新牛屋餐廳 (已結業)

今日星期五放工同兩位同事行過佐敦，上次試完澳牛後，今次過一條街吳松街搵野食，見到有間新牛屋外面部置不錯，我地三個就入去試下，裏面係舊式西餐廳設計，環境不錯，有少少情調。我地三個人叫左一個餐，但係叫好多少食，因為唔想食得咁飽，佢地推介左技法國波爾多紅酒，話係囉兩個金奬，我飲落飲到櫻桃同黑加龠子味，我朋友就話之酒好豐厚，好好飲。我地叫左焗青口，黑椒牛柳粒，雞翼同鵝干。最後我試左珍寶蠔同維珍蠔，好新鮮同埋好有海洋味，最後隻珍寶蠔就真係好珍寶，大得好誇，個餐我地叫左西冷，煎得好香同埋我有肉汁。

店內格局有點陳舊，座位不算太舒適，但勝在有電視睇。羅宋湯幾足料，味道濃郁，good！蒜蓉包口感略為有點硬，普通喇！前菜小食炸春卷，皮脆但餡料不多，既然是免費贈送，要求也沒有那麼高。雜扒餐有牛扒、豬扒、雞翼、腸仔及煙肉。牛扒用料唔靚，味道麻麻。豬扒口感幾鬆軟，OK。雞翼很細小。腸仔及煙肉無乜特別。晚餐索價八九十元，計及質素，不算很抵食。