韓牛牧場 (已結業)

冬天最啱就係燒烤同打邊爐😋銅鑼灣呢間韓牛牧場主打韓國牧場直送嘅牛🐄，推出咗120分鐘世子牛盛餐，韓牛、韓式料理、刺身同甜品任點😚啤酒加$28都任飲！另外仲包一份指定嘅極上定量製作~我食到嘅呢款係韓國醬油蝦🍤，浸到好香甜豉油味💁🏻‍♀️6色刺身拼盤我見到嘅時候都有啲嚇親，呢個竟然只係前菜咋🤣魚生同帆立貝係我最鍾意嘅🤤四合海鮮拼盤呢啲海鮮就需要燒一燒嘅~根據去枱面嘅指示燒4分鐘😚帆立貝配埋大量蒜~法式羊架燒烤時間較耐，可以食住其他等佢繼續燒😙食落唔腥，仲好有香草味😋每樣我都基本上叫咗一份，個人覺得最好食嘅係安格斯肩里脊、安格斯一口牛粒、韓式梅花肉、雞軟骨串💛炸物方面非常推介炸芝士年糕同炸紫心香芋丸！芝士年糕非常軟綿，中間有流心芝士㗎😍雪條係晚市限定✨有韓國最出名嘅Melona水果味雪條，仲有好特別嘅黑糖珍珠雪條！知道佢嘅存在但一直冇試過，覺得真係好好食😋好香黑糖味，係比較煙韌嘅雪條口感~整體覺得呢個韓燒好出色💗

朋友話想嘗試韓燒，但又想要少油煙味，啱啱好知道銅鑼灣新開家鋪頭-韓牛牧場，佢係用無火旋轉燒烤爐烤嘢，做到高溫少油，啱晒朋友心水。我哋嗌左套餐世子牛盛-$278起，係放題形式，冷盤和前菜小食種類繁多，任你食。有4份定量製作食物，都是刺身類，其中醬油蝦最美味，蝦肉新鮮，醬汁滲入蝦肉裡，值得嘗試。燒烤放題：最惹眼係羊架，脂肪少肉汁多，有小小羊臊味，但肉嫩。牛類除左安格斯肉眼扒定量，牛仔骨，牛舌，肩里脊，牛胸肉可以任食。還有豬肉，雞肉，海鮮，蔬菜選擇。種類繁多。如果唔想食燒烤，還可以嗌些主食。有湯，炸物，天婦羅，炒類，飯類。保證可以食得飽。當然飯後甜品和飲品一定有。

一向鐘意食韓燒，朋友推介新開嘅韓牛牧場，有韓國1＋＋韓牛同刺身放題！聽落都好吸引！Happy Friday 立即去試下！地點位於登龍街永光中心，店內裝潢係韓式燒肉店風格，不過用嘅唔係一般嘅燒烤爐，竟然係德國寶嘅無煙燒烤爐！坐位闊落舒適，店員有禮貌及主動幫忙！讚👍 世子牛盛 $298 🥗自助海鮮吧冷盤：海鮮有熟蝦、翡翠螺、青口等，而沙律有kimchi，沙律菜等等，每樣我都有拎小小食！好fresh！ 🍣手作刺身韓牛壽司 ： 喺韓國食過生牛他他一直念念不忘，呢件手作刺身韓牛壽司簡直係超水準靚牛！生牛肉味香濃軟嫩，太驚喜！係必食之選！ 🍤韓國醬油蝦 ： 估唔到放題都有醬油蝦！蝦肉扎實鮮甜香濃醬油味！好味！🍣6色刺色拼盤：油甘魚、立魚、甘蝦、北寄貝、八爪魚同帶子。刺身質數高，好新鮮樣樣都好啱食！朮其帶子好大粒！  🐟🦑4合海鮮燒烤拼盤：  🧈牛油青口，兩款大蜆，大蝦，個爐火力好平均，所以好適合燒海鮮！🥩1＋＋韓牛：牛肉沒有醃製，肥瘦均勻，肉質軟嫩！牛肉味香濃！食左完全唔油膩！堅好味！ 🐑法式羊架： 驚喜嘅羊架，完全唔騷！肉質夠淋，原味都咁好味😋推介！餐廳用 Qrcode落單，每件數目咁落單，食埋

今日原本想去登龍街一間食炸雞嘅舖頭，但上到去之後個男店員服務態度實在太差，之後決定唔食。咁就喺登龍街附近搜尋下有咩好食啦。咁搵咗一段時間，又開始肚餓，咁就唔穩決定去三田麵店食沾麵。喺排隊嘅時候見到對面樓上招牌寫住韓牛牧場，跟住見到樓下有個靚女派緊傳單，就過去睇下係咪呢一間，跟住見到有分三個唔同嘅放題價錢。一個係主食豬，一個係主食安格斯牛，一個係主食極品1++韓牛。但係要問下我個女主人想唔想食先，佢都覺得可以試下。上到餐廳見到室內環境舒適清潔，枱與枱之間寬敞，唔會好似去到傳統嘅烤肉店一入到去就好多煙，因為佢哋用咗光波爐。同埋呢度嘅店員好有禮貌。開始介紹下嘢食先，會先嚟一d頭盤刺身拼盤，冇乜特別介紹，主要夠新鮮就好得啦醬油蝦，其實我麻麻地醬油蝦醬油蟹之類嘅食物，不過都試下啦，啲蝦好新鮮咬落去仲爽口鮮甜韓牛壽司，店員話呢個韓牛壽司係要攞韓牛最靚嘅部位先至可以做到出嚟，食落去唔覺得好有血腥味，係好食嘅跟住到生嘅頭盤海鮮拼盤，青口同貝類都好鮮甜羊架醃得好入味，而且肉質嫩滑，我好鍾意食韓牛牛扒，呢個其實好好食，但因為我開頭唔識用呢個光波爐煮得太熟，其實店員都教咗我哋要攞出嚟睇下熟味...佢話五成熟