太二老壇子酸菜魚

營業中

休息中

新開嘅酸菜魚專門店當然要好好朝聖係咪真係咁好食，當晚唔算太多人等左一陣就有位，坐低後可以有自助熱花茶任飲，當然凍飲就另計，小食叫左麻辣小酥肉同菌菇𤆥菜心，小酥肉份量都唔少，辣得黎都入味又有啲後勁，好開胃🤤。主菜叫左二人份酸菜魚+紅薯粉同金菇，湯嘅酸辣味我個人幾鍾意，唔會偏向唔夠酸或唔夠辣，魚塊好彈牙份量都算多，配埋酸菜同湯一齊食好味薯粉我覺得可以多番少少就更好，但都足夠兩個人食飽飽嘅。綜合以上所有我覺得值得回頭。

之前聖誕節去食，而家先醒起要post果然無改錯slogan酸菜真係好食過魚！因為d魚片有淡水魚嗰d泥腥味！可能要用過第二種魚、或者要比d薑葱蒜酒去醃下魚片先仲有本身入面無薯粉，要加錢！有乜理由酸菜魚入面無，係靈魂來架嘛！反而之前喺彩福食無淡水魚味，又本身附有薯粉。馬蹄爆珠清補涼椰汁特飲又幾好飲，配上酸辣既食物，解渴又解辣。佢個五常米白飯係真係幾好食，粒粒飽滿，飯香又q彈，我自己都隊左兩碗。又十分中意佢個自助沖茶station，想飲水飲茶唔使求人。

剛巧經過見到太二，就入去試試，還是頭一次食太二，係國內反而沒有機會去食。😆叫了酸菜魚二人份量，加一份紅薯粉，食物送上時，見內裡的紅薯粉不多，以為沒有加上，就向服務員查詢，他們回覆是按份量加上的，即我們所見的份量，既然已經解釋了，我們便唯有接受，因為始終係第一次食太二，是我們不了解情況。🙈但我們進食期間，服務員走來向我們解釋因負責整食物的同事是新來的，可能未有按足分量加上一份，所以會額外補加一份紅薯粉給我們。🥹這是我們在香港的食肆中，從來沒有遇見過的服務態度，真令我們感到非常意外，不是錢的問題，而是感到太二對客人的重視👍🏼👍🏼👍🏼，將來有機會定會再去幫襯。補充： 食物質素是不錯的，我們沒有食過國內太二，所以沒有得比較