影片
更多
2017-10-14
70 瀏覽
之前俾呢個餐牌嘅甜品吸引左我黎，不過當時太肚餓，叫左三個主食，結果係飽到食唔到甜品，哈哈。不但不讚的係，呢三道菜都係同時間落單，而餐廳出菜速度真係太強，結果三個都同步送上，岩哂當時超肚餓的我地呀！田園蜜汁雞翼 $78一碟有六隻雞翼，雞翼面有香茅，而隔離有沙律。雞翼真係超級香噴噴，再加上香茅真係無得輸。雞翼每隻屬於中型，都偏向瘦，沒有多餘的肥肉。雞翼皮很脆，同時雞肉幾嫩，火侯控制得唔錯呀。蜜汁都好平均咁掃到每隻雞翼之中，令每啖雞翼肉都有香甜的蜜汁，超級惹味。而且雞翼係冇雪藏味，反而雞味係幾濃郁的。呢個都值得一試呀！另外，在雞翼隔離有檸檬，如果怕香茅太重，係可以擠幾滴檸檬落去中和下味道。美式芝士海鮮焗蟹蓋多士 $98初時一上枱都未必見到蟹蓋，原來就係裝住芝士海鮮的位置。先將芝士海鮮鋪在多士上面，軟綿的多士配上有咬口的海鮮，味道好香濃。食落先知原來都有多款海鮮，例如有魷魚腳、蟹肉（好似仲有帶子？）等等，芝士味唔會蓋過各款海鮮味，慢慢咀嚼，同時又會食到每款海鮮的味道。而且芝士比我想像中無咁膩，食完唔係太滯。8安士美國特級牛扒（薯蓉、粟米、法邊豆、車厘茄）$198我地揀咗五成熟的，表面都變啡色，
田園蜜汁雞翼 $78
一碟有六隻雞翼，雞翼面有香茅，而隔離有沙律。雞翼真係超級香噴噴，再加上香茅真係無得輸。雞翼每隻屬於中型，都偏向瘦，沒有多餘的肥肉。雞翼皮很脆，同時雞肉幾嫩，火侯控制得唔錯呀。蜜汁都好平均咁掃到每隻雞翼之中，令每啖雞翼肉都有香甜的蜜汁，超級惹味。而且雞翼係冇雪藏味，反而雞味係幾濃郁的。呢個都值得一試呀！
另外，在雞翼隔離有檸檬，如果怕香茅太重，係可以擠幾滴檸檬落去中和下味道。
美式芝士海鮮焗蟹蓋多士 $98
初時一上枱都未必見到蟹蓋，原來就係裝住芝士海鮮的位置。先將芝士海鮮鋪在多士上面，軟綿的多士配上有咬口的海鮮，味道好香濃。食落先知原來都有多款海鮮，例如有魷魚腳、蟹肉（好似仲有帶子？）等等，芝士味唔會蓋過各款海鮮味，慢慢咀嚼，同時又會食到每款海鮮的味道。而且芝士比我想像中無咁膩，食完唔係太滯。
8安士美國特級牛扒（薯蓉、粟米、法邊豆、車厘茄）$198
我地揀咗五成熟的，表面都變啡色，而中間就微紅色的，食落軟綿度適中，不過牛味係略縑唔夠濃呀，但嗅落味道幾香的。薯蓉好似混左啲忌廉，食落幾滑又香，而且薯蓉打得幾幼滑。粟米應該塗左牛油黎整，幾香，不過甜度差少少（但幾似以前大家Ｘ牛扒餐的烤粟米感覺，幾正）。入面仲有法邊豆和冬菇，煮得夠軟稔又入味，中意食蔬菜的我真係清哂佢。整體牛扒幾夠飽，而且味道都唔差，但牛扒味道可以再濃味Ｄ！
初時以為坐落在尖沙咀的餐廳一定貴啦，但佢價錢中規中距，味道又唔錯，真係比我想像中好。睇落啲甜品又靚，餐廳入面又有幾多影相位，淨係黎影相呃LIKE都幾好～
張貼
