Plato Cafe & Bistro (吳松街)

佐敦美食多， 附近的店鋪也試過。 但這次朋友想找比較隱秘的店舖 ，說他想遠離煩囂， 好好的聚舊。果然隱秘的店鋪是比較寧靜的， 給人一種非常舒適的感覺。菜式主打大概都是意大利粉，意大利飯或者扒類。點了一款龍蝦汁海鮮意大利飯， 感受得到飯的去水過程做得恰到好處， 因此每一粒飯也被龍蝦汁包裹著。 海鮮佈置得很精緻， 廚師大概對透視也有研究吧，令到整個飯華麗地提升到另一個層次。另外叫了一份美國安格斯西冷牛扒， 七成的熟成度， 烤得剛剛好。 不愧為安格斯西冷，肉味非常重， 而且口感非常鮮嫩， 牛扒還傳來陣陣的香烤味， 令人非常開胃。飯後還點了一杯oreo奶昔， 曲奇和奶混和， 配搭沙冰的口感， 是杯可口的特飲。終於能夠和朋友好好享受這個星期日晚！

到佐敦跟朋友午膳聚舊，這家餐廳座位舒適，過了午飯高峯期後環境更加悠閒，Set lunch 供應至下午5時，方便彈性午飯時間的返工一族，怪不得當天我見到三、四點也有朋友進來吃午餐。望望menu，最後兩項廚師推介，就點這兩款吧。美國安格斯西冷牛扒 $128，我比較喜歡5成熟，肉質柔軟沒有血水，份量足。 西班牙黑毛豬鞍架 $108，厚身，肉質柔嫩，散發出陣陣油香，吃得滋味。 跟友人傾談一段時間，不如就點甜品，原來下午茶餐有一道香蕉朱古力班戟配意大利雪糕 $98，4件 pancake散發淡淡朱古力味，再加上朱古力醬更突出，襯雲呢拿Gelato，美味非常。 順道選擇套餐飲品，加錢轉特濃朱古力及漂浮棉花糖朱古力系列之榛子朱古力，賣相精緻可愛，真的不捨得飲用，朱古力亦濃郁，又睇得又食得。

小妹今次去左佐敦搵食, 係門口睇到下個餐牌, 價錢唔太貴, 望入去又幾闊落於是就同朋友入左去試下 餐廳入面仲有好多聖誕擺設 除左西餐之外, 應該係主打甜品, 令小妹好期待 餐牌仲有酒同咖啡小妹最後揀左精選二人餐 ($428) 有是日餐湯加麵包條頭盤揀左芝士焗薯條, 薯條好脆, 仲熱騰騰, 應該係岩岩炸起, 芝士加埋酸忌廉, 好開胃  份量足夠  牛肝菌帆立貝忌廉汁意粉: 意粉煮得岩岩好, 仲好彈牙, 入面仲有好多茹, 帆立貝鮮味, 美中不足係得一隻帆立貝, 小妹要同朋友SHARE, 好想一個人食哂成隻炭燒安格斯肉眼牛扒: 小妹叫左五成熟, 呢塊係小妹近期食過最滿意既一塊牛扒, 真係岩岩五成熟, 外面煎都少少脆, 肉質鮮嫩, 仲有配菜都好好味, 食得出廚師好有心機 小妹既第二個胃開動了朱古力雪糕慕絲蛋糕 & tiramisu: 食埋呢兩個甜品, 真係大滿足, 有出面既CAKE SHOP 既水準 黑牛, 凍朱古力 食完個二人餐, 小妹兩個人已經好飽  呢個價錢, 配合好味既食物同舒適既環境, 絶對抵食! 可以再ENCORE 

收工約左朋友仔食飯，順便去廟街占卜🔮下，於是決定去食佐敦呢間cafe,一入到去就發現已經裝飾左聖誕節既佈置，播曬聖誕節歌咁好歡欣～湯都有配長長既餅乾棒，蘑菇湯好濃味，忌廉無搶曬蘑菇既味，調得唔錯～水牛城雞翼個汁好惹味，雞翼仲好嫩滑，作為頭盤好好，夠開胃！西班牙黑毛豬鞍架唔點汁都好食，當然佢地配既紅桑子燒汁都好夾～牛肝菌帶子意粉本人好驚白汁太濃芝士/忌廉味太重，呢個唔會，把握得好好，唔會覺得肥膩！配埋牛肝菌真係好正～另一個友人叫左美國安格斯西冷牛扒，配紅酒燒汁，份份扒餐都有配薯菜，夠曬大份抵食～最後點少得甜品，我超級中意個朱古力雪糕慕絲蛋糕！蛋糕中間既雪糕夠實心，似movenpick!好正，唔係驚肥真係想食多件😈

