一品雞煲火鍋

營業中

休息中

今日收工同幾個同事突登黎荃灣黎食火鍋。同事話呢間幾好所以一於試下。要食呢要一早黎先有位，我地等左10分鐘左右先有位。雖然唔係任食，但食物味道超正尤其是飲品超大杯(可惜忘記影相，一杯雖然要30幾蚊，但物超所值。一杯飲品頂出面茶餐廳4至5杯。我叫左杯凍檸茶，裡面有成一個檸檬，出面凍檸茶一般都只有2至3塊。)座位幾闊。阿姐好nice又好好傾。雞煲少麻少辣裡面有好多肉，唔會淨係得骨頭。肥牛。同平時火鍋既牛肉有少少唔同，佢比較厚身少少，加埋雞煲個汁好正菜估唔到有洋蔥叫...我個人覺得可以唔使叫呢個...呢度有牛肉滑同墨魚滑，仲有一款滑忘記了名字。款款都大大份。

一品雞煲，愛辣之人應該不會陌生，我也有一段時間沒有品嚐，因為假日晚飯時間實在太多人了。今次因為過了晚飯高峰期，不用等位既情況下。二話不說，直入坐下飽餐一頓吧！點了雞煲（大辣），配料有洋蔥，芫荽。雞夠入味，洋蔥吸收辣味，甜中帶辣，好濃味好辣者，必吃。鮮料點了肥牛，是上等的肥牛片，脂肪比例剛好。牛栢葉，新鮮爽口到不得了。冬瓜片，冬瓜片配雞煲真是一絕，冬瓜片吸收了湯汁的辣，一咬滿辣汁，正!。再加杯特大檸檬茶，大滿足!

天氣凍凍地，最好就係雞煲打邊爐。呢間都聽朋友講過話都唔錯，所以今晚就同我男朋友去試吓。兩個人叫咗半隻雞，熱辣辣雞煲出到黎，即刻食d雞先 。雞煲好入味，食完再落湯打邊爐。另外墨丸蝦丸都彈牙，入面仲有一粒粒口感好足料 ，其他肥牛、雞子同菜就一般，無咩特別。整體都唔錯，只係價錢偏貴少少，都會再來食。