牛屋餐廳

營業中

休息中

✨睇推薦有本地實惠扒房，夜晚放工行過去試一下🌝✨工作日晚餐大約8點半到店，餐廳座位基本滿座，不過唔需要等位。因為面積有限，整體餐位比較窄🥹✨墻上寫明，每人必須點一份餐，但係我地胃口偏細，問佐店員姐姐，佢話叫我地點多份沙律🥗或者小食🧆都ok。✨本來想試肉眼，不過平價版冇貨，只有西冷😂 7成熟嘅西冷，嚼起身都係比較韌，但整體係好味道嘅👍而且同碟嘅薯條，真係同評論講嘅一樣，凍佐都唔會軟，好犀利！✨燒雞沙律，雞扒分量都好夠大，我一個女仔絕對食唔曬😂✨餐湯選擇佐紅湯，不過個人覺得羅宋湯味道一般，可能要忌廉湯會更加好。✨總結：價格算比較實惠，再有想吃扒嘅時候，會優先考慮😋

i ordered 黑椒汁西冷牛扒 with 薯菜 and 羅宋湯 (soup and bread included in lunch set). the soup was fine, not great but not bad either, and the bread was average, not bad. there was quite a lot of butter inside the bread, and i guess it depends on the person whether or not this is a good thing. my friend and brother both ordered the cream soup and agreed that it tasted like flour, so i guess don't order their cream soup (?) the steak was just alright, but i suppose i shouldn't have expected much given the lo

上網只要搵平價扒房，絕大部分都會推薦位於佐敦既牛屋。見網上評價唔太差，決定黎試一試佢！餐廳唔算好大間，當晚去到餐廳門口約7點半。幸好我去到個一刻唔需要排隊，去到就有得坐低同男朋友分別要左個紐西蘭牛柳同紐西蘭西冷扒，兩位都係飲羅宋湯。牛柳會配有黑椒汁。黑淑汁香濃，但食到後期覺得個味道太搶。建議可以叫侍應另上個汁，薯條都好粗身，熱辣辣，好味道。西冷扒嗌左三成熟，上到黎感覺似係五成熟。不過都唔緊要，都仲係咁好味成塊扒好易鋸得開，重點係有油脂既香之餘，仲有d焦香味，出符意料地好食，滿意。

在2021的香港，能找到道地而又便宜美味的扒屋實在難得。這間牛屋價錢便宜，Lunch Set十分化算抵吃。一個午餐包了牛油麵包和餐湯。我喜歡它的羅宋湯多過白湯，味道濃郁可口。蒜蓉雞扒意粉實在邪惡，是邪惡博士的化身。蒜蓉汁十分足夠，不會只有數滴。而雞扒很大塊，超豐滿的。而它口感嫩滑多汁，像一朵盛放的花兒。而意粉軟硬度適中，就像人生遇上困難，能夠以軟制硬，以硬解軟。感恩讓我仍能享受和品嚐美味的一餐，牛屋已成為我常常吃的飯堂。

有文宣而且有派水嘅小黃店💛呢間餐廳個速度簡直係同澳牛一樣 你一坐低已經有麵包食 之後就即刻有個湯 湯都未飲完 佢個扒已經送到俾你🤣🤣而且佢個價錢真係超級良心 $42一個扒餐真係抵到不得了😍·蒜蓉雞扒$43佢塊雞扒係超大塊 而且肉質都幾好 佢個蒜蓉汁就係比較濃味嗰種港式調味都OK嘅😎·燒汁鴛鴦扒$42呢一個就係有一塊薄牛扒同一塊豬扒 兩個個肉質都係你平時食開港式扒房嗰啲水準 佢個燒汁呢就係有少少蕃茄味咁樣嘅 個薯條都係熱辣辣既 總括來講都唔錯嘅CP值高到不得了😏·📍佐敦吳松街143號地下

雖然係老店, 屹立喺佐敦吳松街多年, 但確實麻麻地。午餐價錢最平$42有交易(餐飲需加$3), 有牛油餐包、餐湯(羅宋湯或忌廉湯)。羅宋湯嘅質地及味道都非常濃郁, 係唯一值得讚揚嘅地方。燒汁鴛鴦扒意粉($42), 係牛扒拼豬扒, 牛扒係嗰種薄切切嘅BBQ扒, 幾多醃肉粉嘅味道, 唔得; 豬扒算可以, 略肥。燒汁似番茄汁。另外一個係紐西蘭肉眼扒配薯菜($52), 牛扒都係嗰種薄切切嘅BBQ扒, 醃肉粉嘅味道少啲啲, 都係唔得; 薯條偏淋。同樣係燒汁。空間有限, 都坐得幾逼夾, 要搭檯。

九月尾 行完街去佐敦搵食，六點幾時間尚早所以都有位唔洗等一行三人，叫左兩份牛柳一份肉眼扒個餐包本身已經搽左牛油，點湯食正呀我就要牛柳配意粉 七成熟個牛煎得勁香，食到超滿足意粉配個汁，超正🤣🤣超鐘意個意粉同伴就配飯，對比起黎，都係意粉好食d塊牛好大舊，食唔晒見到有d comments話服務態度麻麻，可能我地好彩？個日d侍應好nice，而且食食下出面就好多人排，我見可以留低電話有位就call你返黎不過就上餐慢左d，慢工出細貨啦，至少d野食上到枱我地好滿意

抵食過連鎖快餐店！門口見到個環境都幾有西餐廳的風格，又見到個餐牌offer dinner set $88，唔貴所以入去試下。$88有西冷、雞排、豬排及魚柳揀，我就叫左西冷。不過牛排無得叫幾成熟，都估到唔係靚扒。首先上左碗湯，好大碗，飲完都有3份飽。佢又送餐包，未食扒已飽飽地。我朋友加左個酥皮，我無食都見到都開心-是久違了的酥皮，好多西餐廳無。牛扒到，咁好大份，有3塊扒疊住⋯⋯ 味道就一份價錢一份貨啦，但是抵食的。

羅宋湯:湯底不算濃略嫌稀了些少，但湯味合格有餘，有點微辣有椰菜但沒有肉餐包:夾雜牛油，可是本人近年不喜歡牛油味，改吃橄欖油，餐包加熱後很軟熟，普普通通一個甜餐包君度香橙龍利柳配薯菜:有一塊香橙舖面，到底是否由橙汁做成的汁，可是吃不出有橙味的“獻汁”，不酸不甜沒有什麼味道，配菜竟然有茄子，很油膩，薯條幾好食啊。要讚讚的是龍利柳沒有用上厚厚的蛋漿來煎，薄薄的麵粉皮，龍利柳幾可亂真，魚肉質感很幼嫩，還以為在食鮮魚呢墨西哥雞扒配意粉: 雞扒大大件，好抵食，而且不是一件油冧冧的雞扒，意粉煮得剛剛好軟硬兼清淡沒有什麼汁冧上面餐飲:熱奶茶味道適中，不稱得上茶香奶滑，但茶味沒有苦澀味就應記一功了熱檸檬茶，沒什麼特別，一杯合格的檸檬茶服務: 送餐十分快，講不到兩句，餐包餐湯就送到台上了，像我們要趕回去打卡返工的是最為放心飯堂環境: 地方淺窄，有點吵雜，雖然午飯時間較擠迫，但門口不見人排隊等位畢竟佐敦有很多食店，以$32-45的價錢享用一頓豐富的午飯總算滿意，以此實它價錢對食物質素應該滿意了，座位部份沒有靠椅背