糖蓮子 (已結業)

去開黃埔果頭食完飯想食糖水，OpenRice 見附近有間糖水鋪都好似幾吸引咁，就去試下🤗。 張menu 兩頁A3 紙，超多選擇，花多眼亂。不過佢有個排行榜，推薦返邊d 係人氣甜品。金山啊伯 $44 個樣就普普通通，但食落就好有驚喜。-成碗野有西柚肉、柚子醬（韓國柚子茶果隻醬）、荔枝味雪糕、小丸子、椰果、椰子沙冰、西米、豆腐花。- 所有配料異常地夾，好明顯感受到師傅係有認真咁構思過。各種味道加埋好fresh，飯後食真係perfect 。- 最欣賞佢個豆腐花，唔單止滑，仲好有豆香。但如果可以多d 就好。- 小丸子煮得剛剛好，煙韌。佢本身冇味，所以配上其他配料一齊食就剛剛好。- 唯一美中不足係d 冰打得唔夠碎，會食到粒粒碎冰。-真係好欣賞師傅嘅心思，甜品整體嘅協調做得好好。明顯感受到佢唔係是但將幾樣合大眾化口味嘅材料加埋就算。美女與野獸 $48係朱古力蛋糕併雲呢拿籽奶凍。- 奶凍好好好好好滑，食嘅時候見到d 雲呢拿籽，加埋面頭嘅士多啤梨醬一齊食，好好味。奶凍本身奶味就唔係好重，怕奶味重嘅我覺得啱啱好。- 朱古力蛋糕睇落似Brownie 咁, 但食落非常軟滑，食左一啖之後就食唔停，真係好鍾意佢

依間糖水舖 我覺得係紅磡最齊款嘅糖水店糖水不論懷舊式-芝麻糊 合桃糊新式-辣椒梳乎里 醉人Bailey 紅豆冰都有!老闆娘服務仲好親切舖面環境好乾淨比起隔離街啲連鎖糖水舖 更值得支持.今次我就食咗依個美女與野獸. -自家製嘅朱古力蛋糕配雲呢嗱奶凍. 再配搭生果.絕對唔會覺得甜膩.另外仲試咗依個黄金甲.豆腐雪糕. 芒果汁. 西米. 小丸子. 芒果. 豆腐花. 再加冰.咁豐富都係賣40$有機會就去試下啦.

晚上各種的放工放學吃糖水一行6人,但專門負責推介的美食家由早到變遲到另外五人根本商量不到吃什麼 一直坐在那邊沒點甜品,實在有點不好意思最後我們決定一人點一個甜品share吃店家很友善呢! 沒有嫌棄我們share甜品,更多拿6個碗和小湯匙和叉給我們share用超貼心的服務未到過一間糖水店會給小碗作share用第一個上來的是黃金甲,很好吃的芒果超多,豆腐配上芒果汁有種清新的感覺,與平時吃的加糖漿的感覺很不同第二個是荔枝芭菲,下面是涼粉,可以清熱氣還有一點蒟蒻很有咬口, 荔枝雪糕有點雲呢拿在裡面的感覺第三個是芒果窩夫熱熱的窩夫配上朱古力醬和雪糕很好吃呢!!!!!第四個是美女與野獸,得獎作品果然是得獎作品名不虛傳,蛋糕很好吃,外面是脆皮,裡面是濕潤有種brownie的感覺.奶凍的味很濃建議水果不要放在蛋糕上面,因為被水果蓋住的蛋糕皮沒那麼脆,沒那麼好吃第5個是抹茶心太軟這個超好吃! 抹茶吃很濃,切開心太軟的時候看到流出來的抹茶快要瘋掉!!!!(小姐你冷靜這個抹茶甜度很足夠,配上紅豆的甜度仍合適.總括來說是很棒的抹茶甜品! 抹茶控不要錯過,這個不苦的

