十二鍋 (已結業)

📍十二鍋🔗佐敦彌敦道219號莊士倫敦廣場地下4&5號舖————————————————————————想好快滿足下打邊爐的慾望，就去了佐敦食十二鍋😎首先先選擇湯底，然後湯底本身附有不同食材，最後選擇肉類(牛肉或豬肉)和配料😆.選擇湯底：美肌鍋（牛奶）🥛台式沙茶牛肉小火鍋🍜.整體而言，湯底味道較為濃郁🥰湯底的確有款式所含的味道，但略嫌較為重味精一點😃當中肉類同蔬菜份量適中，另外還可選擇飯或烏冬，還會附送手搖飲品🥰.今次只需大約$100就滿足到邊爐癮，所以性價比會比較高分☺️.美味指數☺️：6/10性價比指數💰：8/10儀式感指數🤗：5/10

一人一鍋真係恩物😘 過到我打邊爐癮之餘又唔會好似放題咁喪食🤭之前食過八鍋都係類似但呢間更好食♡︎(°´ ˘ `°)/有11款配搭選擇 成個set只係$88 好抵😂❣️台式麻辣鍋 $88最common嘅選擇 每樣都正常發揮👅肉有好多片 不過呢個價錢就唔好期望太多 合格的😌麻辣鴨血好食 另外芝士魚腐同蛋餃就比較特別~呢個湯底嘅精華係一定要落粉絲去煮 超正😍❣️美肌鍋（牛乳）加返個養生之選食下菜😆 湯底真係奶白色👄而且都幾重芝士味🧀呢個鍋用料就矜貴啲‼️ 有好多花膠同蟲草花🤭唔怪得叫美肌鍋😂 佢啲雞好係滑嘅雞髀肉 好食😍❣️滷肉飯 +$7轉咗做滷肉飯覺得值得㗎😆 食到有冬菇味 喺出面買幾十蚊碗嘅質素( ˙༥˙ )❣️夜市雞皮卷 $36呢個要隆重推介🤤 香脆唔油 有啲雞油味 肉又滑🐥❣️凍低糖紅茶❣️黑糖薑母茶 +$5呢個都好高質唔會稀 有啲薑水好暖胃🦦

有咩驅寒方法好過打邊爐呢？就係搵人陪你打就算搵唔到人，呢間主打一人鍋，兩個人打分甘試味，一個人打獨食難肥大胃好少食到Shabu Shabu，趁呢個機會獨霸一鍋。冇諗過一人鍋材料都咁多牛肉多到食極都仲有，所有食材都好吸味主食揀粉絲嘅話，絕對吸晒壽喜燒嘅精華加上竹輪、魚腐都爆芝，鍾意芫荽嘅話，都可以另加芫荽，絕對食已無憾胃民就揀咗美肌鍋，牛奶控可以試吓，湯底好濃好奶白材料有啲同大胃個鍋一樣，有啲就唔同，就好似花膠、肉丸同埋牛肉變雞肉，嫩滑得嚟又好似健康啲如果唔想跟餐食粉絲，大可考慮加$7轉滷肉飯，肉醬好吸引，撈飯食真係會秒清其實大胃未試過打邊爐可以嗌每人兩杯嘢飲，冇計啦，天氣一乾燥就勁爆口乾首先飲呢個菠蘿四季春解渴，菠蘿同茶味勁出，但兩股味道又夾到之後就飲熱情果綠茶送火鍋，揀少甜又真係會冇咁甜，完全冇揸流攤

🥢佐敦新開張嘅台式小火鍋店🍲-點解命名為<十二鍋>❓因為呢度有十二款唔同口味嘅台式小火鍋任你揀😍 全部係一人一鍋所以可以試晒唔同味😚 而且每款已經有晒配料唔駛諗, 加埋飯/粉絲, 台式飲品先$122, 打邊爐嚟講係非常抵食👏🏻 如果唔夠食仲可以加配料同埋台式小食🤩-🐮台式沙茶牛肉鍋平時港式邊爐通知都係沙嗲湯底, 相比之下呢個沙茶湯濃郁得嚟又會冇咁油膩, 有鹹香仲帶出陣陣魚乾蝦米嘅味道😌 配料好快就好入味, 有牛肉片, 米血糕, 台式麵線, 各種丸類等等😋-🐄美肌鍋美肌鍋嘅湯底其實係牛乳, 聽個名就覺得好滋潤👍🏻 牛乳湯底好滑, 再加埋有好養生嘅配料 — 花膠, 鮮淮山, 蟲草花, 雞肉片, 女仔絕對要試吓🥰-🍴7.5/10

十二鍋 @12pots.jd📍 佐敦彌敦道219號莊士倫敦廣場地下4&5號舖.台式火鍋越嚟越紅😚 一人一鍋，可以揀自己想要嘅湯底同配料😋 (小編好鍾意配烏冬❤️) 試業限定仲有免費油炸鬼送😙 佢哋嘅油炸鬼特別香脆，唔會淋左👍🏼.💆🏻‍♀️ 美肌鍋 $95: 有花膠、松草花、鮮淮山等，而且湯底係用牛乳，非常creamy☺️ 啱曬貪靚嘅女仔🤍 入面有好多雞肉片，夠曬滋補!! 依個鍋真係好抵食，女仔一定鍾意😚.🍲 胡椒豚骨濃湯鍋 $88: 有豬肉片、胡椒豬肚丸、花枝丸、冬瓜😋 胡椒豬肚丸好特別，胡椒味好重而且夠彈口😙 娃娃菜同冬瓜都吸收晒濃味嘅胡椒豚骨湯，送飯一流☺️.🥩 現切封門柳 $98: 肉質好鮮嫩，而且牛味夠重👍🏼🍫 可可奶雪 $35: 可可味沙冰夠香濃 ，味道似朱古力奶😍.☕️ 泡沫紅茶 $24

佐敦最近新開左一間主打一人一鍋 足足12款既台式火鍋料理🤤 新張期間除左每枱會送一客老油條 仲有全單8折 超抵食啊😍我地今次就試左美肌鍋同胡椒豚骨濃湯鍋😚 每一鍋都跟飯/粉絲 +$7可以轉滷肉飯/烏冬添😆 所以一鍋已經好夠飽 美肌鍋用牛乳湯底 好濃郁 同蛙蛙菜真係好夾👅 入面有多款配料 包括一大塊花膠 嫩滑雞肉 魚蛋同蔬菜等等👍🏻 胡椒豚骨濃湯鍋就多左鴨血 豚肉等 湯底好惹味 唔會好鹹 浸埋送既個份現炸老油條食好正🤤 除左火鍋 佢地仲有多款台式小食 我地就試左麻辣鴨血同鹽酥雞🤩 鴨血好入味 唔會太辣 相信佢地既麻辣湯底應該都幾正😏 鹽酥雞每件大大舊 唔會炸到硬哂 仲好juicy好香九層塔味👍🏻火鍋+$7仲可以轉$28以下飲品 我地試左菠蘿四季春同百香寶綠加椰果 茶底清香 加上水果既甜味 岩哂打邊爐🌟