夫妻沸片-台式麻辣火鍋 (已結業)

同事鍾意食辣野，一行六人，分兩張枱四位及兩位（好合理，因為四人限聚令），6:30到訂咗位，唔使等🍓叫咗兩個鍋1）暖男鍋-人蔘藥膳（$198）➕唔錯⋯⋯有雞湯味，冇咩特別2）鴛鴦鍋-麻辣鍋+酸菜白肉鍋（$188）➕叫咗中辣= 唔辣、無味，之後話想加辣，加左之後⋯😰辣到根本食唔到=只有辣味（講真，牛大X任食個鍋底好過佢）🍓鍾意食辣嘅人應該好明白，個鍋底好緊要⋯⋯但好失望🍓其實食物算新鮮，還可以🍓當日冇晒清酒，唯有自己出去買，每支開瓶費$100🍓切餅費連加一$55😤😤😤最嬲嘅事發生啦⋯⋯唱生日歌嘅時候，侍應做出一個叫我哋細聲啲嘅手勢🤫🤫🤫冇嘢牙⋯唱生日歌連埋許願最多咪1分鐘，無論高級餐廳，或者大排檔，做咗幾十年人，冇人叫過我🤫😰😰😰總括：1）食物係新鮮嘅，如果想食辣千祈唔好有期望🤮2）限時120分鐘，就算有吉枱，冇人等位， 120分鐘準時叫你埋單🤮3）六個人埋單三千幾蚊，坦白講咁嘅收費+服務態度真係食到一肚氣可能唔識計數，佢話讚好專業火鍋配料九折，咁點解只係平咗$185⋯⋯唔明😪

喜愛火鍋的我今日又試新野，旺角雅蘭中心開了一間台式火鍋夫妻沸片火鍋，餐廳在地庫，很有台式的裝飾，特別喜歡朋友聚會可以book房，餐廳侍應為我們介紹湯底，我們叫了夫妻鍋（麻辣湯）和及美人鍋（養顏花膠雞湯）個湯底有半隻雞好抵食、麻辣湯配有豆腐鴨血、鴨血很好味越滾越滑，還有很多火鍋湯底選擇，如酸菜白肉湯、人心藥膳湯、我們點了牛小排（牛味很濃）、海鮮併盤、穀飼肥牛、豚肉花卷、蝦丸及四寶丸，膳片（堅大塊）、雜菜拼盤。有機會希望下次試試其他湯底。

鍾意打邊爐嘅我,無論天氣有幾熱,都會周圍去試下未食過嘅新野😋今次嚟到夫妻肺片,我都係上OpenRice搜查附近餐廳搵到的！我地點咗鴛鴦鍋:夫妻鍋(麻辣鍋)+美人鍋(養顏花膠雞鍋)台式麻辣鍋：本人覺得完全唔辣養顏花膠雞窩：好正👍🏻值得推介，建議先飲湯後加食材😋手切牛小排細份：無得彈！喜歡重牛味的必食！龍蝦：宜家做緊follow IG 半價優惠，抵食👍🏻扇貝：好明顯俾人偷走左舊肉嚟做帶子👎🏻青口：無特別，正常繁花似錦：其實係雜菜，但唔知點解會有沙律菜係入面，從未試過將沙律菜煮熟嚟食🤣黃金卷：正！但嚟到要即刻食，放耐咗會唔脆！鮮蝦菜肉餃：D蝦都幾新鮮，唔錯！整體嚟講都唔錯，係價錢貴咗D，但食物質素都唔差，值得一試！而家除咗follow IG有幾款海鮮半價之外(只能選一樣)，而且Like Facebook火鍋配料都做85折呀👍🏻

放工相約同事去夫妻肺片打下邊爐。 餐廳環境古色古香，檯與檯間隔有一定距離，樓底又夠高，坐得好舒服。 先點左個鍋底，由於我唔食得辣，只好揀左個酸菜白肉鍋。驚喜係新鮮自家醃制既酸菜，仲未變色既，酸酸甜甜好開胃。湯底有豬肉，所以肉類方面可以嗌少d. 手切牛小排，好大碟。牛小排既雪花好多，入口即熔之餘仲好有牛味。牛小排下面都有少少菜墊底，可以食埋。之後再點左d 海鮮，鮑魚、虎蝦。個虎蝦仲大過匙羹，彈牙爽口。 仲點左d 雜菜，個菜名好好聽，叫繁花似錦。打邊爐當然唔少得竹蔗茅根，又清甜又清熱。正！其實兩個人咁食法都覺得有d 多，因為份量好足. 食完先發現醬料區，不過唔緊要啦，食材夠新鮮的話，其實味道都好鮮美，唔洗點醬都好好味。加上本身個湯底，我地都飲左唔少湯。 😅

同女友人係旺角雅蘭中心發現左呢一間係咁播周杰倫歌既台灣火鍋店佢內部裝修好靚，走中國風好有詩情畫意. 我地叫左夫妻鍋拼酸菜白肉鍋， 配料有繁花似錦，團團丸丸，老油條，安格斯肥牛片，一口牛同埋麻辣嫩鴨血飲品就叫左杯御翠烏龍珍珠奶茶.. 我想講佢呢個鍋底真係好正個麻辣既夫妻喎好正佢d麻辣辣度適中， 個鍋付帶既鴨血真係一絕， 煲左成10 個鐘已肴成既鴨血好有口感！ 個酸菜鍋都好正岩晒女友人既口味， d白肉好入味爽口, 張個老油條浸落夫妻鍋度幾秒再擺落口。。 外脆內軟好正.. 個團團丸丸都好正，的的骰骰咁一次過試晒幾個味..個安格斯肥牛片切得厚厚的無論係滾夫妻鍋定酸菜鍋都好有牛味. 完全滿足到我呢個牛魔王既要求, 最後我地因為個鴨血實在太正所以encore左個。 食完火鍋仲有地瓜糖水送, 個盤有兩個牌寫住"夫妻沸片 . 和好如初", 好特別