一韓燒

營業中

休息中

而家去Mikiki方便好多，只要搭啟德站好快到，今日約咗朋友喺Mikiki搵嘢食。好耐未食過韓燒了，有間新開無耐的韓式燒烤。手調飲品好抵，有七折，大大杯分量十足都係$30幾伩，我叫咗玫瑰荔枝梳打，好大杯，感覺好清甜，食韓燒最啱。藍柑麝香葡萄梳打我朋友叫左呢杯，評價都唔錯，加咗葡萄好清新。主食方面，叫咗一貴一平share。北海道產黑毛和牛餐牛肩胛拼肉眼蓋200g，牛非常大塊，分開咗兩盤，配沙律、韓風湯、飯素同黑松露日本生雞蛋。和牛果然高質，油脂平均分布，有入口即溶的感覺。燒一陣已經食得。飽住瘦身餐韓式菜包黑毛豬五花200g配三色前菜和韓風湯，五花肉加少少泡菜夾住一齊食，非常滋味，五花肉肥瘦適中。追加左韓式芝士年糕非常細心內附有小字條寫上燒烤方法，跟住嚟整，果然效果唔錯，外面有少少窿過，入軟綿綿，芝士味香濃。美國牛仔骨100 gram大約有兩塊，牛味濃郁，骨連肉好味。嫩雞肉只係叫咗50 gram都係$13 ，份量都唔少，配上生菜食，好味不錯。甜品朱古力糯米糍3.6牛乳雪花冰有驚喜，雪花冰用3.6牛奶做成，配上朱古力雪糕同糯米糍，口感豐富。仲有超多朱古力醬可以配搭。抹茶紅豆牛角包窩夫-加芒果

去開mikiki 行，朋友想食韓燒慢慢傾計慢慢食，揀左呢間平日lunch 要等位的一韓燒。1號餐飽住瘦-韓式菜包黑毛豬五花，就算姐唔係生銅中都比佢吸引到，邊個唔想飽住瘦！-黑毛豬五花份量好多，有好多塊，質素好好-生菜好新鮮好大塊，夾住黎食十分韓！-200g $67 蚊CP值好高11號北海道産黑毛和牛-牛肩胛+ 肉眼蓋，份量又係好多，食肉獸最愛-牛肩胛好重牛味，肥瘦勻衡，燒後脂肪釋出更顯牛香-肉蓋眼燒後沾上跟餐的黑松露日本生雞蛋，十分有日式風味另外仲散叫左幾碟，十分欣賞有不同重量黎order肉，兩個人都可以試多幾款-牛小排：雪花比例好好，肥美，沾埋生蛋食好香滑-美國牛仔骨：肉味濃郁，夠厚，啖啖肉-牛舌: 爽口，大塊

睇完換乘戀愛2，見面主角群好喜歡燒肉約會。咁岩屋企附近開咗間韓燒，所以，同老公都來約會一下。呢度的dinner set最平$39就有了— 牛大腸、牛小腸、豬大腸及韓式蜂巢豬皮。套餐仲可以揀唔同克數。客人可以因應自己食量而選擇。所有肉類都可以單點，最平$27牛五花。餐廳設有一人吧枱位。係一人韓燒好選擇。今次我哋叫左：🍹飲品1️⃣紅柚荔枝梳打2️⃣巨峰乳酸特飲飲品可以選擇甜度。唔要飲管可以平啲。喜歡呢個支持環保嘅概念。🌿🌳🥩肉類3️⃣韓式菜包黑毛豬五花套餐4️⃣黑毛和牛A4肉眼蓋5️⃣黑毛和牛A4牛肩胛, 配黑松露日本生雞蛋6️⃣牛小排7️⃣美國牛仔骨佢的肉類選擇都幾多。由五花到黑毛和牛都有。我哋叫左個韓式菜包黑毛豬五花套餐— 飽住瘦身選擇。因為呢個餐提供蔬菜代替飯。生酮朋友可以選擇呢個吖。另外，美國牛仔骨係心水推介，性價比相對高。牛肉味濃。肉質最好的係黑毛和牛A4牛肩胛，香軟濃滑，油脂感重，配黑松露雞蛋都幾好食。另外，餐廳採用網燒。肉類不易燒燶，油煙味較少。🧀小食8️⃣韓式牛肉餅9️⃣韓式芝士年糕🔟豬大腸當中推介牛肉餅。甜甜地，有D牛軟骨係裡面。🍨甜品1️⃣1️⃣芒果糯米糍3.6牛乳雪花冰1️⃣2️⃣抹茶紅豆3.6牛乳雪花冰燒肉結尾－定要