茶餐廳2.0 (已結業)

啱啱喺愉景新城759對面嘅茶餐廳2.0食飯, 飯後竟然驚喜地有得食餐廳自家製嘅桂花糕, 味道清新, 又唔會太甜, 餐廳實在太有心了, 讚一下先^^.🍴三色芝士焗肉醬意粉 (HKD68)推介! 肉醬同芝士份量十足, 焗起芝士全部拉絲ga! 每叉一下意粉就一定有啖芝士肉醬, 意粉🍝保持到應有嘅口感唔會焗到乾爭爭.🍴鹽燒牛脷雜菌意大利飯 (HKD88)兩塊牛脷非常厚切. 而且煎得口感外膽肉軟, 味道濃得黎唔會一味得個咸字. 菇類份量多, 每啖意大利飯都有輕拉絲嘅效果.🍴餐湯(+HKD10)必飲店家羅宋湯!! 因為夠辣又足料, 加10蚊有湯之餘drink menu上嘅手調飲品仲會減返around 10蚊, 所以好抵飲. #珍奶控 🍴一人一杯台式drink先: 黑糖珍珠奶茶 (HKD12), 黑糖仙草鮮奶 (HKD14) 完全唔會超甜, 黑糖甜度恰到好處, 我杯鮮草鮮奶<熱>仲要有打dd綿密奶泡, 好飲!🍴香蕉🍌千層雞蛋仔 (HKD48)聽到嘟嘟聲就知雞蛋仔完成了！li個香蕉千層有用香蕉片加cream疊起, 造形靚靚, 雞蛋仔仲要係粒粒搣開內脆內軟, 4人一枱開心share就pe

2.0即係1.0嘅升級版，有2.0咪係有3.0，然後有4.0😂😂茶餐廳真係進化咗唔少，多元化到爆！有石燒扒据...出爐麵包...有雞蛋仔...有台式飲品珍珠奶茶...仲有雞煲加配料可以打埋邊爐添！我哋叫咗：鐵板牛柳🥩：鐵板熱辣辣上枱時吱吱咋咋😀牛柳肉嫩淋身，炸薯角仲粗過我隻手指公🤣🤣2.0極品炒飯🍚：用料一啲都唔孤寒，有瑤柱又帶子又大蝦，仲加埋咸蛋黃去炒，點會唔惹味😆米飯粒粒分明又夠乾身，正呀！朱古力心太軟雪糕🍨：熱熱嘅心太軟加凍冰冰雪糕，點樣都會好好食🤨本來係想食雞蛋仔多啲，點知一早就賣晒😭是日蛋漿用完咁話喎！下次一定要再早啲嚟先得🥺出爐麵包🥯晚上7:00之後仲做買一送一優惠，臨走都要買返兩個試吓吖！

行完IKEA突然想据扒🥩本身想落金鳳...但上網睇到茶餐廳2.0做緊石燒系列特價(第二份半價😱), 梗係即刻衝住嚟啦🤩🤩$108澳洲西冷牛扒(10oz) - 鐵板換成石板熱力強仲更持久添！叫5成熟因為自己掛住飲湯而煎耐咗😅下次要叫3成熟先啱啱好！事關呢度個羅宋湯好正，又大碗！味道令我諗起銅鑼灣金雀(懷念中)味道極濃郁仲真材實料添！一食就知道塊扒絕冇"乸"過👍🏽外面煎得好香而且肉味濃🤤$108德國咸豬手好鬼大隻😍皮脆肉嫩呢4個字當之無愧！半價即係$54！抵食到爆炸😆😆店員介紹我地試新出嘅桃膠特飲🍹清涼又有益！我地揀咗水梨四季春茶！士多啤梨凍頂烏龍茶！勁多桃膠😍唔太甜啱我晒我口味🥳最後叫埋甜品😗茶餐廳有雞蛋仔，仲要即叫即整，點會唔好味😆香蕉千層雞蛋仔配上厚厚忌廉同雪糕，完美❤️

