Supreme Steak & Grill

營業中

休息中

想比起出面鋸扒 呢個餐廳價錢係比較平有8款晚市套餐 全部都有90分鐘任食薯條再包一罐汽水 仲要唔使加一 相對真係平安格斯級封門柳 ($190)叫左7成熟 唔會好韌 幾有牛味有200g 以呢個價錢 質素都算唔錯安格斯級肋眼牛排 ($190)同樣七成熟 200g 呢個冇乜牛味未到一般 比封門柳遜色🙁西班牙黑毛豬鞍 ($160)豬鞍都幾大塊 肉質幾鬆軟配埋佢嗰個類似香草醬食 都唔錯相比之下都好食過肋眼扒薯條方面 幼薯條 好似麥當勞嗰啲新鮮炸起都幾香口 都食左3兜🤣

難得家人能抽時間出來，便嘗試找間小店跟他們共進晚餐🤣餐內環境幾好，雖然係一個長方形位置 ，坐得好舒服，唔會好迫。晚餐餐牌，之後寫落張紙到，大部分係肉類，有沙拉，小食同甜品。首先叫左個燒吞拿魚沙律，果然啲人話佢個沙律醬芥末醬幾特別，半生熟嘅吞拿魚都幾好食，記住要撈勻先食，因為佢將藜麥放晒喺同一邊，如果男仔食可能唔夠，啱啱好一人份量。爸爸叫咗一個ribeye,佢係晚餐套餐,薯條可以添食但佢係有薯條唔係粗薯條，扒都幾大塊不過當日食嘅時候有少少鹹，我地揀左五成。個甜品先係重點！佢本身仲有黑朱古力蛋糕同埋Tiramisu，最後揀咗依個法式焦糖芝士蛋糕絕對無錯！佢個餅底好乾身，中間嘅焦糖芝士係粒粒感覺好特別，上面嘅忌廉帶甜，不過如果唔鍾意好甜嘅人唔建議揀呢個。三個人最後埋單既價錢，幾抵食，佢仲有燒雞，牛柳同羊架喺餐廳嘅電視上都有出現圖片，好似都好食！如果多人去嘅話可以一次過試晒！