桃園眷村 (已結業)

聽過呢間好耐,但咁啱經過先試下～一向都鍾意食粢飯🍚睇名以為係台灣野,原來係上海黎架。呢度嘅粢飯,饀料特別,揀左肉燥滷蛋🍳。肉燥唔錯～幾夠味,不過食落同一碗碗肉燥飯感覺又唔同🤔包喺飯入面略嫌乾乾地,滷蛋唔太入味⋯最慘係飯唔夠熱,感覺好似整定,翻叮都冇咁喎......有點失望,唯一係size比一般粢飯大,好飽肚。冰豆漿我覺得好好呀⋯好有豆味又唔甜～當日熱辣辣,每人一杯啱晒,好大杯的💦。但燒餅真係一般蛋唔突出,淨係覺得好鹹呀‼️而且比起粢飯係暖都談唔上....好似整完擺左好耐咁～唔知係個別問題定點呢

早前喺微信嘅朋友圈見到好多人放相，今次終於有機會同朋友一齊黎試試啦我地一行四人分別點左1) 功夫辣雞腿燒餅 + 米漿2) 豬扒蛋燒餅 + 甜豆花3) 香腸蛋飯團 + 甜豆花4) 肉燥滷蛋飯團 + 紅棗豆漿再加一個油條SHARE，咁就可以試晒所有野LU =]米漿飲入口有D 似花生糊，如米味可以再多d會更好。甜豆花滑溜溜，花生煮得好稔，咬落去口感有D 似眉豆。紅棗豆漿D紅棗味如果可以再突出D 就好啦。燒餅餅皮好脆，一咬就已經碎片四溢，再配搭埋豬扒蛋/辣雞腿，口感一流。香腸蛋飯團/肉燥滷蛋飯團冇D似上海嘅粢飯，只係入面嘅材料唔同。

潮流當然不止用於時裝髮型，就連食都一樣要跟得上潮流。最近，網上談論嘅呢間台式餐廳桃園眷村，評論有好有壞，咁點都一定要嚟試下佢究竟係龍定鳳啦😏位置喺朗豪坊嘅4樓，沿著扶手電梯上就見到，非常方便。餐廳以開放式坐位設計，自助式點餐取餐方式營運。諗好想食咩就去櫃臺落單，之後會有個取餐器比客人，響嘅時候就去拎嘢食咁。雖然呢度食嘅嘢都係台式早餐店嘅嘢食，我哋兩個嚟食晚餐喎，梗係咩都double份量啦！首先嚟個鹹豆花，原來大少係未食鹹豆花嘅，所以一定要叫比佢試下啦！台式鹹豆花同平時香港食到嘅上海鹹豆花唔同，多好多配料。呢度嘅就有紫菜碎、蝦皮、菜甫、香蔥、炸透哂嘅油炸鬼碎同埋佢哋嘅辣椒油同醋！最近睇咗好多有關呢間餐廳嘅評語話個鹹豆花麻麻，但我同大少兩個都覺得好有驚喜，真係好唔錯！味道係非常適中，唔係一味濃味面蓋過本身豆花嘅味道。配料一啲都唔吝嗇，全部份量都夠每啖豆花都有配料一齊食；辣椒油唔會死辣仲好香。豆花滑捋捋加埋爽口嘅菜甫，脆卜卜炸透咗嘅油炸鬼碎，口感更正！接着就叫咗兩款燒餅試吓，第一款係店員推薦嘅蔬果沙律燒餅。最初聽到嘅時候覺得，咦！怪怪地咁，燒餅不嬲都係配下蛋呀雞腿呀咁，配沙律會唔會好奇怪呀？

在上海食過呢間高大尚的台式早餐店，一直銘記於心，好想屋企樓下都有一間，雖然佢價錢唔係好平民化，但你試過之後，就會覺得，無論裝潢定食品質素都比平時上班族幫襯開的STARBUCK, PACIFIC等COFFEE SHOP有過之而無不及。先看門面吧,是否文青大愛~?!配以柔和自然光, 坐得非常舒適!!古色古鄉得來有很不錯的現代感, 在朗豪坊這大商場完美融合了~~台式店就是這樣, 菜單就在收銀台上，抬頭看看想吃什麼，就跟店員說吧~太懷念了，想每樣都點，一口氣點了4件單品!最急不及待是吃這份油條，超級鬆軟，咬起來脆卜卜，唔好睇佢好似好大份，其實食落唔係好多粉果D，佢只係澎化得好好的，食落一點也不覺得油膩~用來點豆漿食一流!!!佢有送上一盒咸醬, 點黎食又係另一風味, 但我較喜歡原味的酥香.呢個肉燥滷蛋飯團就係平時食開的粢飯，咸道剛剛好，內裡夾了脆脆的油條，口感豐富，好好食!然後呢個豬排燒餅都很不錯，煎蛋是有蔥花的，很香口~最後唔少得係呢杯飲完想再飲的紅棗豆漿! 佢唔係非常之濃, 濃到有塊膜果隻, 但豆香夠濃, 低甜, 香滑, 你會問, 紅棗呢??其實紅棗醬已加在底部, 拌勻就有濃濃紅棗香了~~與