CIAK - All Day Italian (太古城中心) (已結業)

好少光顧正宗意大利餐廳，想食傳統同正宗少少所以就揀左呢到，因為知道來頭不少。餐廳內外幸好比較早入座，愈接近晚飯繁忙時間，餐廳愈來愈多人入座，面積大都坐得舒服，唔洗擔心會逼。食物選擇不乏意大利菜菜式，價格算中上價錢，但一場黎到，一定會試下薄餅同意大利麵。餐包口感外脆內軟，食完之後店員介會問係要唔要多啲～蛋黃芝士汁伴風乾煙肉粒自家製幼麵   $160自家製幼麵有三款，揀左惹味啲既蛋黃芝士汁，份量唔算好多，但因為個汁都比較膩，所以一個人食哂相信都有飽肚感，而同女友share就岩岩好唔會太膩，每條都好香蛋黃汁味道，仲有忌廉芝士，風乾煙肉都係咸食，但整體又未至於過咸，意粉係平時食既粗幼度，口感不錯。組合薄餅(10’’)　 $280 揀左「意式風乾火腿配火箭菜，車厘茄芝士薄餅」拼「香辣雜錦海鮮薄餅配芝士蕃茄醬」。餅底都好鬆軟同脆邊，兩個都係蕃茄芝士做basic，但食落帶出既感覺都幾唔同，意式風乾火腿配火箭菜，睇名好似好重口味，因為意式風乾火腿係咸食，而火箭菜又重香料味比較苦澀，但食落去兩者又平衡返，加上餅底係以車厘茄芝士做basic，酸酸地幾開胃。而香辣雜錦海鮮薄餅，冇辣味，都係以芝士蕃茄醬為主，

知道「CIAK」有兩間，一間係中環，而另一間係太古，同樣都係由米芝蓮三星名廚Bombana擔任顧問既意大利餐廳，仲拎到「米芝蓮車胎人美食」推介，主打手工薄餅、手工意粉等傳統意大利菜，今晚就帶埋屋企人黎試下。 環境位於太古城廣場，都好易搵，有室內室外，餐廳都好大，被安排到坐室內既位置，座位同座位之間好寬敞，座得舒服，店內都以外國人侍應為主，服務都好好。餐牌其實都有Dinner Set，不過我地就揀左散叫，選擇不算十分多，主打手工薄餅、手工意粉，但都有前菜、主菜等等。餐包烘得熱騰騰先上枱，仲有小小微焦，食落外層脆口，麵包軟熟，麥味好香，仲可以不斷Refill。組合薄餅 $280 (10’’)揀左Pescatora(香辣雜錦海鮮薄餅配芝士蕃茄醬)及Estiva(意式風乾火腿配火箭菜，車厘茄芝士薄餅)。薄餅會用架撐起上枱，眼見包邊烘得好靚，微焦黑，Pescatora有魷魚、蝦、蜆，配上芝士蕃茄醬，芝士份量岩岩好可以拉絲唔會過多，茄醬濃郁，餅底鬆軟而又不失脆口，唯一不足係太少海鮮，唔係好食得岀。而Estiva上既風乾火腿都算多，唔會過咸，呢款味道就比較清淡，相比之下Pescatora更岩我口味。