本來諗住同朋友去尖沙咀搵野食，點知又突然之間落雨，誤打誤撞之下，又黎返佐敦搵呢一間Plato Cafe & Bistro食晚餐，貪這裡旺中帶靜，感覺好休閒舒服。首先上枱嘅係忌廉蘑菇湯。忌廉蘑菇湯都幾細滑，而且都有幾多料係入面。跟黎嘅仲有一條麵包條，幾脆口。黑松露軟殼蟹意大利粉意大利粉有好香嘅黑松露味，一上枱就已經聞到。但最吸引嘅都係軟殼蟹，估唔到係原隻軟殼蟹咁上碟。一切開隻軟殼蟹就已經見到好多蟹肉係入面，而且仲有蟹膏，咬落都好有鮮味。 意粉個汁煮得好濃，伴隨著蘑菇、 紅椒、黃椒等配料，非常可口。美國安格斯西冷牛扒西冷牛扒亦係好有驚喜。牛扒煮得啱啱好，肉質非常鮮嫩同鮮味，一放入口已經感受到濃濃嘅肉汁味， 仲有啲入口即溶嘅感覺。 伴碟嘅仲有牛油焗薯仔、甘筍同沙律，一邊食牛扒邊食拌菜，大大減低牛扒嘅油膩感。除咗餐湯同埋主菜，套餐仲有埋飲品， 我哋分別嗌咗焦糖咖啡同埋榛子朱古力。 焦糖咖啡嘅比例啱啱好，焦糖唔會蓋過咖啡嘅味道，令杯咖啡太甜。飲完兩杯飲品本來已經好飽，但係見到隔離枱嘅甜品又好吸引，所以坐左陣最後都加咗錢嗌咗一份藍莓芝士蛋糕同埋美國芝士蛋糕。 芝士蛋糕嘅芝士味都幾濃，食落口個感覺好

今天，我地一行五人來到佐敦Plato,享受晚餐。這裡的環境舒適整潔，而且還掛滿了燈泡款式的吊燈作點綴，令氣氛更濃厚！ 其後，我們就看menu! 我地點了一個尊貴二人套餐（美國安格斯西冷牛扒及紐西蘭法式羊架，並且選了cake chocolate mousse為dessert).其次，我們另外還點了幾個dinner set,包括卡邦尼煙肉意粉、法式牛肝菌蟹肉意大利飯和西班牙黑毛豬鞍架等三個set dinner,餐湯則加錢轉做龍蝦湯）。 先送上的是二人套餐的美國安格斯西冷牛扒，牛排呈上時已散發出淺淺的香氣，肉質鮮美，而且多汁，十分好吃！接著，呈上的是紐西蘭法式羊架，羊架帶有少許羶味，配合rosemary sauce,兩者配合後味道帶有少少甜，尚算不錯！然後，呈上的是卡邦尼煙肉意粉。煙肉很多，而且味道濃郁，不錯！除了意粉外，及後呈上的法式牛肝菌蟹肉意大利飯亦都不錯！飯雖然份量不多，但咬下去啖啖蟹肉，令大家吃得好滿足！最後，呈上的是西班牙黑毛豬鞍架，黑毛豬的肉質鮮美香甜，配合紅桑子燒汁，令人想再吃多一遍！最後，不得不提及甜品！Chocolate mousse份量多，而且賣相精緻，正

好友約食飯，我地去咗佐敦嘅Plato， 因為之前試過油麻地嗰間。佐敦呢間都好方便， 可以喺吳松街行過去只係幾分鐘。餐廳 喺地舖嚟講都幾闊落， 座位寬闊， 冇咩拘束可以坐耐啲傾吓食吓嘢。餐牌亦有很多套餐選擇。 雖然如此仍然對牛扒情有獨鍾，決定選这客美國安格斯西冷牛扒。 牛扒選了七成熟， 還可以哩， 唔會太熟。 表面煎得好香口， 仲放上唔少黑椒同鹽， 裏麵粉紅色嘅肉質 仍然好juicy， 吃到原始肉味。 配菜還有烤熟嘅薯仔同新鮮沙律菜， 好均衡好美味嘅一個扒餐。是日餐湯紫蘇蕃茄湯 配蒜蓉包 味道帶少少天然嘅蕃茄酸， 清新開胃。 配以焗得香脆嘅蒜蓉包， 非常美味。朋友揀了龍蝦汁大蝦意大利飯$168賣相討好， 有藝術感嘅鋪排。 未食都聞到好香嘅龍蝦汁味， 煙韌嘅意大利飯 粒粒都吸滿龍蝦汁， 非常惹味。 隻虎蝦鮮甜彈牙， 煮得啱啱好。一杯特濃朱古力同另一杯榛子朱古力， 相貌一樣。 甜度適中， 唔會有大量冰塊， 飲到最後都冇稀釋左， 滿足了很喜歡飲朱古力的我們。提拉米蘇(+$8)想食啲cream嘅蛋糕但又唔想咁甜咁多忌廉， 呢款最啱。 咖啡味可以再濃一些， 朱古力果層都好香，反而冇咩酒味。