天園餃子

營業中

休息中

今次再去天園餃子再試其他食品。紹菜豬肉餃好似普通，但好味喎！好清新的感覺到，其實每隻細細隻，一口餃子好爽！今次試食鍋貼，香口，個底脆脆地，個面柔軟，好味，推介。兩日食完，唔口渴架！無味精！正！

呢間餃子店即使過咗午飯時間都客似雲來，不過每一位食客都係快食快走，原因係上菜速度勁快阿。落咗單一陣10隻餃子已經上枱，佢哋嘅餃子唔大粒但飽足感十足，原因係粒粒皆皮薄餡靚！用雲吞皮包所以好薄又夠滑，因為紹菜關係，一咬開係好香甜又清新！清湯味道唔濃所以重口味嘅就可以添加枱面上嘅醋、辣油同生抽，如果唔夠仲可以問返店員拎蝦米醬添！之後就上埋即叫即炸熱辣辣椒鹽雞翼，皮脆多汁又大隻，超香口！整體嚟講非常不錯，仲會想翻啅試埋其他口味餃子！推薦！

#🍎👧🏽呢間餃子店喺土瓜灣同觀塘都有分店~可以單點餃子或者叫套餐 有輕量級(5隻)同重量級(10隻)可以揀🙆🏽‍♀️ 配埋一款小食餃子口味方面 除咗普通嘅豬肉餃 呢度仲有素餃添！🔻重量級餃子套餐🥟(10隻)<紹菜豬肉餃 配 椒鹽雞翼(3隻)> ($53)🔻韭菜豬肉餃(10隻) ($33)每隻餃子都好飽滿☺️ 餃子係用雲吞皮 所以皮好薄 餡料多 韭菜餃好香~ 個湯清清哋唔會太咸 入面有嚿白蘿蔔🤣椒鹽雞翼炸得好脆 好香口惹味🤤🤤 應該係即叫即整(?)要等一陣先有得拎跟餐仲會有杯細飲品 上次係雪梨茶 今次就係水蜜桃茶🤪 唔錯~呢個套餐份量適中 驚唔夠飽可以揀配煎豬扒/雞扒🤣下次試吓佢哋嘅蕃茄雞蛋素肉餃先~－－－－－－－－－🍴食物：6.5/10🏝環境：N/A🛋服務：N/A💲價錢：6/10💥翻兜指數：6.5/10✨CP值：6/10