 一直聽過唔同朋友仔推介「糖蓮子」既糖水好好味好多選擇，所以忍唔住同朋友一齊去試下。其實一入到去，已經有位姨姨好友善咁比menu我地睇，但由於實在有太多既選擇，有選擇困難症既我最後都係跟店裡面既「熱門龍虎榜」去叫甜品。其實樣樣都好似好正，都好唔小心樣樣叫左d。首先有黃金甲。黃金甲係有芒果、小丸子、水晶珠同埋豆腐雪糕！！豆腐雪糕真係好味到不得了有香濃既黃豆味，一d都唔假，加上雪糕既奶味唔重，唔會搶走豆腐味，雪糕真係有水準，又滑又香濃，令人想一試再試。至於芒果，真係又大又甜，好足料！之後，另一推介有黃金時代(個名好霸氣)。一送到黎已經比佢既外觀吸引，加分！朱古力雪糕有濃濃既朱古力味外，仲要mix埋朱古力碎粒增加口感，熱辣辣既waffle夾住凍冰冰既朱古力雪糕，on top仲有朱古力醬，一啖放曬waffle加雪糕入口，又熱又凍，一試難忘，成個人都覺得好滿足！**建議一送到盡快食，因為一熱一凍，所以放太耐雪糕會溶得特別快，waffle變涼都冇咁好味。**睇圖都知呢個京都宇治抹茶心太軟 都幾軟幾正啦一刀切即見流心(嘩。。。)，裡面既綠茶醬暖暖地，配合大大粒既紅豆食，一流。至於個雪糕就不過不失啦，

幾個FD食飽左，fd聽講有間甜品店唔錯,於是就去試下了，順便渣車去兜下風。去到之後發現呢間糖水都幾多人，唯有起到食西北風等左陣。好食唔怕等！入到去我朋友建議一定要叫呢間店既招牌甜品"美女與野獸"唔通佢想暗示我係野獸?(我朋友係女仔)定係佢想暗示佢係靚女。因為好飽既關係同朋友share一碟美女係雲呢拿奶凍,野獸係朱古力cake,個雲呢拿奶凍都幾正,口感滑溜軟綿，朱古力cake質地似布朗尼,口感較硬，朱古力味濃郁，我個人比較鍾意美女多d了，有兩件哈密瓜中和返d甜度冇咁漏。

係紅磡見到有好多甜品鋪，聽講有雜誌推介過「糖蓮子」，加上係星期日下晝，鋪頭冇咩人，所以就同朋友兩個人入去試下。一睇個餐牌，花多眼亂唔知揀咩甜品好，於是係人氣龍虎榜度揀，好多甜品既名都好特別，例如：龍王宮、黃金甲，最後嗌咗Bailey's雪糕紅豆冰、美女與野獸。好少見甜品鋪有Bailey甜品，只係試過自己買Bailey溝雲尼拿雪糕食，個Bailey紅豆冰整得好有心機，好大個雪糕球係紅豆上面，成個表面鋪滿朱古力粉，紅豆比普通既大粒，加上雪糕，咬落軟淋淋，仲有好香既酒味，唔會好甜。美女與野獸係奶凍加Brownie朱古力蛋糕，兩樣都唔太甜，奶凍好滑，Brownie有好濃朱古力味，係一個幾好既配搭，有機會一定再黎，試埋其他甜品！

我本人對甜品的興趣非常有限，以前絕少會主動光顧；但現在甜品鋪越開越多五花八門，而且朋友常常會相約去周圍試，所以慢慢也吃多了。這間店是有位朋友吃了好幾次，非常喜歡，極力推介的。 今次借約了朋友到附近吃飯的機會去試試，又知道這間店常常要等位，所以我們安排了先去吃甜品再晚飯，省點等位的時間。果然早到就立即有位，首先看看他們的龍虎榜，都有十多款，最後我們選了以下幾款甜品share來吃。 Bailey's雪糕紅豆冰　 有香濃芳陏嘅酒味撲鼻而來，不只聞到還吃到兼飲到，但滴酒不沾嘅就不宜品嚐了。 甜酒配合灑在上面的朱古力粉混和着香滑的雪糕，綿綿的紅豆和細細粒的小冰，一小匙接一小匙的，每啖都有多種不同的享受，酒的味道另整個甜品生息不少，紅豆軟硬適中夾着冰粒一起吃咬口十足，真是回味無窮呀！最重要是不太甜，加上用厚咖啡杯盛載，連最後一滴也可用飲的盡嚐，完全沒有浪費。所以我之後再去了兩次，每次都不捨得不點這個，因那種滋味感覺確實使我一嚐再嚐呀！ 朱古力三重奏　 （焦糖朱古力布甸＋朱古力Brownie蛋糕＋朱古力雪糕）老闆娘說吃這個甜品要分次序～第一重：焦糖朱古力布甸，用小匙卜開面層囇了糖