雅高·33

營業中

休息中

平時荃灣放工/放假，約朋友出街食飯又諗唔到有邊度特別想去，因為又多商場行街、又多嘢食！真係每次試唔同餐廳都有新發現🤣呢日同朋友行完街，去中南廣場買完嘢，行到好攰唔想周圍走😂😂 就睇吓附近寶石大廈有咩食😗 試咗呢ARTCO•33，門口望落好光猛闊落～我哋三個人諗住叫3個Set Share一齊食，佢啲食物份量好多！勁抵😂😂 早知叫2個餐+小食都夠🤣美國安格斯CAB級牛肉眼扒🥩 HK$278五成熟剛剛好👌🏻 冇諗到佢配嘅係薯角啊😍😍 咬落啖啖薯仔點黑椒汁食超滿足😈什扒餐 HK$78😍痴線㗎呢個！！雞扒、豬扒、德國香腸、雞翼、農場煎蛋、田園蔬菜、意粉、餐湯、蒜蓉包、餐飲78蚊有10樣嘢😱😱 仲要係勁大份🥹 雞扒豬扒都好大塊😝 而且咁平都冇揸流攤～仲煎得好香脆同軟熟🤤心太軟🍫 HK$46食完正餐必定想食埋甜品😛 呢個心太軟真係有夠驚喜！！一切開啲朱古力超流心😍 而且係外脆內軟🤤 配埋雪糕食一絕👍🏻

之前有朋友向我推介呢間西餐廳，話佢份量好大，味道又唔錯，咁岩去開荃灣嗰頭就去試下啦😊晚餐嘅話佢有兩張 dinner set menu，兩張嘅價位都唔同，平貴都有唔少選擇～前菜有沙律、餐湯 (忌廉/羅宋湯) 和蒜蓉包～ 蒜蓉包烘得幾香脆，好味～德國咸豬手配蜜糖芥茉汁 $208 (+10%）店員一放低豬手嗰陣我同朋友都呆左呆😦 好大份呀，有兩大件豬手!!! 咸豬手好入味，肉質又好嫩滑😋 配埋酸酸甜甜嘅蜜糖芥茉汁幾清新醒胃😛 佢嘅豬皮亦整得唔錯，口感比較煙韌，好多時係其他地方食嘅豬皮都燒得太乾硬啦～美國安格斯CAB級牛肉眼扒 $248 (+10%)肉眼扒方面我地揀左7成熟，肉味濃郁，因為佢都有唔少肥肉位，所以成塊扒嘅油香味都幾濃😆 醬汁方面可以選擇燒汁或者黑椒汁，我地選擇左前者，同肉眼扒嘅味道都幾夾～整體食物質素都唔錯，份量真係超級充足，我跟朋友兩個人飽到捧住個肚都食唔哂呢🤰🏻🤭

有陣時唔需要專登搵地方嘅,行到邊就應該食到邊,肚餓喇,咪停落嚟望望四周圍有咩可以探究,今次嚟到荃灣,見到呢間叫<雅高。33>係食西餐嘅,有理冇理,食咗先講。見到餐牌上面其中一個係我鍾意嘅risotto,(D6)牛肝菌大啡菇意大利飯($108蚊),dinner set有埋餐湯同蒜蓉包,例牌熱飲一杯。估唔到上餐速度超快,唔洗五分鐘就已經有得食,賣相同一般嘅意大利飯冇乜分別,由於醬汁都係比較似白汁所以顏色外型都唔會好討好但係食落味道又唔錯啵,米飯粒粒分明好有咬口,有食緊珍珠米嘅感覺,用牛肝菌做嘅汁唔會太稀水了了咁,比較稠身份量足夠包裹住每一粒米飯,所以啖啖都美味可口,切粒嘅大啡菇亦都爽脆好食,水份充足,令人滿意成個食哂都不為過唔覺太膩。阿肥就叫咗喺廚師推介餐牌裡面嘅G set:美國安格斯CAB級牛肉眼扒($238蚊),見到佢塊扒仲大過我塊面感覺驚訝...呢個價錢值回票價,仲可以配飯或意粉或薯菜添。聽阿肥講食牛扒應該要揀肉眼部位,因為會比較少筋,啖啖肉咁牛味濃郁,再加上脂肪分佈均勻,係佢嘅至愛呀以我所知要有CAB級係需要經過品質驗証,唔怪之得阿肥都覺得抵食夾大件啦~呢度除咗食物

今日行開荃灣見到一間西餐廳好似有好多款扒揀，價錢相宜。門口仲有推介$10隻生蠔，照片吸引就入左去試了。餐廳裝修簡約，有少量壁畫同黑版做佈置。由於散叫太多選擇（小食/生蠔/PIZZA/意大利飯/意粉/甜品,etc) 我都係決定要套餐🙈晚飯套餐由$78-$298不等，唔洗諗之餘仲有湯、蒜蓉包、沙律、主菜、飲品。______________________________🔸美國安格斯CAB級牛肉眼扒 $238肉眼size好大塊，大過手掌✋🏻叫了五成熟，上菜時生熟適中。安格斯牛肉眼扒肉質幼嫩，肉汁豐富。脂肪分佈均勻，口感細緻，好多肉汁。配有少量配菜，另外可選意粉/飯/薯菜。一個人食哂有啲heavy，建議share食😂🔸香煎三文魚扒 $168份量對比起肉眼係無咁墟冚，但一樣夠飽。三文魚魚皮煎得夠香脆，魚肉剛好煎到金黃色，肉質唔會太乾。味道亦唔會太濃，鐘意既話仲可以點少少他他醬調味。一樣可選意粉/飯/薯菜為伴碟。．by VIN環境分數: 7/10食物分數: 7/10