鳴橋燒肉料理 (已結業)

踏入2019年，運氣真係ma ma地，所以要同老公食餐燒肉，燒下d衰氣🤣朋友之前推介食鳴橋燒肉，種類多而且食物新鮮，於是去試下，果然冇介紹錯。我地喺門口企左一陣研究下個餐單，燒肉放題，二百零蚊，有刺身，有和食，有炸物，有燒肉，有甜品，飲品，款式多多，唔錯唔錯👌入面唔算大，但都坐得舒適嘅，簡單嘅和式佈置。刺身夠新鮮，每件三文魚刺身厚身肥美，脂肪紋分佈鮮明，色澤呈橙紅色，肉質堅挺。甜蝦、帶子和八爪魚賣相睇起黎都好正，食落都符合外表嘅鮮美，好鮮甜，抵讚👍燒肉部份方面，我地先燒羊架，一邊燒一邊傳出香味。亦推介鹽燒牛舌，切得夠薄身，食落爽口。一口和牛同牛肋肉都係出色之作，肉味濃郁，肉質香嫩，牛肋肉厚薄均勻，入口即溶，混埋牛油嘅香味，維持喺口腔入面但又唔會覺得膩，非常好食。雞翼味道好，唔會太鹹，單骨亦方便燒同食，唔會燒到燶晒。以上都再encore左一次😚另外海鮮點左虎蝦，三文魚骨同多春魚，虎蝦都幾肥美。炸物即叫即炸，又鬆脆又夠熱。三文魚頭湯，好香濃嘅三文魚，如果再熱d就好喇。蟹籽沙律夠晒醬汁，而且帶點微酸，幾開胃。飲品同甜品種類選擇唔算太多，但都有好幾款，抹茶雪糕嘅茶味香濃，唔會偏甜同太重奶味。而

上午考完試，lunch當然要去慶一慶祝啦今日搵食去了油麻地一間叫「鳴橋燒肉料理」，門口望下個價錢ok — $168/位再望下有咩食，種類都算多，就入左去坐喇！入到去檯面有張menu話有個升級放題優惠(+$40)，有大虎蝦、帆立貝、牛助肉、帶子(刺身)、馬刀貝、羊架我同朋友諗都唔諗就自薦升級第一碟上檯：刺身整體來說，全部都好新鮮！值得特別一提的是，帶子同甜蝦夠鮮甜北寄貝同馬刀貝就好爽口刺身絕對可以encore第二、三碟上檯：海鮮 & 肉類雖然得兩個人食，不單止encore刺身，我地食左好多肉，差唔多叫晒成張肉類menu再試埋呢度d天婦羅，全部都即叫即製，上檯個陣熱辣辣，炸粉厚度岩岩好！唔算太厚又唔會薄到一夾就散晒~飲品都係任飲，呢款既蘋果汁同提子汁都有。最後last order個陣，梗係食埋個芝麻雪糕先走啦中間我地有個小插曲，我地見到有班外國人有大有細拖住幾個喼入黎食野。食到一半，佢地放低左d行李係餐廳，大夥兒出左門口影相，影完就走左老闆真係好人，服務一流！好有人情味！

放假就緊係要對自己好啲，同朋友決定嚟個放縱嘅任食放題，一於試吓鳴橋先! 因為想試多幾款烤肉同刺身，所以就揀咗加$40升級。呢度個爐同出面唔同，爐面會鋪多張牛油紙再掃咗層油，食物就放喺上面燒，咁就無咁易燒燶啦! 基本上同朋友差唔多樣樣都叫啲嚟試吓，個人最鍾意香草雞翼、牛舌、黑椒一口腸、雞軟骨、多春魚同龍脷柳。雞翼燒完後皮脆肉嫩，食到淡淡香草味; 牛舌食落好爽，唔會韌; 一口腸似台式香腸，好甘香; 雞軟骨燒完卜卜脆，過足口癮; 多春魚同龍脷柳都唔腥，呢啲食物我都 encore 再 encore! 蟹籽沙律唔係用蛋黃醬，而係用芝麻醬汁，好清新! 中華沙律都好爽口，開胃之選~馬刀貝刺身外面放題比較少食到，食落好爽脆，其他刺身新鮮度都不俗。天婦羅蝦同餃子應該係即叫即炸，嚟到仲係好燙口，食炸嘢最緊要夠熱，一口蕃薯好甜好綿，好味。我要咗芝麻味雪糕作為今餐嘅 ending，芝麻味香濃，再飲埋佢杯自家煲涼茶，是晚係羅漢果，可以清清熱，同朋友飲飽食醉，暢談一晚，放假係要咁先似樣! 順帶一提，店員嘅服務值得讚許，親切有禮，並不時留意各食客嘅燒烤紙需否替換，主動提醒換紙，避免食物燒焦; 另外，食放題最怕漏單，

