長洲角酪

營業中

休息中

呢間長洲角酪絕對係入長洲必去既去人氣打卡舖，見到門口一幅藍白tone既港鐵style牆，就知道好多遊客都會過黎打卡，所以都幾多人排隊，等飲品大概等左20分鐘。舖頭入面空間唔大，有4張細枱同幾個坐位俾人短暫休息下。今次嗌咗桃桃角酪同經典角酪。桃桃角酪係無紫糯米既，揀左正常甜度叫「同你一樣甜」，配合舖頭自家製少少酸既乳酪，飲落味道啱啱好。不過略嫌個桃味唔夠濃，飲落去只有少少桃味，桃肉都唔算多，如果個桃味再香d再出d會更好。另外杯經典角酪係加左紫糯米既原味乳酪，紫糯米食落幾煙韌，飲落去都幾夾，但如果一個人飲哂一杯既話都幾飽肚，所以我下次都係會揀無加紫糯米既飲品。📍長洲新興街78號地舖位置就腳：🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊

嚟到長洲，必到呢間飲品鋪長洲角酪，一開門就開始好多人嚟排隊，堂食都要等位。入到去叫左一杯西柚梳打，入邊好多果肉，每飲一啖都可以有果肉，加埋梳打，夏天飲就好解渴👍🏻跟著仲叫埋人氣嘅經典角酪，有好多紫米沉咗係底，見到係足料嘅👍🏻

嚟到長洲一定會諗起飲長洲角酪，同埋去‘長洲地鐵站’打卡！哈哈嗰日嚟到已經見到好多女仔喺藍色格仔長洲站牆前打卡～除咗幅地鐵站牆，另一邊嘅湖水綠牆身同掛畫都好靚～我就試咗經典角酪，佢係一杯乳酪飲品，入面有啲紫米之類，酸酸甜甜咁，好味得嚟又有少少嘢咬下咁，幾特別幾有層次！夏天熱辣辣飲返杯凍冰冰嘅乳酪就透心涼，爽哂～暫時都未喺其他舖頭見過呢種飲品，而且呢度仲有好多其他乳酪嘅口味，亦有其他甜品，不過我嚟到長洲係咁食食食，已經飽哂，下次再嚟一定會再試～

入得嚟長洲當然一定要去呢個熱門打卡點【長洲角酪】【長洲角酪】係一間小店主要賣乳酪飲品為主🥤店主仲標榜飲品本身已經係少糖製作非常合適注重健康嘅朋友👍🏻由於我哋喺長洲勁食嘢所以淨係點咗一杯飲品(因為真係食唔落😅)🛎飲品：ღ經典角酪Rice Yogurt ღ(💰$28)香滑嘅乳酪配上充滿口感嘅粒粒紫米唔會太甜好飲解渴連🐟B都搶住飲值得一試！🛎環境：特色「長洲站」打卡點店內乾淨企理但座位很少不適宜於店內逗留太耐因為都多客人，會好迫

呢排天氣實在太熱🥵尤其喺長州呢啲無咩遮蔭嘅地方，行幾步路都大汗踏細汗，最啱飲返杯手搖😋長州其中一個打卡點就係呢間手搖店，而小編都係第一次飲，飲完覺得幾特別，會想試吓唔同口味😝==============================🥤長洲角酪 📍長洲新興街78號地舖 ⏰星期一至六 12:30 - 22:00；星期日 11:00 - 20:00==============================1️⃣【經典角酪Rice yogurt】$28第一次飲乳酪飲品，就試吓啲經典野啦🤣第一啖飲落係酸，之後啲甜味湧上來，好特別底下用咗紫米，好少見手搖店用紫米，感覺好似幾健康😂食落煙煙韌韌，好有口感🤤紫米同乳酪加埋一齊味道竟然無違和感😲紫米本身無咩味，中和咗乳酪嘅酸甜味😚整體來講唔錯，幾有驚喜😍(🔥 怒飲指數：8.5/10)==============================🔥評分：環境：9/10 味道：8.5/10性價比：7/10總分：8.2/10==============================💛尖沙咀分店 #hangry九龍📍尖沙咀廣東道80號Cantonyama1樓1

