意房菜

營業中

休息中

今晚同朋友血拼完畢經過旺角就去咗意房菜食晚飯，因為太夜9:45pm先食，去到都唔洗等位，但都有幾枱客人！朋友話好好食又大份，果然份牛扒係好大份！我叫咗紐西蘭特級牛肉肉眼扒套餐$89包餐湯及飲品一杯！牛扒好味又大份可以配飯、意粉或薯菜，我最後㨂咗薯菜！而什菜湯夠濃好味道不是辣個種紅湯！店鋪環境不大，坐就唔算舒服，但食物好抵，味道不錯。$24有生蠔食，兩隻就$45，都算幾大隻！朋友就叫咗招牌菜酥皮法國鵝肝牛柳，好似係2002年首創嘅菜式，朋友話每次來都食！兩個人埋單$234有扒有湯有凍飲！但最後臨走見到有一隻小強在梳化行過就真係唔夠掂，立即走人囉！

呢次係秘第2次來食，當時唔洗等位餐牌都有好多選擇午餐嗰set包早餐湯同嘢飲, 羅宋湯好足料好多菜，唔辣夠味 唔會太鹹珍珠奶茶唔洗加錢食咗個千層麵 味道偏鹹 重口味 但係份量足夠 價錢差唔多40幾50蚊， 去到兩點半就冇午餐座位比較細

用一個平價錢食高質菜，確實很難得。入到旺角要食牛扒，一定會有自己喜歡的店鋪，這間店是我非常喜歡的一間。唔駛$150就可以食到一份豐富的牛扒美食，可說是親民價錢XD餐牌有好多不同選擇，唔食牛肉都唔怕。香草羊架有3件+.+ 羊肉的味道突出，只是香草味道不夠，如果再濃一點就更完美。另一份選擇了肉眼扒，肉的厚道足夠又大塊，選擇了三成的，肉汁夠鮮甜。薯角味道不錯，不是炸的，所以不擔心這頓飯太油膩。飲品方面(配送)：有好多台式飲品選擇，選擇了茉香珍珠奶茶，茉莉香味飄散，台式奶茶偏牛奶味重。怕肥可以選擇綠茶，仲有女生喜歡的花茶！餐湯：羅宋湯味道算濃郁好飲，如果喜歡可以加配酥皮。忘了說，還有蟹柳薯蓉的小食w不過環境比較迫，座位與鄰座沒有間隔，所以坐得不算太舒適。為了美食也是值得的。

今日特登行去旺角, 去左花園街搵食, 見門口餐牌幾吸引, 就試下。個羅宋湯味道唔錯德國鹹豬手午餐$50, 有湯有特飲, 真係好抵食, 本身都擔心咁平, 食物會否很差, 點知豬手黎到, 大大舊, 食落落唔油膩, 切開肉質嫩口, 豬手炸過, 皮好脆口, 好香口, 鹹味適中, 唔會好鹹, 肉又彈牙, 估唔到比咁既價錢, 有咁既質素。焗豬扒飯賣相吸引, 鐵板上熱辣辣, 茄汁味好香濃, 酸酸甜甜好醒胃, 配有蕃茄菠蘿, 豬扒肉質鮮嫩入味, 好味。套餐只係$39, 真係平靚正。蜂蜜綠茶好好飲, 好香蜂蜜味, 又唔會好甜。哈蜜瓜珍珠, 好香哈蜜瓜味, 珍珠好煙韌。