燒肉801

營業中

休息中

好似好耐無食燒肉～今晚同朋友試左依間日式燒肉店😋2個人叫左2個餐同一份極上厚切牛胸腹柳~2個餐都係叫左Single😂原來menu show 個個份量就係single，再加左白飯set（升級紫菜飯）同冷麵set極上厚切牛胸腹柳$138肉味香濃，無咩油脂～但肉質都係好軟，岩哂鍾意食瘦肉既朋友豊盛Single $178黒毛和牛裏腹小排美國牛肩胛肉美國牛肋骨條肉匠盛 $178黒毛和牛腹柳小排塩味上牛舌2個set既牛都唔錯😋牛舌係薄切既～無筋唔會韌，如果有厚切就好啦🙈🙈和牛油花好靚～食落油香滿滿加埋幼嫩既肉質～好正👍🏻冷麵調味岩岩好，酸酸地好開胃🤤麵質有咬口👍🏻紫菜飯必點！勁多紫菜～再撈下發現入面仲有隻溫泉蛋😋配埋牛肉一齊食，真係好正😍差啲想叫多碗飯🙈餐包左汽水，不過佢都有熱茶提供👍🏻整體都幾滿意～其實1人1個set都夠飽😆實在太多選擇啦🙈下次再試其他先😋

記得第一次食燒肉801好似差唔多一年前，當時係朋友請我食慶祝生日🎂今晚約咗另一位朋友撐枱腳，心血來潮去食燒肉801🤤上次嗌套餐，今次就決定散嗌🤭可以試多幾款野食🤤🤤特上牛胸腹肉🐃腹胸肉ハラミ一直係我嘅最愛😍口感彈牙唔韌，雖然唔係好有香嗰種，但係好有肉味🤤🤤大推🙌🏻黑毛和牛上肩肉🥩黑毛和牛果然係與別不同，油花分布比較平均而且豐富，用嚟燒肉真係一流👍🏻開大火少少迫曬啲油出嚟，一啖食落口有油香但又唔會好膩🤤🤤腹前牛小排🥩牛小排カルビ都係另一個我喜歡嘅部位，通常都係比較重油脂香味，而且肉味一樣好濃郁同埋口感較軟熟🤤黑毛豚無骨小排🐖本身我唔係好中意食豬肉，不過朋友話想試一於嗌一個試下，但原來一樣好好食😋冇豬臊味，而且一啲都唔韌，加埋恰到好處嘅調味更加帶起豬肉嘅香味😋日本熟成豚香腸🐖朋友話：腸不可貌相😂😂睇落平平無奇嘅香腸燒到帶點焦香，加上脆卜卜嘅外皮，一啖咬落去好Juice成口都係肉汁，建議大家可以試嚇👍🏻😋😋紫菜飯、泡菜冷麵🍚🍜燒肉一定要配白飯或者冷麵，一啖燒肉一啖飯/麵，咁先唔會食到覺得好膩，可以叫多幾碟肉🤣🤣Hoeggarden Peach（買一送一）而家餐廳仲Hoeggarden Pea

去開尖沙咀成日都成日見到呢間燒肉店，但一直未有考慮過入去試下，可能因為店舖外的裝修不太吸引吧。但一次與一位日本朋友傾開，佢介紹呢間燒肉店，今日經開就試一試佢。餐廳環境尚算舒適，比想像中好的，而且餐廳的通風不錯，食完燒肉都唔會太大的油煙味，呢個讚。今次叫左一個牛肉盛（Double）、牛舌盛（Single）再加生菜同紫菜飯，二個人食，都夠晒飽的。牛肉盛（Double）$328有三款肉，三款肉既口感各不同，且有肉味，而且肉質地也偏淋，三款都不錯。牛舌盛（Single）$98有兩款口味，兩款口味也不錯的最後讚讚個紫菜飯，大大碗，紫菜滿滿，再加上流心蛋，好好食，平日唔喜歡食飯既我都食左大半碗👍有機會一定會再食呢間燒肉

⛩️環境:裝修係紅白木系日風，仲有小燈籠牆身全是日文，拍照打卡好似置身於日本，環境寬敞大部分位以卡位為主坐得舒服。🍴食物:[👍🏻 801盛 Single $ 198]依個係招牌盛，同店名一樣801證明必試！黒毛和牛肩胛肉，成個碟咁大塊，牛質嫩滑配埋個汁甜甜地都好好味，蘸埋温泉蛋汁一齊食，係燒肉既最佳組合。腹前牛小排，牛小排牛味最出，肉味濃郁，都係燒肉必食之一。蔥鹽味雞腿肉，醃得入味，建議蔥喺旁邊燒一燒再配雞食，又有另一種風味。特上牛胸腹肉，燒到五成左右好軟腍，食完會再想單點多份。牛板腱肉對比起上嚟就較普通，都係同一醃料，較薄身口感順滑。最後一類肉係同上面一樣既腹前牛小排係無骨加厚身一片片，肥瘦分明，燒起黎油脂味香，燒到少少香口先食正！比大碗飯仲大，紫菜分量多，紫菜下仲有温泉蛋同塩昆布，撈埋少少醬酒一齊加埋燒肉，食幾碗都無問題。⭐️燒肉種類多，套餐有得選擇份量多同少，夠曬彈性，要注意用餐時間喔。