堅石燒 (已結業)

餐廳岩岩開業果陣已經想黎，但因為人太多而擱置左，時隔半年終於搵到機會去試。book左星期五晚6點半，估唔到去到果陣已經有唔少食客。一入去就味到好香既燒肉味，真係令人食指大動!!我同友人都點左美國大理石牛配任食配菜set，牛肉分別點左200g同300g，另外加個小食。落完柯打之後，職員表示可以去自助區拎野食，餐飲除左汽水之外，仲有有氣水、茶包、咖啡、同埋自家製既涼茶(牌仔寫住為疫情而設，認真有心)；沙律菜都一樽樽蓋好放係雪櫃，菜亦都夠新鮮。意粉同飯都由職員裝碗，唔駛擔心其他食客接觸過餐具而引起衞生問題；職員裝梗意粉果陣，即使距離50cm，我都聞到好香既蒜味，食落亦無令人失望，濃郁蒜味，不過比較油，意粉亦因長時間焗住而淋左少少。美國大理石牛200g $78先加入牛油，並將rosemary、蒜片放係牛扒底部，等大理石既熱力燒香rosemary，令其香氣滲入牛扒，之後再灑上少許黑椒同鹽調味，香氣十足既石燒牛就完成~~雖然價錢唔貴，牛扒又幾瘦，但其實幾有牛味，而且又唔韌，整體幾好。韓式清酒煮豬軟骨 $38一向都中意食豬軟骨，所以特登點左呢個小食試下，但都幾失望。軟骨位仍然好爽脆，白蘿蔔同甘筍更係

成日聽人講石板燒牛即燒即食好似好正咁見到呢間堅石燒做緊$78一塊咁平緊係諗住黎試下好唔好食體驗下石板燒牛嘅樂趣呢度係半自助形式加$30可以任食沙律吧、湯、意粉同飲品，都唔錯一開始諗住不如試下最貴嘅澳洲和牛點知真係中伏，一啲都唔好食肉質又硬又鞋，好後悔食完都唔夠飽諗住再叫多塊牛決定平平地叫塊$78算點知竟然仲好食過塊所謂和牛起碼正正常常口感、肉質都唔錯以$78嘅價錢黎講真係抵食但澳洲和牛就真係無下次啦

堅石燒位於油麻地銀座廣場地下一層，都未行落樓梯已經聞到好香嘅燒肉味🤤🍖由於每台只有限時90分鐘⏱嘅用膳時間，雖則食得有d傖促，但起碼唔洗等咁耐丫嘛🤣「美國牛板翼300g🐮」肉質唔錯🤤油脂分佈得幾平均，不過就係多左少少筋位囉🤪！「美國大理石300g🐮」肉質比較韌🤔建議唔好燒得太耐🔥順帶一提，而家新鋪開張有優惠，沙律小食吧係免費架🤩！食左咁多肉，一定要食返多d菜🥬！最後要提一提大家，走之前可以用除臭機免費除臭，輕輕一按，香體露就會從四方八面噴出💨咁就唔怕行到邊臭到邊啦🙊不過最好都係著一件自己唔太鐘意嘅衫👕嚟食好d🤣！

食物 超水準 性價比極高 極推薦！大理石牛排 $78 200g 估唔到肉質嫰到同平時city super買到既牛排有得揮 而且好新鮮 牛味出 冇梳打味 希望可以keep住水準牛小排 $188 200g 中價位 但質素對得住價錢石頭鍋飯 地道！好好食!仲有飯焦 衛生 良好！！第一次見到自助吧餐廳會有密封的沙律菜！ 而且菜新鮮 仲有芝麻醬或者和風沙律醬 最估唔到連烤肉除味器都有！平時食呢啲烤肉最怕一身都係燒烤味用左部機真係覺得冇咁大陣味！環境 就腳地鐵站口附近行一個街口 和地牢行2層樓梯其他&建議今日下午茶時間食 冇咩人 walk in都有位 第一次食令人眼前一亮 相信好快就會好多人食都排唔到隊 要試既就要早啲 book 聽啲員工講晚上都 full左部份員工睇得出係岩岩出黎做野 雖然好比心機做好樓面 見到客人食完就收碟 不過餐具可以等客人埋單最後先 如果唔係可能客人想加單都會覺得自己阻住地球轉