Small Potato Ice Creamery (已結業)

旺角小食首選係信和後面條街，而銅鑼灣的小食熱點，我覺得係希雲街，一條短短的小街有抹茶，手工雪條同埋雞蛋仔，真係每間食一啖都飽死！今晚同朋友喺附近食完串燒嚟左醫第二個胃！呢間店剛開張的時候都有嚟過，只係人很多一個下午就賣光了，嗚嗚！熱潮已過，客人不多嘅情況下，仲見到一幅靚靚的壁畫！如果人山人海的話，我一定會留意唔到，嘻！主打海鹽及紫薯味的雪糕，雪糕可以選筒裝或杯裝，亦設有幾款已配搭好的口味，當然亦可自己揀不同配料啦。我有選擇失調症，要我在一大堆配料中自己諗應該天光都未揀好吧！所以都係揀左店方已配搭好的紫薯派對（$40）除左紫薯雪糕外，仲有綠茶嶡餅，白玉，紫薯BB同紫薯蓉！份量十足呢！紫薯BB 細細粒，口感粉糯甜美，白玉唔會淋晒，ＱＱ的非常好口感！後面啲公仔真係交晒戲，好好笑！紫薯味濃郁不假，店員表示雪糕係用新鮮紫薯打出，再加埋紫薯粉同醬汁，雪糕口感紥實不易溶，份量偏大，一杯可滿足晒紫薯迷的N個願望！因為我地係食飽飯過來食，食到尾聲真係有啲飽，始終紫薯係屬於澱粉質，比較飽肚，值得一提，店員會在客人落單時提醒雪糕份量略多，個人覺得友善又細心。 

希雲街真係有好多野食, 今日Vi同朋友o係附近食完晚餐, 順便過黎試下呢間以紫薯做theme既雪糕店~本身Vi都幾中意紫薯, 呢間雪糕店入面牆身畫左好多好得意既紫薯公仔, 每隻紫薯公仔都有唔同表情, 超正影相一流, 講番正題, menu上面既雪糕款式唔多, 主要係紫薯雪糕杯同海鹽雪糕, 黎到梗係食紫薯la!Vi就揀左$48既蕃薯派對~雪糕都好大杯, 上面仲有紫薯蓉, 白玉, 抹茶厥餅, 紫薯粉同蕃薯仔~紫薯雪糕味道偏甜, 質地杰身幾滑, 因為入面撈左紫薯蓉, 所以食落啖啖紫薯幾飽肚下, 而雪糕既紫薯味唔太重, 不過紫薯蓉就好濃, 所以夾埋都唔錯, 上面既白玉好煙un好味, 但抹茶厥餅就同紫薯有點格格不入, 份量好大杯, 一個人食半杯已經有d滯, $48都算抵食加埋店內既紫薯公仔, 食得好開心

身邊好友不斷推薦........個個都試食哂而且仲話好好味!!!!!!!!!!我無理由唔去食囉~~~~雖然鋪頭細細,但兩旁都設有長吧枱同櫈可以比客人選擇堂食。不過由於此店都深受歡迎，店裡面早已擠滿人,所以我還是外賣吧!入到去好LIKE AR~~~~~店除左用上我最愛o既紫色及黑色調，更用上Q版紫薯公仔做牆身佈置及menu，真係得意到震講左咁耐.....終於落左order。等左一陣就有得食lu~雪糕係用上北海道牛奶與紫薯蓉打成當你以為用上北海道牛奶整成o既雪糕肯定非常幼滑.....咁你就錯啦!!!!正因為加入左紫薯蓉，令到雪糕整體口感好豐富同好實在，係牛奶o既襯托下......令到薯味好出，唔會入口即溶，而且每一口食落去都有紫薯蓉粒粒，令到紫薯味可以長時間停留係口腔裡面慢慢細味。話明係紫薯派對當然配料仲有白玉、紫薯蓉、綠茶蕨餅、蕃薯仔一杯分量其實都唔少可以同朋友開心share，不過甜品怪o既我.......食唔食都係變小肥!我梗係一個人食哂，連晚餐都可以慳番