納思比 (已結業)

向來好小在灣仔搵食、不過偶然都會去睇下有咩好餐廳同大家分享下。朋友推介我去謝斐道的納思比食晚飯，佢話就算主菜唔好食，都可以有一個綠茶火煱補償！香港的Nasubi其實是日本Nasubi集團旗下的一員，在日本靜岡擁有十多家日本料理店及餐廳酒吧。經理話餐廳所用水產等食材全部由日本直送，價錢更比其他店便宜又新鮮。所以選擇了幾款刺身作為開始。刺身配以大叶、紫蘇葉、小菊、海澡等作配料！帶子入口鮮甜又爽口。中拖羅、入口油脂豐富、平政入口油脂比較小、肉爽口鮮甜。豆腐雜菜沙律、說實話沒有什麼特色之處！豆腐都滑、菜新鮮。鹿兒島黑豚肉西京燒、西京燒味道好香、可惜黑豚肉燒得有小小過火，幸好黑豚肉肉質比較細嫩、不至嚡口。除了刺身比較好之外、其他都只是可以接受。現在唯有寄望綠茶火鍋了！火鍋是濃濃的綠茶配以鮮果及幾件小食而以、並無特別之處，綠茶夠濃可惜冇茶味。