十三姨 (通菜街)

營業中

休息中

今次已經唔知第幾次黎喇星期日7:00pm已經100％滿座，好彩等咗幾分鐘就有位一坐低就先送一杯蝦片加每人一杯茶茶杯入面有一整個茶包，茶味夠濃蝦片就多多脆，少少“林“老闆娘鵝肝煎蛋飯有4塊鵝肝，我兩塊撈飯，兩塊就咁食仲有自家制XO醬(怕太辣嘅可以好似我咁“另上“)十三飛(員工T-shirt寫住：食完十三飛 打牌都會飛)有安格斯牛肩胛，牛肋條味道好濃，唔咸，個湯都好夠味小食叫咗雞軟骨不過我覺得味道普通又唔算特別脆另外仲叫咗杯嘢飲 - 檸檬柚子蜜味道同出面嘅差不多，夠凍夠味，正常總結：我下次黎都一定會叫鵝!肝!飯!

呢間餐廳嘅老闆娘鵝肝煎蛋飯，是我每一次回訪的原因，而每次都有免費脆印尼蝦片食 (每枱都有一份)和有一杯好好飲嘅茶解油膩𠻹喔！老闆娘鵝肝煎蛋飯 (HK$120)．飯上面鋪滿餸菜，賣相有點似韓式拌飯．上面的三件鵝肝，肥美、軟滑、好creamy．之後篤穿隻煎蛋蛋黃、加少少秘製醬油 (癡魚露溝豉油)，和乾蔥、京蔥和XO醬碎肉拌飯一齊食，有點辣，但好好味喎！晚上六點剛開門做晚市，可以直接入去坐低。食完大約7點，門口已經排滿晒人。

上次同朋友第一次去食 食過一次覺得好好食 一定會再食第二次 今次晏晝去食 門口同之前一樣企滿晒人 等位大約等十幾張枱左右 都好快就有位 一坐底店員就會每枱都會俾一份前菜 係脆卜卜既蝦片 好脆口好好味 我地叫左個十三么 即係手撕雞叉燒米粉拼粉絲 份量都幾大份 好足料 個湯同之前一樣咁好味 望落去以為係清湯 但食落係幾重味 手撕雞好嫩滑 叉燒好淋身 另外仲有啲炸蒜同腸粉 成個配搭係好夾好好味仲叫左個老闆娘鵝肝煎蛋飯 又係大大份 有三大舊入口即溶既鵝肝 另外仲有隻蛋 xo醬同其他配料撈埋個飯一齊食 不過今次隻蛋就熟左少少 但最重要既係有個係秘製既豉油撈埋落啲飯到食真係好好味小食叫左個西多雞翼 煎到金黃色 咬落脆卜卜 不過呢個應該係普通既蜜糖雞翼黎 但都整得好好味整體黎講 食物高質 好好味 價錢合理 會再黎食

之間成日經過呢條食街 眼見好多間都排晒隊 等位等到出門口 但一直都冇留意呢幾間餐廳係食啲咩 最近係網上見到有人介紹呢間叫十三姨 佢地有個必食既老闆娘鵝肝煎蛋飯 只係需要一百二十蚊就食到 價錢同賣相都好吸引 就即刻約朋友去試下 我地當日夜晚七點鐘去到餐廳 門口已經企滿晒人係度等位 我地拎左飛 大約要等十幾張枱 我地就行開一陣 係附近行下先再返黎 只係行左一圈 我地七點半再行返去餐廳 岩岩好下一張就到我地了 開頭都以為要等好耐 原來等半個鐘就可以入座了 餐廳雖然細細間 但座位都算幾多下 眼見啲人多數食一鍋鍋既米粉多 我地就叫左兩個都係招牌菜 一個係叫做十三么 一個鍋入面有米粉同粉絲 仲有手撕雞 雞叉燒 溏心蛋 仲會有啲葱同菜係入面 首先 佢一黎到 已經聞到個湯底勁香 係好重好濃既雞湯味 手撕雞同雞叉燒好嫩滑 米粉同粉絲既份量有好多 成個配搭好夾好好味 另一個就係必食既招牌老闆娘鵝肝煎蛋飯 呢個賣相好令 中間有隻太陽蛋俾客人自己撈飯 側邊仲有葱 蒜 Xo醬 最吸引既係有三大舊好肥美既鵝肝 煎到金黃色 入口即溶 食晒都唔會覺得漏 Xo醬真係好辣下 食少少已經好辣 唔食得辣唔建議撈黎食 另外佢仲

