段時間，就係因為行咗咁耐覺得特別肚餓，所以好快就可以喺餐牌度揀到自己想食嘅嘢啦店舖樓面雖然唔大，但係10分乾淨而且都係做街坊生意，價錢非常相宜。配搭亦都非常之多，而且雲吞都係自家製餐廳出名食牛，牛都有好多部位可以揀，今次就揀左牛三寶河粉（加雲吞及魚皮餃），同埋招牌及崩沙腩河粉（加牛肚），另外仲叫咗個腐乳通菜，紫菜湯，同埋炸魚皮。牛三寶河每次食河粉都好擔心唔夠飽，呢一度絕對可以放一萬個心！牛腩非常之入味、好淋、牛筋一咬即開，放入口好重骨膠原，最難得係連牛肚都煮得得非常之好，街內有好多潮式粉面店要額外加腩汁先至食到牛河既味道，但係呢度唔需要額外加調味料，牛湯味已經非常之濃。另外值得一讚係啲河粉，除咗份量非常之多足夠你食飽之外，又唔會一夾就散自家製嘅雲吞一啖一粒，每一粒都有食到有蝦仁🍤，另外我都有少少貪心落咗店員推介既辣椒油，每逢買外賣嘅人都要求辣椒油我諗應該好出名崩沙腩河粉就咁睇相都已經見到牛腩層次分明，食落去更加係入口即溶，同埋雖然佢係m

朋友問我荃灣附近邊間崩砂腩好食,我就冇特別知道,不過大鼻滷算係新開,就去覓食一下…我哋叫咗崩砂腩同蘿蔔牛腩,想試下兩者分別再點了豬手,通菜,三併面, 跟餐再加錢有紫菜湯同荳漿.炸魚皮就散叫. 3併面有 (雲吞,牛筋及牛肺),難得可點選才叫牛肺,不是周圍有咁叫法.第一次食先叫崩沙牛腩呢個招牌菜因為我冇特別喜好食崩砂腩 ,佢雖然貴啲但始終是不同既部位,食下去口感是不同普通那款牛腩. 跟住配埋碗紫菜湯熱呼呼, 好味.三併面既雲吞包得夠大粒也很入味,必食之選,豬手炆得好淋,啖啖肉的.食粉麵湯底真的好重要‼️個湯加咗腩汁便夠哂濃. 價錢嚟講我覺得算抵，仲可點了多款不同食物,滿足到我的口感之福.

行過見到原先嘅潮式餐廳轉咗新餐廳，叫「大鼻滷」，原來係食潮式粉麵，屋企附近比較少呢類餐廳。適逢中秋後想食清D，於是決定同老公試下。一入到食店，店員安排位置後，有同我哋介紹牛腩同雲吞。見到好多都想試，咁我哋就各叫少少，一齊SHARE嚟食。紫菜湯好大碗，夠晒2 個飲。好多紫菜，而且味都幾濃。抵！腐乳通菜又係好大碟，而且好多腐乳，一D都唔孤寒！通菜好嫩，完全冇渣。魚旦 牛肚 雲吞 湯河實在太想試唔同嘅嘢，於是我哋個湯河叫咗3 餸。首先講下D 河粉先，要讚下係一D 都唔碎，容易夾同食。魚旦係潮式魚旦，超彈牙。牛肚炆到好淋同入味。雲吞好足料，調味又好，我哋都默默食到勁點頭。唔怪得之店員咁推介！蘿蔔牛腩 （圖中右下）牛腩同蘿蔔都炆到好淋。蘿蔔超甜，好味！牛腩都煮到好入味。普寧豬肉丸＋汕頭牛丸食到最後，我哋仲想試普寧豬肉丸同汕頭牛丸，叫晒2 碗又太多，於是問店員可唔可以叫兩溝，店員話可以。普寧豬肉丸 - 超實正，唔係勁溝粉果D！而且有豬肉味加上調味都正！汕頭牛丸 - 又係超實正，而且好有牛肉味！正呀！整體嚟講，食物份量大，性價比高。見到MENU，發現原來我以前住嘅粉嶺祥華邨都有分店喎。食店主打食牛什