餃里 (悅湖山莊商場) (裝修中)

第一次聽到餃里嘅大名 係因為地區團購見到谷友熱烈支持 知道呢間本土小店一直默默耕耘而家佢哋嘅急凍餃有得外送 又幾好啵香港製造嘅良心小店 絕對值得支持啦 ❣️******************************食物s：一盒有成12隻餃子 全部都大大隻脹卜卜特別揀咗幾款比較健康嘅口味點知連湯同調味都唔記得落 就咁用清水煮餃😅估唔到都夠晒味 調味啱啱好餃子全部都好扎實 食完真係超級飽滿呀😋🌿香荽鮮肉餃 ($52) 芫荽加鮮肉嘅配搭永遠都係咁夾❣️食落感覺好fresh好新鮮 芫荽味好香不過芫荽控表示可以少啲肉 仲想要再多啲多啲爆多芫荽🤪 我可以㗎🥬椰菜鮮肉餃 ($52)係餃里中算係較經典嘅其中一款餃子材料用上鮮豬肉、椰菜、香蔥等食材 比較清淡 用來煮湯餃就最適合不過 食落清清甜甜咁🔥 紫菜鮮肉餃 ($58)喺出面睇落去都好紫 好靚呀一咬開係巨量嘅紫菜 爆晒餡❣️配埋鮮肉一齊 食落個味好濃郁 又有鮮甜味呢款餃子口感非常扎實 長輩們表示好鐘意💕不過我就覺得有少少乾身 可能紫菜太索汁喇🔥泡菜鮮肉餃 ($58)私心推薦嘅一款餃子 鐘意濃味啲嘅朋友就啱晒喇❣️為食羊不專業湯餃系列排行榜中 同韭菜鮮肉餃並

屋企伙頭大將軍逢星期三、六都要停工，所以呢兩晚都要自己攪掂。但我樂於每星期有兩晚，可以唔限區域去找好東西吃。呢晚我就去咗買餃子食。其實呢間餃子外賣店唔近屋企，但我仍然搭車去買。事關呢間餃子店標榜新鮮包，就算買生餃返去煮，第二日煮味道都會大打折扣，唔及佢哋響舖頭煮好返屋企即食。 今年農曆年後佢哋轉咗餐牌，除咗有新餃子，對我最重要係佢哋湯底選擇多咗。之前佢哋只有豬骨湯底，而家我愛上咗配素湯底。因為素湯底會跟湯渣，有粟米、蘿蔔等，非常足料。食埋絕對夠飽了。 餃子全部大大隻，餡亦好足料，肥肉唔多。椰菜係爽脆嘅，食紫菜最怕啲紫菜洗唔乾淨有沙，但我食過咁多次都無發生過，我好放心買嚟食。對於芫荽愛好者嚟講，芫荽餃係不可不吃。芫荽係一樣好小器嘅香料，一隔夜味道會大減。呢個餃次次食親都有好濃嘅芫荽味，我非常滿意。 其實呢間舖嘅招牌菜係芝士粟米煎餃。不過我呢排要修身，只能遲啲先食了。

隱世超級驚喜餃子店！不能只有我知道！！.屯門悅湖商場有一間超靚嘅餃子店，唔止門面用心設計，裡面嘅一班包餃師傅更係經驗老到，粒粒都好足料，真材實料唔係包空氣，我覺得唔係住呢頭都可以買返屋企食.價錢大約係$40左右，分湯需要加$，如果買返屋企食，就建議分湯，餃子皮一直浸住會影響口感，分湯就最好，唔怕淋晒.今日去郊遊完特別肚餓，所以叫左3款餃子，再加左2個麵只有外賣，沒有堂食架.一打開香到呢，即刻開餐！椰菜鮮肉餃9隻$42；分湯$2；加麵$8超推薦呢個口味！鮮肉緊緊包住椰菜絲，食得出椰菜爽口口感，菜肉比例平均！.紫菜鮮肉餃9隻$48；分湯$2平時好少食到，紫菜味好香！同樣又係用鮮肉包到實一實，唔會過彈，同餃子皮配合得好好.咖哩鮮肉餃9隻 $48 煎餃驚喜地好好味，煎餃更加食得出皮薄餡靚嘅感覺，個皮有啲似日式煎餃子嘅薄皮，呢個價錢加質素可以話係超左班.睇埋橫切面.餃里拌麵$15辣菜圃加辣汁拌麵，可以揀辣度，麵質屬扁身粗麵，麵條係薄身，同菜圃一齊食好夾，份量好大又好味，cp值爆登！