琴日經過女人街搵野食，其實次次經過女人街都見十三姨好多人排。朋友話想試下，咁就拎飛等。都等左一個鐘，其實等到燥燥地，終於等到我地。一入到去見到已經擺好2杯茶同埋蝦片。由於我地係外面已經揀好食咩，所以好快落order，也都好快上菜。我地叫左老闆娘鵝肝煎蛋飯、十三么、芝士年糕同黑牛。 鵝肝煎蛋飯真係好好食！好好食！好好食！本身都好鍾意食鵝肝，配飯/多士真係好好食。佢個飯仲有XO醬，甜豉油真係好夾，辣辣地令到個飯無咁膩同埋好開胃。我食到飽左都仲係好想繼續食。朋友食左個十三么，湯底好好飲，有陣胡椒既香味，然後加埋檸檬又好似變左另一個湯底咁好清新。但係個芝士年糕就一般，佢中間流心係甜，但佢面果塊芝士係咸，個人覺得又咸又甜太複雜。可能個飯實在係太驚艷，將佢比下去。原本等左一個鍾燥燥地，食完個飯開心返曬。

旺角超多人排隊嘅十三姨🥳🥳🥳平民價食鵝肝飯 仲有特色翠玉瓜麵🧐我哋平日夜晚7點幾嚟到都等左成個鐘 開左咁耐仲係人氣不減👏.🎈老闆娘鵝肝煎蛋飯 ($118)百幾蚊食到三大塊鵝肝可以話係性價比非常高啦😍😍表面煎到金黃色 外脆內軟非常香口🤤仲有生蛋黃同自由添加嘅鼓油 超級下飯😋不過肉碎就有少少辣 唔食得太辣嘅朋友唔好一次過撈哂飯啦🤣🌶評分: 7.5/10.🎈上等牛肉翠玉瓜麵 ($70+轉麵$15)叫麵就係特別為左試下呢款翠玉瓜麵🤣真係冇咩澱粉質全部都係翠玉瓜雖然幾特別 但就一定冇普通麵咁掛湯不過食落就冇罪惡感 係健康之選👏牛肉同湯底就相對比較普通 中規中矩評分: 7/10.🎈總括而言鵝肝飯會比較驚艷 中意食鵝肝嘅人值得一試👏不過就真係要預早排隊 次次嚟到前面都有幾十張枱😲評分: 7/10

「十三姨～～」 當你聽到十三姨呢個名，你會諗起咩？淫賤搞笑的毛舜筠還是氣質美女關之琳？我就會想起位於旺角的一間名為「十三姨」的食店。此店主打濃雞湯手撕雞陽春麵，亦有手撕雞雞油飯，而且仲有串燒供應！裝修亦是古色古香，以木材為主調。未叫餐前先有小食蝦片奉上，蝦片脆卜卜，可以一邊吃一邊等待。但我地只吃了幾片，食物已經送到。大三元包括有炙燒手撕雞伴雞油飯，炙燒雞叉燒，溏心蛋。調味料亦有秘製飯豉油，先試一口未有加味道的原味，感覺淡了一點，於是再加秒製豉油，豉油比較淡色，亦不算濃味，配合雞油飯恰到好處！老闆娘鵝肝煎蛋飯鵝肝煎得金黃，但吃不慣有點辣的飯！雖然食到好飽，但仍然可以食到一粒飯都無！呢間食店絕對可以encore!