和朋友行完南豐紗廠，順便過來愉景新城食野，朋友想食西式野我就想食中式野，最後揀左茶餐廳2.0就最啱，餐牌菜式睇落樣樣有都幾多選擇。餐廳環境乾淨，卡位闊落坐得舒服。埋單二百幾蚊唔貴，價錢算係經濟味道亦都唔錯。羅宋湯 $10湯味濃郁大碗足料，好多雜菜煮得好淋，紅蘿蔔、西芹、椰菜、牛腩都見，酸酸甜甜開胃好飲。蒜香大蝦卡邦尼意大利粉 $75意粉軟硬適中份量多而且好掛汁，大蝦爽口彈牙有大篤蒜蓉好有蒜香味，仲有好多其他配料三色椒絲和菇菌，口感豐富。沙爹石窩粉絲鮮蝦煲 $88有大碗白飯跟，石窩熱辣辣滾住食，鮮蝦多隻好香口，粉絲索滿沙爹汁好惹味，仲有菠蘿粒食落開胃。黑糖椰果鮮奶 $14奶味香濃且滑，好香黑糖味，味道比較甜，下次要少甜，杯底勁多Ｑ彈口感的椰果好有嚼口。雙重朱古力 $19朱古力味唔算好濃，杯面有球朱古力雪糕，飲下食下啖雪糕都好正。朱古力心太軟配雪糕 $32朱古力蛋糕配上雲呢拿雪糕，冷熱交雜，作為飯後甜品非常滿足。

今日去荃灣買野, 知道D Park平日夜晚6點後入車消費滿100蚊就泊到4個鐘咁正, 梗係食埋飯先走👍🏻, 茶餐廳2.0之前食過了, 有卡位坐is good. 跟住發現店家用膠袋冚住餐具真係要讚！🍴石窩系列- 香濃芝士焗肉醬意粉 (HKD58)我食左芝士🧀焗肉醬意粉, 用石窩serve個熱度真係由頭熱辣辣到食哂, 芝士🧀係拉絲ga, 份量多到嚇親, 我最鐘意係勁多juicy肉醬, 食到尾都仲有肉醬, 令到意粉🍝都非常juicy彈牙, 但食時真係要小心石窩超熱🤪.🍴石燒系列- 美國🇺🇸安格斯肉眼扒8安士 (HKD148)老公揀左Angus肉眼扒, 8安真心大份, 有黑椒, 蒜蓉汁揀, 淋上蒜香🧄十足嘅蒜蓉汁勁惹味! 可以配飯, 意粉或者薯菜, 梗係食最邪惡嘅炸薯條吧, McD style薯條🍟鋪滿鐵板, 新鮮炸起條條脆口. 肉眼扒本身肉質腍軟, 哥哥推介3-5成熟所以食5成, 感覺未必有5成熟, 但勝在啖啖肉非常軟腍, 成大塊扒都只係食到一兩舊筋ja, li個價錢認真大份夾抵食.🍴西湯 (+HKD10@)加10蚊一碗羅宋湯飲完之後我認為一定要嗌, 事關店家羅宋湯味道勁豐富, 料有西芹,

對上一次食都好似係兩個月前，今日黎左荃灣知佢有分店係度所以就食佢。我地嗌左三個share，首先上既係澳洲肉眼扒 (10 oz)配意粉 (蒜蓉汁)，真係幾鐘意呢度既意粉，軟硬適中，至於肉眼扒肉質都可以，美中不足係有小小筋。然彼係蒜香扒大蝦卡邦尼意大利粉，隻蝦都幾爽口彈牙帶點蒜香味，意粉軟硬適中，除左卡邦尼基本配料佢仲落左青瓜絲，除左creamy之外，令個意粉加添一點fresh既感覺。最係係慢煮牛腩，佢係巴基斯坦咖喱系列，本身推介朋友食咖喱海鮮，但係佢海鮮賣晒，所以就試咗牛腩，好彩都比到驚喜，牛腩整得好淋好入味，咖喱味好重好香濃，辣得黎又食。每個餐加$10就可以有湯同飲品，嗌左羅宋湯同凍檸茶，個湯都幾足料同夠味。

