金沙角冰室 (已結業)

記得呢間喺旺角彌敦道近太子方向嘅茶餐廳喺疫情期間開業…事隔一年多，終於放工帶男朋友嚟懷緬吓💭無論門面定係室內環境都好有舊香港特色，加埋男朋友一直聲音導航…好似返番去以前，時光倒流咁呀😌#霓虹燈牌好靚不過佢餐牌除咗有一般茶記嘅常餐、特餐、炒粉麵飯同鐵板餐之外，仲有日式拉麵、日式奄列飯、西式焗意粉同risotto等等添呀⚠️唔會死咕咕冇啲新意👍🏻我哋就死咕咕叫番是日晚餐入面嘅<<蒜茸汁豬扒炸帶子飯>>($75)同埋精選金牌焗飯入面嘅<<夏威夷菠蘿焗雞扒飯>>($66)😂咁先試到真章嘛~~😎當晚中湯係合掌瓜煲豬骨! 好味!不過男朋友唔俾我飲咁多~ 佢話肥喎🥲….西湯咪仲肥🤷🏻‍♀️西湯有得揀!! 有忌廉湯同羅宋湯!!三款靚湯…總有一款啱你☺️我就好欣賞佢嘅羅宋湯超足料又濃~ 好味過好多西餐廳🤤不過蒜茸汁豬扒飯就真係一般茶記水準喇😅唔可以咁高要求🤪雖然焗雞扒飯都係茶記應有standard, 但佢嘅芝士焗到金黃色而且份量恰好!!唔孤寒之餘都唔會令你食到好膩滯!雞扒嫩滑冇雪味! 菠蘿好甜! 食到要同男朋友爭食😋特別推介: 我第一次飲嘅新配搭

環境十分大，唔怕滿座等得耐，裝修有舊有香港既特色，吊起燈泡及霓虹燈作裝飾。餐牌食物種類多選擇，價錢屬中價。✨味道68分，環境80分，服務70分。.🔸羅宋湯算足料，多紅蘿蔔同菜，湯底可以再濃多少少。.🔸忌廉湯出乎意料，忌廉湯黎講都算多料，竟然都有蔬菜絲仲有偽魚翅，口感不錯。.🔸柚子汁蝦球爆鮮魷配白飯($80)好香濃柚子味，蝦球同鮮魷炸左再用柚子醬撈。幾特別，未試過呢個配搭。.🔸海鮮什錦蛋白扒時蔬配白飯($80)唔特別，小棠菜底，表面有海鮮什錦打芡，清清淡淡得黎，有少少海鮮粒增加鮮味。.🔸奶茶紅豆冰(+$10)⭐️奶茶茶底夠香濃，配搭紅豆蓉，融為一體，味道好夾。.🔸阿華田紅豆冰(+$10)阿華田配紅豆，整體味道更濃。

今日返工好鬼忙，收工後要同男友去太子買啲嘢，買之前拿拿林醫肚先🙈經過見到呢間冰室裝修好有特色就決定入去感受下香港既舊情懷😁我地叫左茶餐廳既經典招牌👉👉咖哩，焗豬，紅豆冰🤣❤️咖哩薯仔牛筋腩飯 (少飯) 💰7️⃣8️⃣一黎到就聞到好香😍 牛筋牛腩都好稔滑，薯仔煎香過黎同埋夠淋好好食！青椒就保持到爽脆但又唔會太生既口感😋咖哩質地偏稠，味道香濃，唔會太辣，配白飯一齊食無得頂！😋❤️意式鮮茄焗厚切豬扒飯 💰7️⃣6️⃣賣相吸引，滿滿既蕃茄醬包裹住大大塊豬扒同炒飯底😍豬扒炸過黎，炸粉薄，外脆內軟既口感🤤飯底粒粒分明有蛋香，就咁食或者撈啲茄汁食都好正😁個人認為如果啲鮮茄焗淋啲就perfect🙌❤️紅豆冰 💰8️⃣男友話奶味唔重但口感順滑，唔太甜，紅豆份量超多兼夠淋，好好飲😂⭐柑桔蜜 💰5️⃣柑桔味略嫌淡左啲～係呢個咁有氣氛既環境之下食住經典既茶記招牌真係好有香港既風味特色🤗😎