草民 (已結業)

Cafe開到成行成市，要突圍而出除咗要食物質素高，裝修、食物是否打卡able都係重要元素。草民嘅特色就係環境舒服，以木系顏色同假草皮塑造一種自然輕鬆嘅感覺。佢哋嘅食物賣相都好好，就好似脆爆草地滾球咁，以抹茶嘅餅碎扮草地，隨朱古力波波附上一枝木鎚，扑開之後有球雪糕、牛奶朱古力同埋有酒味嘅啫喱，加埋碟上嘅爆炸糖口感好豐富。紫薯鮮奶上有隻可愛吉祥物，飲落有啖啖紫薯蓉，好香甜好飲。意大利飯咖哩味唔算太重，飯有cream 香亦無中咁咁膩，不過蟹肉份量偏少；雞翼好少孜然味但係的確好香辣。總括嚟講晚市唔算平，食物份量偏細比較適合雀仔胃嘅女生，但個紫薯鮮奶同埋環境用心程度都值得一讚！

復活節第一日落大雨。約左朋友去尖沙咀聚聚。草民係咁多間裏面算近，咁就決定食佢啦。剛去到草民既時候，店員話滿座了，要三點先有空枱。 但明明有一枱客結賬中，可能有其他人訂位吧！然後，我們答返店員，我們留電話等三點。 跟住，我們被通知有位了，仲係我們想要既草地果邊添。  餐廳有三張枱先係坐草地果邊的，要除鞋喔！ 但講真，草地果邊冇好舒服的感覺。 但可以坐好耐聊天係開心既。  63度溫泉蛋卡邦尼意粉超好食的。我們都其他都係點小食，很正常沒有驚艷的感覺。 但意大利粉很好食，難怪係推薦食品。

野餐草地feel cafe🌿-🍠紫薯鮮奶$42紫薯味超濃 唔會過甜 好綿滑 唔會比奶味蓋過紫薯香味 好推介大家試下.🍚健康車仔飯$138自選配料嘅車仔飯 包沙律菜 是日甜品 餐飲 肉類叫咗三文魚扒 夠肥嘅魚扒 唔會乾爭爭菜揀咗南瓜🎃甜蕃薯仔🍠法邊豆飯底揀咗蕃茄糙米飯 好夠蕃茄味.🍗焦糖單骨雞翼$48有少少似麥芽糖 好痴牙😂凍咗好難咬但襯熱食係好香又脆口.🍝63度溫泉蛋卡邦尼意粉$88不骨不失 溫泉蛋做得幾好 有流心蛋黃可以撈意粉食.🍨爆脆草地滾球$88朋友生日寫咗朱古力字❤️朱古力波入面有movenpick tiramisu雪糕同甜酒啫喱 配埋脆脆食 口感好有層次 係價錢有少少貴 但值得一試-我地坐係假草地上 有個好似屋仔嘅setting 好似野餐咁 打卡一流😂