好邪惡既港式餐廳，好耐都無食過咁邪惡既美食！▪️老闆娘鵝肝煎蛋飯 $108一眼就睇中左佢既鵝肝飯。據說係依度其中一樣招牌，雖然貴左啲，但真係好吸引！鵝肝油滋滋的、超甘香，入口軟腍軟滑，鵝油滲曬落啲飯度，每一口都係邪惡😍蛋黃好金黃，帶流心。加上惹味既辣菜脯、炸蔥蒜同煎蛋，都無咩唔好食既理由，就係油左啲👻另外仲嗌左：▪️手撕雞拌雞油飯+炙燒雞叉燒 $62手撕雞同蔥蒜份量好多，不過較乾身同淡口。雖然雞油係賣點，肉眼亦見到有不少油但成碗無咩味道，未能體會預期中既雞油香。四小片炙燒雞叉燒反而幾出色😝肉質軟嫩、有雞香，不過都係較油。整體表現唔錯，可以encore

開頭一聽到，下.....叫“十三姨？”就會唸 遲下如果拒開分店 會係十四定十二🤣(無聊一下)不過要利申一下先小妹其實成日都對哩d小店充滿期待🙆🏻‍♀️因為好多時會見到老闆/老闆娘坐鎮食物質素好緊要，同時服務+環境都係重要既一環所以我自己都幾重視哩d (又要講一次我係做飲食業岀身的啊😌)當晚4個去到，但全塲full 好彩有一台埋單走企理簡單既裝修 偏向小小日本風格8點幾了。友人同我肚仔都打哂鼓，極速落單野食都幾快上，哩個價錢食到有質素食物，成晚都好開心老闆娘好好，教我地點樣撈先好食🥰又靚女又好客下次會再黎食，繼續食返我既鵝肝飯🤤👍🏻繼續支持小店。

位於旺角通菜街的十三姨，店名好搞笑今次是同舊同事聚舊，所以搵到呢一間最近幾多人講的餐廳。去到門口，都幾多人等緊！不過同事一早到左，去到即刻有位。-餐廳係木枱木櫈為主，大枱更係一條木bench，放袋位置都冇。每枱都有一碟蝦片送，無論你幾多個人都係得一碟。等食物時間有啲長，所以問店員可否要多碟。店員好強調得一碟，我地都冇所謂繼續傾計。但店員好好人，之後都行番轉頭加比我地，可能見我地等得耐？-木耳豆角咸蛋- 不過不失👍🏻沒太大意見老闆娘鵝肝煎蛋飯- 好足料！三舊大鵝肝都只係$188，希望佢之後做落去都keep到呢個size啦。但除左鵝肝，冇醬汁得蛋黃，令到個飯有點dry。因為我唔食鵝肝，剩係同事有食。comment是鵝肝不錯，夠肥。手撕雞伴雞油飯- 好味道啊！呢碟係最好食，雞油飯不會太油，肉份量都好足。另外有叫粉麵，略嫌湯底有點油。而且麵食感覺唔太扺食，款式有點普通，牛肉食落冇咩特別。-整體而言，食物味道是可以接受的。不過飯只有2款，面的搭配好似搭配了好多高級食材，但食落普通。餐廳應該係prefer一人叫一款，快快食完，而不是share的。較適合一兩個人lunch time醫肚食，不是gat

又是我們兩小口了。我們今次專程去試的是十三姨的老闆娘鵝肝煎蛋飯，因為她說非常想吃。她們的店鋪不是在大街中，而是在旺角通菜街小巷內。去到的時候是4:30，離她們下場的時間還有30分鐘。我們立即叫了一個鵝肝煎蛋飯和一個十三么雞湯粉拼米粉。很快便有，不知道是不是因爲趕著下場的原因😂。我們吃的途中，還關了一部分的燈光，這一點我有少少不滿，因為客人還在你的餐廳進餐，而且還未到5:00。希望他們可以小心這一點。食物上還是好的。由其是鵝肝煎蛋飯，很用心的配料及醬油，份量也剛好。雞湯粉相比下還可以，但是還有更好的空間。