群記牛肉圓豬手

營業中

休息中

🇭🇰群記牛肉圓豬手·細豬手麵$37難得嚟到粉嶺 梗係要食晒佢呢一度出名嘅小店😈佢個豬手份量都真係幾多 而且都洗得幾乾淨 不過佢個豬手係就咁煮既 所以佢自己無咩味 但係點佢個辣椒油真係超級畫龍點睛🌶️佢係超級惹味 而且有少少蒜粒咁 成件事好夾🤤我直頭係想買佢個辣椒油返屋企比媽咪 可惜佢冇得賣🤣🤣·油菜$10因為我哋想之後再掃街 所以就就咁嗌左一個麵加一份油菜 我自己覺得佢個油菜比較油 而且佢啲蠔油份量真係比較多 所以有少少鹹🙊·📍粉嶺聯和墟聯昌街5號豐景樓地下

很久沒去群記！夏天去群記是一個挑戰🥵，在沒有冷氣的情況下，吃著辣油流著汗，背後再站著等位的人，著實不是件享受的事！見今天中午天陰☁️，應該不會太熱，所以去吃碗豬手麵，來群記不吃辣油是件怪事，因為他們的辣油又香又惹味，我本身是不吃辣的人，但來這兒也會吃，因為沒有辣油點綴，味道差很多分數！今天來到，第一次遇上牛丸沒有供應，所以不能點「丸手麵」，可惜！幸豬手依然好味，沒有碎骨，如果肉質再軟一點會更好！辣油本身不太辣，但遇上我這種完全不吃辣的人就不同了，最後我連喝了兩支忌廉🙈🤣！

前日(27-12-2011 Tue)同男友去粉嶺遊樂場睇北區花卉動物展,去到粉嶺,男友話去食o野先,OK,就同佢行o黎金剛小儀介紹過o既呢間,o黎到o岩o岩係lunch time,門外企o左好多人,我問亞姐係咪攞飛等位佢答唔使,入o黎自己搵位坐.啊.男友好快等到兩個位,好彩我等位o既時候都睇定我想食o既三樣o野,坐低後即落單要細淨牛丸,細豬手麵同炸卷.亞姐話炸卷要等15分鐘,冇問題吖,特登o黎到就係要食佢.好快,頭兩樣o野到o黎,我先試牛丸,係有牛肉味,但唔太彈牙,冇坊間講得咁好食,不過味道好清.而豬手呢燜得好腍好夠味,夠味o既意思係冇味精,真真正正只係豬手o既原味,好香,唔覺得肥,幾好食.食完o緊呢兩樣o野時,有位亞姐同同事講,炸卷要等半個鐘,好彩我o地一早叫啫.食完後等多陣終於到喇,未到前我同男友講係咩o黎,佢話咪即係佢姑媽成日炸o既鄉下美食,不過係卷豬肉.呢個跟喼汁同上,食吓先,唔…食到牛肉羶味,但炸到乾晒,影響口感,近腐皮位更黑色燶o左啲,男友話都係佢姑媽o個隻好食,因為有啲肥肉.而男友就大讚辣椒油,話係辣但又唔係死辣,我試吓,食到有蒜頭味,男友問係咪自製有冇得賣我o地唔敢問.

因為打算去花鳥蟲魚展看，所以去群記牛圓豬手食午飯。第1次來到，沒想過群記這麼多人，味道都不差，如果順路都值得入去食，但會坐得不舒服及食完要走。來到看到門口咁多人，我以為咁多人在等位，原來是等外賣。然後入內，嘩，沒想過這麼多人，還要自己找位，人人如此，看來我是井底之蛙了。等了15分鐘終於有位坐，還是一個人的位，要2個人坐，所以來到這裏食飯，一定是好迫。點食時要說明要大還是細碗，明明說了大，點知來了細碗牛丸牛腩米。然後又來了細碗豬手麵，在懷疑之下問下身邊的食客，來的是否細碗，食客也說是細碗，立刻叫人轉回大的。約3分鐘左右，便來了大碗的豬手麵，份量真係多好多。食入口是好新鮮沒有豬的味，還有沒有味精的調味，愛清淡的人會好愛食它。然後又來了大牛丸牛腩米，份量都比細碗多，大的要HKD24，細的要HKD19，以今天來說都不算很貴了。牛丸細細粒其實沒什麼特別好味，但牛腩好入味，值得一食。網上的人說這裏的辣椒醬好味，愛食辣的我，就覺得好普通沒什麼特別，但放入豬手麵內食，又能帶出味道來，但以辣椒醬本身來說，個人認為不是好好味。見好多人叫炸卷，本來都想食，但因怕食不下沒有食。整體來說因為太多人，地方又細位不