影片
更多
2023-01-17
65 瀏覽
元朗隱世超打卡後花園Cafe☕️Muse Furniture Lab📍元朗錦上路26C號地鋪「世界與你無關，不必將千噸重擔，全部背負直行當然不簡單」#世界與你無關 #陳蕾啱啱旅行返嚟，開始派手信之旅，咁啱朋友新屋入伙置業大西北，作為九龍人真係好少入去，House warming完，朋友就提議去附近一間Cafe，客隨主便，唔洗我諗食乜，當然最好，揸咗20分鐘車左右嚟到元朗八鄉附近，終於嚟到依間隱世打卡Cafe。餐廳分成室內同戶外兩部分，坐到戶外都亦有蓋頂遮陰擋雨，今日適逢陽光普照，餐廳戶外景觀係一大片綠草如茵嘅草地，令人心曠神然，猶如到咗秘密花園咁。當然有靚景都要醫肚，我地到達已經接近下午2點，連早餐都未食嘅我地立即坐低點餐再慢慢欣賞靚景。-餐廳環境 4.7/5⭐-黑松露香煎帶子大蝦法式可麗餅 $168 4.25/5⭐️朋友已經嚟過幾次，食物都由佢推薦，依道可麗餅色彩奪目，而且材料亦相當豐富，每人分到兩大片，味道同相像中差不多，海鮮正常水準發揮，配上醬汁好易入口，可麗餅睇落份量唔多，但包含唔少配菜同醬汁，其實好飽肚，食完可麗餅我地竟然已經飽咗一半。-繆斯春雞 $388 4.3/5⭐️依隻春雞
Muse Furniture Lab
📍元朗錦上路26C號地鋪
「世界與你無關，不必將千噸重擔，全部背負直行當然不簡單」
#世界與你無關 #陳蕾
啱啱旅行返嚟，開始派手信之旅，咁啱朋友新屋入伙置業大西北，作為九龍人真係好少入去，House warming完，朋友就提議去附近一間Cafe，客隨主便，唔洗我諗食乜，當然最好，揸咗20分鐘車左右嚟到元朗八鄉附近，終於嚟到依間隱世打卡Cafe。餐廳分成室內同戶外兩部分，坐到戶外都亦有蓋頂遮陰擋雨，今日適逢陽光普照，餐廳戶外景觀係一大片綠草如茵嘅草地，令人心曠神然，猶如到咗秘密花園咁。當然有靚景都要醫肚，我地到達已經接近下午2點，連早餐都未食嘅我地立即坐低點餐再慢慢欣賞靚景。
-餐廳環境 4.7/5⭐
-黑松露香煎帶子大蝦法式可麗餅 $168 4.25/5⭐️
朋友已經嚟過幾次，食物都由佢推薦，依道可麗餅色彩奪目，而且材料亦相當豐富，每人分到兩大片，味道同相像中差不多，海鮮正常水準發揮，配上醬汁好易入口，可麗餅睇落份量唔多，但包含唔少配菜同醬汁，其實好飽肚，食完可麗餅我地竟然已經飽咗一半。
黑松露香煎帶子法式可麗餅
6 瀏覽
0 讚好
0 留言
-繆斯春雞 $388 4.3/5⭐️
依隻春雞上枱非常吸睛，而且周邊配料亦都好豐富，相信4個人食亦非常足夠，食埋燒春雞我地已經好飽，本身仲諗住驚唔夠食要點多一個小食，好彩朋友制止咗我，我地兩個唯有慢慢睇住靚景Chill住食。
燒春雞外皮焦脆乾身，非常唔錯，雞脾雞翼入口嫩滑多汁，可惜雞胸方面就稍為遜色。
配料方面燒波蘿非常好食，爽甜多汁，亦都可以中和返燒雞嘅油膩感，燒粟米亦都香甜，薯角有茄汁同密糖芥末可以點。
繆斯春雞
38 瀏覽
0 讚好
0 留言
繆斯春雞
9 瀏覽
0 讚好
0 留言
- Affogato(Movenpick Vanilla + Espresso) $88 4.1/5⭐️
今日一杯咖啡都未飲過，仲未醒神，本身想點咖啡沙冰，可惜今日無供應，見到餐牌推薦依個半甜品半飲品嘅Affogato，一於叫嚟試試，當日氣溫頗為炎熱，Espresso倒入雪糕之中混和，變成雪糕凍啡，飲落頭半杯都幾爽快，可惜放耐咗一陣之後變成常溫，咖啡味道即時變得澀身飽膩，稍稍扣分。
Affogato
9 瀏覽
0 讚好
0 留言
- 宇治抹茶紅豆沙冰 $88 4.1/5⭐️
朋友就叫左宇治抹茶紅豆沙冰，上枱紅綠相襯，非常打卡，亦都好配合餐廳環境，味道正常水準發揮，同樣由於天氣炎熱，沙冰半溶後味道變得稍淡口。
總結:餐廳位置頗為偏遠，如果唔係揸車都比較唔方便(泊車費$20/1小時，同埋只收現金/fps)，食完仲可以係餐廳花園同精品小屋打卡，食物份量豐富味道亦算水準之上，係一個適合親子情侶朋友係週末休閒寫意歡聚嘅好地方。
====
#MuseFurnitureLab
#元朗美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食
#隱世打卡#秘密後花園#黑松露香煎帶子大蝦法式可麗餅#燒春雞#Affogato
====
有興趣睇更多好西推介，或者大家有好西Share，請大家Follow下我IG，比D支持✨：@healoop.foodie
宇治抹茶紅豆沙冰
16 瀏覽
0 讚好
0 留言
張貼
