廚十三老壇酸菜魚 (D2 Place ONE) (已結業)

D2 Place係個有好多文創同埋精品嘅地方，呢日過嚟行完市集睇完戲之後，我地就直接喺商場搵嘢食，見依家天氣涼涼地，食酸菜魚暖笠笠就啱哂啦，我地兩個人嗌左一個酸菜魚同埋一碟炒窩筍絲一齊食老壇酸菜魚午市同埋晚市包嘅配料係唔同，晚市包嘅配料會少啲，包左金菇同埋豆腐，其他配料就要加錢去加，我哋另外加咗兩碗飯，上到枱見到個份量真係嚇親，大家同隔離碗飯對比下就見到有幾大碟，呢個係兩個人份量但我哋食極都仲有，魚片好滑冇腥味，但係有時會有啲細骨，食嘅時候要小心啲，小辣唔算好辣亦都好夠酸，仲有好多蓮藕片包埋，食完真係好飽清炒窩筍絲唔記得咗影相，份量唔算好多，但係味道唔錯，炒得好翠綠好清甜，面頭有啲辣椒絲但係其實冇辣味#foodie #荔枝角美食 #D2Place #hkig #hkfoodieblogger #hongkonger #foodblogger

不是第一次光顧, 但是第一次外賣自取, 竟然嚇一跳, 一打開蓋...只有一半, 我仲意為係視覺錯誤引至, 但攪一攪, 再數一數, 魚片只得數塊, 比起堂食差一半, 真的沒下次

食晒香港咁多間嘅酸菜魚，呢間份量唔值個價錢，性價比低D魚肉仲要用鹽醃過，個人認為唔需要，不過個湯底最似太二，味道唔錯，魚肉亦都幾嫩滑，不過有少少過稔，冇左魚本身嘅口感，冇牙嘅老人家都食到