Chatterbox Express

營業中

休息中

太古文華海南雞Chatterbox 主打新加坡文華大酒店嘅招牌海南雞，太古呢一間分店係半自助形式點餐，相對其他尖沙咀嘅分店可以用平啲嘅價錢食到嫩滑海南雞😙性價比高啲！而家仲要同「陳」 crossover 推出咗中式日式嘅選擇，一人set可以食到兩份迷你嘅飯~ 😍其中海南雞好嫩滑就唔使多講，麻婆豆腐湯個醬料非常鹹香，而且都比想像中辣㗎，所以食得辣嘅人先好叫😙又或者好似我咁再加一杯美祿哥斯拉cool down吓😛招牌二食（選二） $98* 迷你麻婆豆腐丼* 迷你文華海南雞飯 +$10肉骨茶配麵線 $102美祿哥斯拉 +$21熱蘋果茶#taikoo#hkfood#hkfoodie#太古美食#新加坡菜#文華海南雞#海南雞#海南雞飯#美祿哥斯拉

K11 Musea既Chatterbox Cafe成日都大排長龍，所以今日去左佢位於太古既分店，唔洗等位😀我地2個人，叫左：1.文華海南雞飯:海南雞雞皮好彈牙，雞肉雖然唔算嫩滑，但有雞味，有三種醬提供，我最鍾意中間既薑蓉。雞油飯值得一讚！粒粒分明，雞油亦足以包裹每一粒飯。2.咖哩豬肋骨煲配白飯、薄餅、炸素春卷一個餐就有齊白飯、薄餅👍🏻，同咖哩一齊食好好味😋 豬肋骨有5大條，煮得夠冧，肉骨好容易就分離，亦都好入味！😋 炸素春卷，皮脆，但入面唔會油膩👍🏻3. 黃金雞翼邪惡之選！😋超多咸蛋醬，雞翼外皮煎炸得好香口，正！😋4. 美祿哥斯拉有好多朱古力波波，美祿味濃，仲有一球雲尼拿雪糕，飲完心情都變好😆5. 椰子雪糕咖央三文治超級推薦！麵包好有牛油味，煎香左，本來塗左咖央已經好好味！加埋有椰絲既椰子雪糕，一流！😋😋😋

身為太古區嘅常客，要嚟試吓新開來自新加波嘅過江龍；簡潔裝橫，用咗光鮮嘅黃丶白丶綠為主調，好醒晨；呢度係半自助形式，可先搵位，再點餐及俾錢，將「傳呼機」放於枱面指定嘅貼紙上，店員會送餐到客人枱中。文華海南雞飯 $108  (升級雞髀 +$10)去骨海南雞髀，約有十件肉，油飯丶湯丶有齊三款醬料，雞肉肉質嫩滑，雞皮下無乜脂肪層，食落唔會覺得油膩。新加坡肉骨茶麵線 $108新加坡肉骨茶比馬來西亞嘅較重胡椒味，湯底顏色比較清；肉質軟腍，點黑醬油食，可將肉味提升；而油炸鬼好脆，只係油咗少少，依家呢個天氣食就啱哂喇～可以驅寒暖胃。雞肉沙嗲 4串  (跟餐+$48)雖然雞肉串份量比較小，但沙嗲醬好味！！配埋青瓜丶紫洋蔥，惹味 凍Cappuccino (跟餐+$10)只記得要少冰，唔記得嗌少甜，但出嚟個甜度適中，奶味濃滑，唔錯！凍美禄哥斯拉 (跟餐+$16)美祿恐龍即美祿朱古力，加上未溶嘅美祿粉＆朱古力脆脆波，美祿哥斯拉其實係美祿恐龍嘅進化版，多咗一球雲呢拿雪糕，估唔到個雪糕，向我食晒成餐飯都未溶哂，好滿足！

雖則香港同新加坡就快建立旅遊氣泡，但問過旅遊業朋友，光係兩地來回各2次嘅檢測費都6K，再加3-4K機票，咩都未做都無咗成皮嘢！蹤然旅遊癮點發作都好，還是等正式通關先去較好（愛護荷包系列）～​▲黃白主調，感覺舒適。▲Chatterbox Express嘅標誌雞頭，好可愛！無得飛，唯有繼續靠食止癮！講起新加坡美食，最近又比我搵到間好嘢，那就是新加坡過江龍Chatterbox嘅分支Chatterbox Express！Chatterbox Express開係太古城，位置有少少隔涉，主要走親民路線，唔似Chatterbox咁玩高檔。價錢平啲，質素卻無減，食完都幾令人滿足！▲就算唔飛新加坡，一樣可以享受地道滋味。Chatterbox Express除咗價錢平易近人，佢哋嘅菜餚都好貼近日常生活，基本上喺度食飯，有種似置身獅城般。好似早餐，呢度就有新加坡風粥品、午／晚餐就有新加坡肉骨茶麵線、炸豬扒乾撈麵、海鮮乾撈麵及新加坡肉醬撈米線配温泉蛋等等，就算你無去過新加坡，都可以從呢40多款菜餚中，感受兩地飲食文化大不同。至於味道，坦白說唔係100%正宗，畢竟過江龍，嚟到都要調整一下口味，迎合本地人，如似白