行街行到肚餓餓，見到前面有間日式燒肉放題，話不而遲入去開餐。依間燒肉放題料理既收費都係跟時間入座計，價錢適宜唔算貴。餐廳都幾大，環境都唔差，乾淨企理。睇一睇餐牌撰擇都幾多。店員先把紙放係燒爐上面，咁樣可以減少食物燒焦。首先叫左前菜先，有中華沙律同埋味付螺肉。打頭陣既係刺身，三文魚有油脂食入口好香，全部都好新鮮。之後上既係海鮮類。虎蝦隻隻都大大隻，夠爽口，帆立貝夠曬肥大好味，青口有海水味食落新鮮。再來既係肉類，牛肩肉和牛柳粒也不錯，肉質夠靚，燒寺來既油份都好香，食入口有入口即溶既感覺。香草雞翼真係夠曬入味，有濃郁香草味。唔指食物好，食燒肉黠都有小小熱氣，餐有自家煲涼茶比客人任飲，夠曬體貼。野食全部任叫，緊係唔好比佢停，我地反覆係咁叫海鮮同肉，次次上台都好快，食物既質數亦都無變差，最後食到飽飽。走之前仲要食甜品。

早前晌尖沙咀食咗餐好和味嘅日式烤肉，今晚再續「烤肉」之夜，同個死佬朋友嚟到油麻地嘅鳴橋燒肉料理，貪佢近近哋，而且，全包放題，即喺任飲任食，連加一都唔使兩舊水，仲有可以晌Table Map訂枱儲分，又可以下載優惠券賺多一客特大刺身蝦嚟試試，諗落划算嘛。離油麻地地鐵幾分鐘腳程，好方便，位置屬於黐住旺角，所以，幾旺場，仲越夜越多人，訂咗枱始終穩陣啲，離開時仲見唔少人晌門外等位添。門口大大個餐牌，有咩食一目了然。室內環境唔喺好大，坐滿人之時真喺幾逼，裝修亦都好簡單，反而餐廳尾落幾級嘅用餐區闊落少少。基本收費，$178一位（星期五、六、日、假期及其前夕，另加$10），任飲任食兩個鐘，我哋咁戰鬥格，夠晒啦。當中，已包咗超過60多款嘢食，有肉類、野菜、和食、甜品、炸物、刺身、海鮮及飲品。另外，又可以加$40升級為皇牌放題，有多6款嘢食可以任點，就喺牛肋肉、花虎蝦、帆立貝、刺身帶子、馬刀貝及意大利芝士蛋糕，想享受多啲，定慳番啲，悉隨尊便。此外，仲有一張點菜紙寫住付款項目，有兩款特別食物，同埋啲啤酒、清酒、紅酒、白酒、香檳之類，小心啲剔，咪亂剔剔鬼錯。三文魚頭湯燒烤需時，所以，不如點個湯潤一潤。湯品有味

老朋友聚餐，今次試一間位於旺角既日式燒肉放題。老友話佢老婆上个月試過，話肉類款式雖然吾多，但每款都好味，話一定要試下。店舖位於旺角，方便各老友放工聚餐，我地訂左6點六位，可能係星期三，去到時得两枱客，店員介绍我地有兩款餐，一個178，另一個218可食多六款食物…，仲話而家做優惠每人送多隻特大刺身蝦。成班老友成年冇見，當然食好D。因為友人話肚餓，於是叫个靚女姐姐上刺身同比碗湯先，可能客吾多，不到5分鐘就上菜，個三文魚湯有驚喜,冇想過放題可以飲到咁高水淮既湯。其他肉類、海鲜都好快上,其中一位友人係蝦精，D蝦比想像中大隻，佢話超正，個人食左最小5-6隻。我同太太最愛食肉，和牛粒同牛肋肉牛味好重，想不到放題會食到呢個級數既牛肉。另外羊架我平時好少食，友人拯力推介，我試左一件，真係好好味，但注意不要燒太耐，店員持別提醒最好七成熟。刺身方面雖然吾多，但款式都大路，有三文魚、北寄貝、馬刀貝、帯子等…呢个價食到呢類刺身，算好低。