荃灣愉景新城很大，餐廳很多，我也嘗過不。今天去的這一家CP值超高。.茶餐廳的價錢，有水準的食物，份量足，有雞蛋仔甜品、珍奶等小食，選擇很多呢。環境也不錯的，坐得舒服。.店門口有外賣珍奶和雞蛋仔的，當然也可以堂食。珍奶$20左右一杯，也不貴。配套餐買的話還會減$10。.⭐️2.0海陸空什扒餐 （$88）份量超多的，一大盤，一大份黑椒汁。有蝦、雞扒、豬扒、火腿等等，還有一大堆粗薯條。2個人吃都夠呀。加$10 還有湯和飲品。.⭐️特餐 （$58）石窩日式雞扒湯烏冬，配迷你雞蛋仔蛋糕，送飲品。我很喜歡這個特餐，石窩烏冬真的有石窩熱，拿出來的時後還是「滾」騰的，而且湯很濃香。還有很可愛的雞蛋仔蛋糕，很滿足的一餐呢！.⭐️咖哩雞 （$68）有很多雞件，也是份量很足的。.⭐️雪糕鮮果雞蛋仔（$58）好看又好吃，挺多鮮果的，有士多啤梨、藍莓及菠蘿。..環境舒服，空間剛好，修裝帶點香港特色。餐具用有中國特色的設計。處處是驚喜。

是日返夜開工前黎荃灣幫朋友買啲野🙈搞掂正值放飯時間🍴還掂要早餐都未食一於黎食下茶記醫下肚先🤪位於荃灣愉景新城既茶餐廳2.0🤤雖然距離荃灣站比較遠🙈但有「天空之城」之稱既荃灣可謂四通八達！由A出口直行沿住愉景新城天橋行過黎都算方便😆呢度簡約既環境裝修🤪而店內富有舊香港色彩既壁畫☺️為茶餐廳2.0中增添香港情懷☺️以地道傳既香港特式環境做襯托😆亦煮出高質素茶記食材☺️更估唔到Lunch時段都可以据靚扒🥩🤩🍴紐西蘭肉眼扒配白飯加10蚊跟餐另外會有是日餐湯同餐飲😆是日西湯係濃郁茄香足料既羅宋湯😋而採用石板取代鐵板更顯2.0既進化🤪🤪🥩五成熟既肉眼扒扒係剛剛好☺️🐮脂肪比較更均勻之餘☺️🥩肉質滑嫩Juicy之餘唔起根🤤而石板更能保持食物溫度之餘😆淋上濃香蒜蓉汁更做出Jer Jer聲既壯觀效果🤩🔥味覺與視覺既雙重享受🤩🥩🔥香蕉千層雞蛋仔2.0茶記重點係食物款式多樣☺️雞蛋仔焗到外脆內軟既絕佳口感之餘🤩🤤以香蕉雜果既配合😋🍌🍓更能中和雪糕與雞蛋仔既膩感☺️

唔知大家有無行過愉景新城購物商場呢？其實尼個商場幾好行架，地方好大樓底夠高，無市區啲商場咁迫，而且好多小朋友玩嘅地方同playground，就快聖誕節🎄我見商場一樓整左條白色滑梯好似幾正，小朋友一定喜歡💕除左玩嘅地方，食店亦有好多選擇，今日就介紹尼間大人細路都啱食嘅茶餐廳2.0比大家，希望大家喜歡💕門面光鮮亮麗，十分闊落，相當不錯店內環境整潔，裝潢設計時尚中帶點懷舊色彩，令人有一種進化版茶餐廳嘅感覺，會唔會因為咁而叫2.0呢？我諗應該係，除非唔係兩邊牆身嘅畫好有香港🇭🇰特色呢！亦點綴左成個環境，令環境增色不少午餐好多選擇，價錢親民，另外有All day breakfast 提供，非常吸引有素食餐提供比素食者，相當貼心最吸引我嘅係石燒系列，鐵板我就食得多，石板我真係未試過，咁創新，一於叫份牛扒試下特飲同手調咖啡好特別最最特別係尼度竟然有雞蛋仔叫，仲有幾款口味，可以外賣或堂食，真係夠曬香港特色本來好想試下，不過太飽，下次先試吧羅宋湯，夠熱，味道調教得不錯，酸酸辣辣，好開胃石燒美國🇺🇸安格斯肉眼扒（8安士），大大塊石板上乍乍聲，賣相吸引小心燙手啊肉眼扒大大塊，牛味十足，而且好林好juicy，