夏天咁熱，有時唔想食茶餐廳同車仔麵。知道屋苑附近有間餃子店，外觀都幾骨子，成日都想試，今日就試左矩啦。menu上面好多選款餃子，又有煎，又有湯餃，但我又想樣樣都想試，於是就叫左9款。9隻三併煎餃子(泡菜，咖哩，芝士粟米口味)皮薄喊靚，隻隻足料。味道好特別，之前喺其他餃子店都冇食過依三個味。我就最鍾意咖喱味，好香。6隻雙併煎餃子(紫菜，素餃)都一樣皮薄料足，素餃係平時食腐竹卷的材料，有木耳，粉絲等。紫菜餃子就好有鮮味。田園四併湯餃(韭菜，椰菜，芹菜，香芹）湯底真材實料，好似屋企煲嘅湯咁，沒味精，很好喝，也很健康。餃子一樣，粒粒飽滿。大滿足。今次試完餃里，覺得冇味精，又健康，係不錯的輕食之選。下次食再食

今次第二次到訪餃里，諗住試下買外賣同上次生餃有咩唔同，但我哋太夜去到，好多餃都無晒，所以買咗煎餃同湯餃各一份，另外再買一盒生餃返去自己煮😋 好味嘅餃子真係要一再推介畀大家試💛•🥢 紫菜鮮肉餃 $52/打(生餃)第一次見紫菜餃呢款餃🤩入面包住滿滿嘅紫菜，紫菜味算濃，但餡料嘅調味比較淡，點埋佢哋嘅柚子醋就啱啱好，令到成隻餃嘅味道都有昇華！•🥢 韭菜鮮肉餃 $49/9隻(湯餃)韭菜餃之前都試過買生餃自己煎，覺得比較普通，但今次食湯餃就幾有驚喜🤤 韭菜味幾濃，同個湯超級夾！隻餃超巨型，餃皮咬落比煎餃厚，但係都幾淋幾易咬開，而椰子豬骨雞湯就聞落好香椰子味，飲落超級清甜，但粟米同紅蘿蔔嘅味比較出～•🥢 咖喱鮮肉餃 $48/9隻(煎餃)咖喱餃都係之前買過生餃返屋企煎，味道同之前差唔多，咖喱味好香濃，帶點微辣，不過餃皮食落比我哋自己煎更加煙韌有咬口🤩 而且個底煎得好靚！

店鋪係屋苑商場地下，吸引好多街坊買外賣食。餃子餡料種類除左有菜類餃，仲有新穎選擇添，如紫菜、咖哩等，價錢親民。當日5點半左右到，已經好多人排隊等緊外賣，大約10mins就拎得。叫左9隻三拼自由選($54)，健康雙拼($40)，芝士粟米鮮肉餃(6隻$46)。餐牌有幾款拼餃揀，岩哂心大心細既朋友，咩都可以試下。每隻餃子都非常飽滿，餃子皮通透咁，睇顏色好易就分到餃子口味。餃子每日人手包，煎餃即叫即煎，熱辣辣，個皮煎到焦焦脆脆，好滋味。附送既醬汁、辣菜脯配餃子食，味道提升左。不得不提，個醬汁有柚子味道，酸酸地，同煎餃好夾。咖哩鮮肉餃大推，同食緊咖哩既感覺一樣，因為一咬，d咖哩汁湧出，咖哩微辣，混埋肉餡食，好juicy。而且就咁望隻餃子，已經見到深黃食。紫菜鮮肉餃既紫菜好似就黎塞爆個餃子，多餡到分3啖食。紫菜味超濃郁，帶點大海鹽味咁。泡菜鮮肉餃味道酸多辣少，煎過之後，餃子唔會好乾，帶少少焦脆口感，泡菜份量又係滿滿。芝士粟米鮮肉餃咬開之後，會拉到絲絲芝士，d粟米跟住跌落黎，尼個組合冇得輸，芝士味道突出，好香，而粟米甜甜。湯餃既湯底好好飲，清甜唔會飲完好口渴，配搭餃子食更多汁。椰菜肉餡清淡，調味唔會

今日入左去屯門，喺朋友屋企附近搵到間餃子店，於是就買左d餃子外賣上去一齊食😀首先，一打開3盒餃子既時候，我比餃子既size驚艷左！好大粒！仲要粒粒飽滿！煎餃好金黃！但一d都唔油膩！讚！👍🏻我首推，芝士粟米鮮肉餃！好多芝士，好香濃，同粟米鮮肉好match！食唔停口！韮菜鮮肉餃，岩哂韮菜控！韮菜鮮肉比例恰到好處，又夠味。紫菜鮮肉餃，我要左跟湯，入面既紫菜超多！餃里係一間良心餃子店！超足料！仲有3盒仔醬油同3盒仔辣菜甫送，好貼心☺️☺️