巴剎雞飯 (已結業)

今日同半年冇見嘅friend食飯，朋友喺上環返工，我就喺石塘咀嗰邊返，所以就揀個中間點：西營盤😝呢間巴剎雞飯係食馬拉菜嘅，上網search咗原來「巴剎」係市集咁解。喺市集入面食雞飯，係馬來西亞獨有文化👍🏻我哋兩個人叫咗四樣嘢食。首先上菜嘅係南乳脆雞翼同炭燒沙嗲(豬肉)串燒！雞肉炸得好香好脆口，一份4隻同同行嘅朋友分就剛啱啱好。串燒有個小炭爐烤住上菜，細細個好cute搭配暖暖地嘅羅漢果冬瓜茶，甜甜地可以中和返食煎炸嘢嘅油膩感，又唔怕食太多好熱氣🙊另外嚟到呢度一定要叫呢度主打嘅雞飯啦！雞肉好嫩，一d都唔柴！而且個油飯都好香，可惜我哋食得太慢、放得太耐，個飯本身同附送嘅冬瓜湯都凍咗🥺，新鮮嚟到一定會好食好多！Overall我同朋友都覺得餐廳值得一試，特別係餐廳內一直播住啲00年代嘅廣東歌，餐廳裝潢都有少少舊香港大排檔感，價錢都acceptable，幾啱收工想同朋友簡單食一餐聚舊飯，好食得嚟大家作為小資族又afford到～

咁炎熱既天氣之下食下Exotic既星馬菜係唔錯既選擇☀️ 惹味既調味可以提起味蕾🤣 西環呢間小店價錢唔貴而且口味好地道🇲🇾 好似係馬來西亞巴剎食到既味道👍🏻 惹味但唔油膩非常推薦⭐️ 巴剎雞飯 🍗雞肉唔肥但係好嫩滑🐔 配上油飯充滿雞油香🍚 配上辣醬更加清爽🌱 ⭐️ 巴剎炸肉麵 🥓炸肉肥瘦相間真係好香脆🔥撈麵簡單以醬油同蔥調味已經好惹味🍝⭐️ 炭燒沙爹 🍢好特別用個爐熱住上真係好驚喜🤣 帶炭香有風味 配上花生香既醬好夾🥜⭐️ 酥炸皮蛋餃 🥟非常推薦呢個小食💕 見到餃子係店員新鮮咁包有誠意❤️ 估唔到皮蛋加上肉碎好有鮮味🍳 特別建議配上辣醬食更提出鹹香🌶️⭐️ 菜脯蛋炒蘿蔔糕 🥕好有街頭風既鍋氣🤣 蘿蔔糕香口配上菜脯既點綴充滿鮮味🥬⭐️ 咖央椰絲手抓餅 🧇非常古早味嘅滋味😍 咖央加上椰絲同埋花生🥥簡單但傳統有D童年回憶既甜⭐️ 丹南咖啡 ☕️⭐️ 羅漢果龍眼冬瓜茶 🥤兩杯飲品都感受到真材實料🍊 冬瓜茶帶清甜既羅漢果味好Homey🤪 而咖啡帶種獨特嘅碳烤感好有風味🤎

跑步去完西環泳棚，閒逛呢邊既老區之際，係眾多高級餐廳圍繞下，見到呢間遵從老式裝潢但又有新派骨子雅致感覺既舖頭，入去食下先，座位係大牌檔式木紋枱櫈，但擺設全部清楚整潔，唔錯，望埋個水吧櫃，嘩！係支裝汽水呀！！！！！擺設裝修襯色都好吸引，點知原來最出色既係一間食店既靈魂 - 食物！！！！同店家傾下偈先知原來老闆就係來自馬來西亞，對味道有追求，所以用料同調味都必定要經佢既同意先拎得上枱，難得地搵到呢間可以有傳統風味仲要開係貴價區域卻平民價錢既食店，大堆！！！！咖央梛絲手抓餅$28薄脆既手抓餅，搽上傳統咖央醬同淋上梛絲，甜度脆度同梛香都配合得好好，一件兩個人食，真係食到停唔到口，佢有啲似好耐以前黃色紅色包裝果款梛絲糖既餅版，但仲比佢出色炭燒沙嗲雞三串$48三串雞肉上枱，竟然係連一個炭爐上黎，擺左一陣熱度同聲音都仲係度，香味就唔駛講啦，咬落去，雞肉實淨彈牙又滑溜，個沙嗲醬出色既程度係可以就咁食，唔會辣但足料足香，我連個碟都扒乾淨先放過南乳脆雞翼$28如果你鍾意食南乳，你就一定要嗌呢個，出街食九成食店話乜味物味既雞翼通常都係靠個醬兼只停留係表面浸皮，呢隻雞翼就內而外再外而內都充滿住南乳既味道，但又