Bello Dining (已搬遷) 新店位置

最近行經係天水圍新開既天一商城，發現裏面有好多唔同種類既餐廳，而呢間Bello Dining可講係特別出眾。一黎商場附近少呢種cafe，可以俾三五知己坐低聚下舊，食下野，傾下計；二黎佢既食物款式算多，味道唔錯，價錢合理，叫幾份share好着數。芝士吞拿魚焗薯皮，芝士可以拉成絲，mix埋濃郁既吞拿魚同薯茸，大大啖咬落去，非常滋味。香脆流心芝士條，名副其實地，芝士係流心既，，第一啖直接咬，外面炸到脆卜卜，入面就好幼滑，第二啖蘸上千島醬，又係另一番享受。忌廉吞拿魚長通粉，叫呢份係有少少失策既，因為吞拿魚同之前焗薯皮既係一樣既，只係呢個有汁，冇咁「傑」，不過長通粉煮得幾好，我地都鍾意少少軟既。香辣烤雞薄餅，冇想像中咁辣，同埋雞肉粒少咗d，但係芝士同蕃茄醬就好足料。經典漢堡配薯條，牛肉漢堡整得唔係咁均勻，因為切開之後我分到既果份，特別多胡椒粒，雖然辣，但咬落肉汁多，加埋配菜係好食既。

呢間鋪頭細細間，夜晚830食都要排隊，因為入面位唔多，所以都等得有d耐。夜晚叫意粉同pizza有得跟餐，有得簡湯/沙律同配野飲，特飲就加$10。係門口個時見到人地食pizza都幾大幾吸引，所以我地都叫左個水牛芝士蕃茄pizza，我鐘意佢個pizaa底係薄底，好似餅乾咁，又香又有d脆脆地👍🏻另外，我地都叫左個黑松露忌廉扁意粉，個忌廉汁好香但又唔會太膩，有微微黑松露味，扁意粉既硬度岩岩好，好好食！個經典漢堡餐個漢堡就冇咩特別，不過呢個都幾抵食，50幾蚊仲跟埋粗著條。玫瑰蜜糖雞翼，蜜糖分量岩岩好，唔會因太甜而食唔到其他味，仲有淡淡既玫瑰味，但雞翼大細不一，有d就大隻，有d就扁細。我地叫左一個餐，簡左cookie and cream。我覺得味道較淡，唔好飲。最後埋單300蚊有找，真係好平呀！食物質素又唔差，好抵食！下之會再黎！

屋企附近新開天一商城，不過可能商場新開關係，竟然以食店及蒸腳店最多，不過質素真係好參差，以蒸腳為例，好多店舖雖然做到最平每次$28，但唔知道是否與藥包用料有關，蒸完純粹出汗，但效果並不顯著，就算幾平幾抵都無用，所以家人每星期至少兩次幫襯二樓好高大戴眼鏡既哥哥蒸腳店，起碼水腫及血壓情況改善好多（因家人本身小腿位置大細腳），連醫生都好奇問點解血壓突然穩定左咁多話說今日蝦子餅蒸完腳後胃口大開，但又唔想食飯，見同層二樓開左間餐廳，門外餐牌食物都好吸引，所以忍唔住立即入去試下雖然店舖比較細，不過感覺都唔算太狹窄，我們夫婦二人Order了以下菜式:蕃茄椰菜忌廉湯: 淡淡蕃茄味，毫無膩口感覺，唔錯千島海鮮薄餅: 原本諗住兩個人食12吋Pizza會好飽及試唔到其他小食，反而因為佢批底薄及醬汁係千島醬，餡料以海鮮為主，所以越食越滋味，正經典漢堡（配薯條）: 漢堡扒食得出應該自家製作，咬落有肉汁滴出黎之餘又唔會太乾身，薯條新鮮炸起後趁熱食超勁正玫瑰蜜糖雞翼: 甜甜地及好濃香玫瑰味，加上雞翼表皮非常香脆，味道唔錯，不過蝦子餅略嫌仲有少少雪味特濃朱古力: 味道香濃，唔錯今餐兩位消費合共只需$214，仲送左一張