而家去長洲多左一個打卡新熱點，何謂無人不知。為免遇到人龍，我地12點九去到，但估唔到店內已經滿座，未知客人係因為呢幅特色「長洲MTR站」牆而來、定係酸奶而來、抑或黃色而來呢?! 我本身係被「長洲牆」所吸引，全因為有一次係FB見到有人打卡，當下好傻咁諗，「點解我唔知長洲開左個MTR站既?!」，因而勾起我對佢既興趣。其實本身自己唔係好中意飲呢類甜飲，但見評論唔差，又覺得酸奶較為健康，所以決定一試。(就連同行者都因我而主動買野飲而感到驚訝)經典角酪 $28其實我係第一次飲酸奶，第一啖既感覺係好酸!!....但甜度調配得剛好，唔會蓋過酸味，酸酸甜甜，好好飲!! 再加上底部有煲到半開花既紫米增添口感，令第一次飲酸奶既我，留下美好既印象!!

👩🏻‍💻店內裝飾雅致，主要提供乳酪飲品及特色蛋糕；等緊食物期間，不忘拍照📷記錄👍🏻店內每個精心設計嘅角落🥰💕裝飾雅致的店面🌸令人目不暇給💕店內需少，但感覺舒適，下午休閒好地方👍🏻​​🍰大馬士革茶卷 HKD$42​🌟好香嘅茶味，蛋糕🍰頂層舖了一層芝士奶蓋，味道香滑，蛋糕口感厚實鬆軟，啖啖回甘綠茶味😋💕​​🍹經典角酪 HKD$28​🌟以為乳酪飲品會好甜，但竟然只係清甜😍👍🏻💕💕💕濃濃既乳酪味，果汁口感，底部沉澱咗軟糯紫米😍😍口味健康獨特，閒聊一個下午嘅好選擇👍🏻👍🏻

酸奶開到成行成市 係咪間間都好飲？喱度嘅飲品預設咗少甜 比起坊間嘅感覺更健康喺長洲行到又熱又攰 就入嚟唞一唞啦叉完電重新出發之前 記住打個卡先呀😼.🍴經典角酪 HKD $ 28最原本嘅乳酪配紫米乳酪甜度適中 滑身唔太稠 奶味重 紫米無煮到爛 粒粒分明幾有咬口飲完都有飽肚感咖🙈🍴百香果角酪HKD $ 34比起原味乳酪加咗新鮮嘅百香果落去一齊攪真材實料呀 喺杯㡳真係飲到一粒粒嘅果肉某幾啖個人認為少酸 即係精神為之一振夏天熱辣辣飲就啱曬喇 夠曬FRESH😜推薦度：8/10

本來想搵第二間嘢飲試吓，因為實在太多人去過長洲角酪打卡 但行完山落返嚟勁勁渴，發現都係呢間最好，本來以為得長洲地鐵站style嘅打卡位，但原來仲有位坐嘅，放假去同朋友飲杯嘢傾吓計都幾爽😆 😋 柚露梳打 $40 😋 水果大馬士革 $42 😋 經典角酪 $28 柚露梳打、水果大馬士革都係「打卡-able」，柚露梳打有塊楓葉🍁 底有好多柚子肉，加埋梳打勁解渴！水果茶加咗蜂蜜，啲生果好新鮮同擺得好靚。而經典角酪就比較低調，其實即係紫米乳酪，乳酪味好濃，幾好飲，不過行完山嚟講真係唔太適合😂 ⭐️評分⭐️（5⭐️為滿分）味道 ⭐️⭐️⭐️⭐️⭐️ 環境 ⭐️⭐️⭐️⭐️⭐️ 抵食 ⭐️⭐️⭐️⭐️