麵尊

營業中

休息中

🇭🇰Hong Kong - Causeway Bay📍麵尊 MinJun細尊魷魚 豬頸肉 大腸 雞翼 伊麵_____________________________去到銅鑼灣，有好多好多唔同嘅美食但每次都會選擇困難症唔知食咩好。每次唔知食咩好嘅時候，都會選擇食車仔麵。相信好多人去到銅鑼灣都會必食「榮記」，但今次介紹嘅係我每次都要排下對嘅「麵尊」。兩間相比我個人比較中意麵尊個湯底，雖然大家都係腩汁底但會相對比較濃厚啲，同埋佢仲有麻辣汁同咖哩汁比你揀。個人必選麻辣汁加腩汁。對於選擇困難嘅我，一定係唔想揀，所以一定係揀細尊/大尊幫你配搭好。而另一碗就揀啲大家都想食嘅野食交換食。個人推薦，雞翼咖喱魚蛋。而我對豬紅比較揀擇，呢一個豬紅都唔錯唔會有腥味。另外，設有每人最低消費$40。📍 銅鑼灣登龍街18號V Point地下5號舖上環蘇杭街22-24號地下21號舖香港仔南寧街6-12號ac5 地下8號舖

每次路過麵尊都總會見到有人在門外排隊，有時長有時短，今日唔算太多人排，好快入座。試了細尊，有5款餸，每樣2件，豬紅有3件，估唔到蘿蔔非當造但好甜，豬紅都好味但又未算係我心中世一，呢道嘅魚蛋比較大粒但食唔到咖哩味，豬皮過稔唔爽口，幼麵軟硬度剛好，湯底濃味，不過食完幾口渴。

近期見到好多人介紹呢一間車仔麵好好食，所以今次專程去試下，去到時候大約中午1點10分左右，見到仍然有人龍，前面大約十個人左右，都唔少人過喎，不過大約等左十分鐘就已經有位，可能係食車仔麵關係，所以都好快有位未入座之前店員會比餐牌我哋寫定先，所以一入去坐低好快就有得食，呢間餐廳裝修比較新潮，唔係傳統裝修，座位都比起傳統車仔麵店坐得舒服少少，另外原來有一間總店喺上環，都開咗好多年，我都係近期先知道🙊咖喱魚蛋|咖喱魷魚|酸齋|油麵 $40 我碗麵未到之前，隔離枱嗰個男士就不停讚油麵好好食，咁啱我又係叫油麵，所以我第一啖係先食油面，又真係幾好味喎，煮得剛剛好，軟硬度適中，唔會太淋咖喱魚蛋唔會腥，彈牙又好食，咖喱汁好香濃酸齋雖然係浸住湯入面，但仍然有酸齋的酸甜味，有口感又開胃咖喱魷魚係水魷，都彈牙我湯底選擇了咖喱辣汁，又唔會好辣細尊|米線 $40 - 豬紅|蘿蔔| 咖喱魚蛋|紅腸|細尊其實都好抵食，有5個餸，叫咗米線，唔會太過淋，仍然有咬口豬皮大件又爽口，索哂啲湯汁就更加好味豬紅係爽口，唔會一夾就鬆散蘿蔔大件清甜又無渣紅腸就無咩特別，正正常常的🌟個人推薦係酸齋，豬紅，油麵，不過每個人口味唔同，如果

Weekday Lunch Hour等位等咗20mins，等埋嘢食5-10mins，其實返工等lunch黎講都幾晒時間。不過職員態度幾好，而且黃店就支持下。--🍜 細尊 (豬紅 蘿蔔 咖哩魚蛋 紅腸 豬皮) HK$40.湯底揀咗咖哩辣、麻辣、腩汁，反而覺得自己揀得太多，所以味道比較重同油，試唔到其實咖哩辣咪味道。如果下次再有機會食，會淨係揀一款辣。麻辣算幾麻，個辣度我接受到，但聽附近嘅人都覺得辣，所以如果唔食得辣嘅要唸下先好揀，.蘿蔔唔算特別淋，唔吸湯嘅味道。其實食唔到咖哩魚蛋嘅咖哩味道，因為已經比麻辣蓋晒味道。不過好大粒，幾有咬口。紅腸比較平時嘅厚身。整體材料算幾多。--📌 低消HK$38